《日瑩Yanki呈獻：MODERN CLASSIC 2010-2020 「撐」小肥演唱會》2022討論區

唱完廢柴佢話完，我仲諗緊真定假，啲人已經擸袋趕住走，過多兩秒燈都開埋，仲點叫encore

廢柴唱到一半我見陳柏宇走入後檯，以為佢準備再出黎講野唱歌，點知話完

冇啦見啲crew 好早已經叫緊前面啲VIP去後台影相 點會有得encore

連陳柏宇都冇介紹過

明明好好地跟原唱仲好
係都要夾硬改

個女和音幾勁，唱青春頌好正

係 最好聽呢part

成個演唱會 唱足全程 歌接歌無悶場
改編歌好唔好聽 就見仁見智
改左嘅歌在今次演唱會 更加睇到 有意思想表達

全個演唱會run up 好好一個故事
加上有陳慧寫的獨白 廖子妤講嘅獨白
今次呢個演唱好值得睇

睡前服成隻碟都好正

唔知講咩好

麥花臣啲音響真係搞唔掂，坐側邊啲位睇到頸都痛
但絕對感受到小肥嗰份努力同埋想帶出呢幾年香港人嘅感受

現場聽小肥真心正，係中間啲改編曲怪怪的。
不過唔緊要，好睇得出佢呢個show好有心思
Btw小肥呢啲實力派歌手點解紅唔起，真係天理不容

有無名？

唱女和音笑容勁靚 聲又勁
有冇人知咩名

唔識講，好似完全冇人lead佢呢行應該點玩咁

都唔預佢會紅架啦，純粹覺得應該支持多佢少少

頭幾首歌啲audio係咪有啲問題？

Vocal有啲細聲

我坐地下聽好似隔咗一浸嘢嚟聽咁

覺得全晚Run down好正,
一開場已經俾佢首時光機震撼到!
完全冇後悔俾錢入場睇.
佢又比足百二分力去唱，
冇乜飲水位，全程歌接歌，成件事好正。


雖然都仲係有吉位,
但氣氛比早兩年個演唱會好好多，

早兩年佢喊到〈負親〉都唱唔到
夠10點到，啲人已經走緊，
另外一啲人喺台下撳緊電話.

但琴晚就冇呢個情況出現，
中段都有人拎手機出嚟做燈，整體感覺都唔錯。

唔想燈佢,
但咀嚼下佢啲獨白，會有另一番感悟

我坐側邊 直頭覺得啲音響唔掂

今晚睇

今晚再睇

推

去緊！

冇預期中咁少人睇
20:00 到麥花臣，條龍都相當長，
好多人排隊