13 Like
6 Dislike
天才小朋友
2017-07-31 00:50:35
「點解你會知?」
「點解你咁蠢?」
家姐走過黎病床掀開我件衫,摸摸我心口。
「家姐,呢度醫院黎架。」
「有咩所謂。」
家姐攤開手掌放係我心口前,而我亦開始感受到震動。
「我搵到醫生啦!」
小渝好心急咁衝入黎。望見眼前既情景,小渝露出好尷尬既笑容咁企係到。
「其實我同小眉拍緊拖。」我家姐突然好似痴左線咁亂講野:「俾你見到我地親暱既行為,我地亦無謂再隱瞞。」
「吓? 你講乜野呀?」雖然我鐘意既唔係小渝,但我亦需要澄清呢件事。
「小眉,你話過唔想俾人知。但係我知道小渝一直鐘意緊你,你向佢隱瞞只不過係不斷咁傷害佢。」
「你......」
我仲未解釋清楚,家姐就已經咀左埋黎。
「原來一直都係我自作多情。」小渝已經滿面眼淚:「對唔住我阻住你地。」
我推開家姐,想追出去搵小渝。但係,家姐又再將我推落病床上。
熱手打個冷飛機
2017-07-31 01:06:52
我睇左d乜撚野
天才小朋友
2017-08-02 15:17:37
「你今日做乜......」
「唔好問。」家姐神情變得冷靜沉重:「做我一日男朋友。」
就係咁,我就真係做左家姐一日男朋友。
陪佢睇戲丶食飯丶行街...... 而親密既行為,最極限都只係拖手。
畢竟果個係我家姐。
雖然答應左佢既要求,但係,佢成日都冇開心過。
平時家姐都已經好少表露佢既情感,好似咩都唔介意咁。
但係佢今日多左一份傷感。
「家姐,你係咪有野唔開心?」我地終於返到屋企,開大個冷氣。
家姐冇理到我,反而自己行左入房。
女人會咁,其實都應該因為情傷。
我問既問題,自己心中一早有答案。
「仔死仔還在,下個更可愛呀。」
「你睇下,我中左六合彩。」家姐又係房入面走出黎,將張紙遞俾我。
「係投胎卷?」
「係。」
「咁點解你唔開心成日?」
「因為我中左八千萬頭獎,但係冇去拎。」
天才小朋友
2017-08-08 22:52:22
係呢一剎那,我果個八千萬既未來化為烏有。
八千萬可以做到幾多野? 我未經歷過所以唔知道。但係原本得到既八千萬,因為一個唔小心而變成零。
又或者,未得到過,失去又有咩所謂。本來無一物,何處惹塵埃?
即使我要刻意的執著,執著點解家姐會咁蠢,蠢到中左頭獎冇去拎。咁樣執著法又有何用?
我可以返到過去改變已發生既事實咩?
「咁又點解你要搵我做你一日男朋友呢?」我無奈地一笑,希望扯開話題帶家姐離開悲傷。
「咁咪可以用足你一日錢,當係彌補我買六合彩既錢。」
到第二日,小渝居然冇返學。
小渝好少請假,平時就算係病左,都會戴住口罩咁返學。
放學後,我用手機搵小渝,發現佢好似block哂我所有野。
睇黎我家姐今次真係玩大左。
所以,我決定直接踩上小渝屋企解釋。