《日瑩Yanki呈獻：MODERN CLASSIC 2010-2020 「撐」小肥演唱會》2022討論區

多謝巴打分享
我今晚睇，希望感受到佢既氣氛！

啲鼓聲仲大過vocal 點聽

唔鬼記得咗
九點先開直播

大概2245左右完場。
整體感覺唔差，今晚個氣氛我覺得幾好。
某啲歌既編曲係為左run音樂劇個part而改到咁，
真係要比較投入先感覺到佢既用心。
好唔好聽，真係見仁見智。
其實演唱會黎講，我覺得佢個主題比較明顯。
青春頌、寵物、廢柴，
呢3首會係我比較鐘意既部份。

一定要講返感覺差既位，
真係音響方面，
鼓聲大過人聲，
其次係成套音響感覺唔係太好。

其次係小肥把聲，
我終於明白之前有巴打講，
感覺好似唔夠氣咁。
前段我以為佢走動得多，
但後黎休息多左都係咁，
覺得好似唔夠以前咁放，
覺得佢可以再上多啲。
Enjoy the show
撐小肥

魚點解要剪呢個金色頭
寵物同負親都好正

同我感覺差唔多現場唔知點解音響真係麻麻，我懷疑坐後少少可能會好D，有冇後排觀眾可以講下？

小肥呢個演唱會真係幾正
估唔到一個澳門人都對香港咁深感情
今晚仲有陳伯衝上台搶咪
加埋Fish聲音導航都好正

至於話小肥唔夠氣方面
覺得佢係轉咗唱歌方式
上假音啲位放得輕咗好多
可能無咁傷聲但係聽落係少少唔慣
希望佢可以俾多啲人欣賞

搶咪？
咩事？

今晚除左陳柏宇廖子妤仲有冇其他人？

黃色終極後排
轟到我勁頭痛
啲聲trap撚住咗
唱嗚嗰陣 好似中咗音波炮咁

音響同人聲唔係幾balance
好似鬥緊聲咁
我耳仔可能敏感啲 所以keep住頭痛

中間係類似音樂劇形式咁玩
都特別嘅 好似一個故事咁串連
但表達方式唔係個個接受到
口味絕對唔係普遍大家會鍾意嘅
但聽小肥演繹都係enjoy嘅
除咗中間幾首改到我唔識欣賞之外

感覺上成個rundown好快
歌接歌咁唱
其實小肥會攰之外
觀眾都有少少消化唔到
(可能我廢 要有多少少唞氣位會舒服啲)
我個人覺得
如果個節奏慢返少少
抽走一兩首激昂嘅歌
換慢歌/抒情歌
我可以更enjoy

遺憾係 如果可以用睡前服做encore就正
好鍾意呢首 好舒服

Btw 第一次聽陳柏宇live
真係好聽 把聲好入耳但又好舒服
同小肥是兩種感覺

我其實唔係咩fans
只係聽過小肥啲翻唱覺得佢好唱得
而且睇佢啲訪問/綜藝覺得佢性格十分討好
我覺得佢值得更多人支持
所以我先買飛入場睇

麥花臣個場啲音響真係好唔掂
但成場氣氛都好好 小肥唱得好好
真心撐佢 真係值得多啲人支持

加油啊小肥

唔關麥花臣事 係睇佢音響用咩公司
我之前睇麥花臣都冇咁衰 仲好靚聲添

佢個音響echo好勁 真係唔多舒服
音樂劇真係chur 睇完一連串先鬆一口氣 好攰
唔知點解今日小肥把聲好似唔入咪咁
好想佢唱哂睡前服隻碟
今次隻碟 陳輝陽改曲改到真係得幾首聽得入耳
陳柏宇依家唱live真係好正 上年睇佢紅館真係正到癲
btw 女和音真係好好聽 把聲特別 好聽過serrini好多

明明小肥清唱都好好聽

得罪講句 寧願佢清唱
天與地頭幾句好清好通透