【香港人畫的新派漫畫】OMAKASE漫畫暨港漫動力討論專區(3)[在座各位全部都是漫畫痴]

好似周星馳咁
90年代拍咁多喜劇
叫好叫座，但就一個獎都冇
到少林足球先話攞到啲獎

唔知喜劇係咪俾人覺得cheap啲
所以想有個人榮耀
都唔會揀呢啲類型嚟拍

當攞到個獎喇
但成個業界淨返藝術片
結果票房收皮

講講吓變咗講電影

畫喜劇漫畫無朋友同編輯幫手，好易變到得自己笑讀者唔笑
但我認同113咁講，而家既漫畫家偏向畫自己野多過讀者想睇既野
當然我都認同要畫JUMP個種主流漫畫
戰鬥、鬥智、運動，都係難畫，唔係咁易畫得好

不過問我畫邊種漫易突圍D，睇返OMAKASE既數據，我自己覺得讀者幾特別
咫尺之間係皇道愛情群像劇，但點擊數係OMAKASE入面係由尾數上黎
放逐靈魂係戰鬥派，但都唔係特別多點擊

OMAKASE既點擊數，扣除天國稅、魔魔同騎士興魔法師，讀者比較唔似睇題材，而係睇風格。
整體黎講傳統黑白頁漫係多點擊過全彩條漫
除左地獄暴徒之外，其他彩漫點擊都唔係太多

如果問我可以點嘗試，我會覺得可以學下日本，每月連續式簡單日常/愛情四格
日本既月刊漫畫都係簡單易入口既四格多，唔知呢種輕鬆風格擺入香港市場有無可行性

我有講過D咁正經既野咩唔記得
不過係我自己既經驗，
睇得漫畫少朋友幫我睇畫都係風格行先，得漫畫閱歷多既人先評到畫功，要搵人文字化有條理評故事係最難
好多人睇漫畫覺得故事好都只能夠講句「好睇」無乜實質內容
所以重生巴個次超長文評你篇百合故，證明左佢係一個有相當閱歷既漫畫痴

而且講到風格行先，我發現香港人有個特別D既思維
之前我略略講過漫畫畫風有分寫實類同誇張類
我自己畫開誇張類，自己有接D細稿黎做，有時有人問我黎樣版睇
試過比個唔識畫畫既人睇完話我，現實既眼耳口鼻唔係咁擺架喎，你要學多D先好學人接稿做
唔知點解，好多閱歷唔夠多既人，會覺得畫畫風格一定係得佢標準個套，唔係佢個套風格就叫「畫得差」
（諗諗下，呢句有大半句都可以套返落我話某個畫師，只係我有少少畫畫理據去評佢畫得差）
另外有個例子，係我一個老友，佢都長期只食JUMP系畫風，一偏離JUMP系就唔會睇

唔知係咪日本D街頭同電視廣告有唔同風格既插畫，所以日本人對唔同風格接受度大
而香港人接觸到既風格有限，所以接受度無咁高

唔知係咪呢度大家習慣左長文同學術性（？）分析
我覺得讀者有時簡單既感想，一兩句已經比到作者好大回饋
唔一定要分析或者萬字長文去表達感想

講到評論故事
我會諗，係咪香港讀者接觸得太多媒體，所以對故事已經預料到
香港好容易睇到頂級既電影同漫畫，大多數讀者都睇過唔同套路既故事
只要唔好畫得太超展開太離譜，合理既劇情都會係讀者既預想範圍之內
所以讀者對呢種「預料到」既劇情，無興趣去評
例如打贏一個對手，下個對手一定更強，呢種套路讀者會預料到，而且睇慣睇熟，所以失去左去評價既價值
真島ヒロ講過，畫漫畫要良性咁超越讀者既想像，咁故事先有吸引力
所以有時唔係故事差所以讀者無興趣去睇，而係故事發展已經預想到所以無興趣，所以讀者可能會聚焦係角色既想法同行為，或者作者講故事既方式上
好似講到1999咁

另外，我想同東媽申請，喺MKPOP連載完之後，我想喺動漫台開個漫評POST，標題我都諗好埋
【講講港漫】《MKPOP》一個凡人喺香港地掙扎求存既故事
不過我既中文寫作水平比較差
如果有巴絲希望用呢個標題寫漫評，有請，我就縮返喺度算啦

你寫啦唔洗同我申請
記住屌唔好留手呀～

個標題你應該學學袁生點呃人入po

我覺得故事套路唔係問題
其實好多日本王道漫都係套路到不得了
但一樣咁多人討論
我認為係因為佢哋擅長對角色嘅描寫
動漫台啲po
都係討論邊個邊個婆，邊個臭雞
邊個男角廢之類
角色對成個故事好重要
所以佢哋會花較多篇幅去寫角色性格
甚至由個角色去帶動個故事

但如果個角色流於功能性
純粹為個故事而行動
啲人對個角色就冇愛
亦都冇乜好討論

重生巴
老實我都覺得詳細評論故事係好難
我自己都屬於睇故唔駁故嗰類
只能寫對整個故事嘅感覺
逐個對白分析做唔到，我欠缺邏輯
不過其實唔緊要
寫出對故事overall感覺對作者都好大幫助

之前有個巴打認到我啲畫
所以我估我自己啲畫都有一定辨識度
但如果我開委托幫人畫畫
我諗冇人會幫襯
因為我畫唔到佢哋想要嗰種日系風格

我都認同同之前有講過，日漫而家係角色帶動故事
特別係我睇開日常系，故事九成都係角色之間既火花
所以我上面都講，讀者可能聚焦左係角色或者講故事方法上
相對故事既流程無咁多人關注，評論故事既人自然少左

《MKPOP》一個無業廢青欺騙三個女人嘅故事

呢個得

不如畫個類似星期一豐滿
一個禮拜畫一頁
少少咸多多趣嗰啲

叫小猿老師畫喇少少咸好明顯就係佢路線

係囉，唔洗咩故事，總之集集倒奶

荒漠戰記 PANDOLA 3

https://www.penana.com/story/107471/荒漠戰記-pandola/issue/3

雖然我成日都係OMAKASE POST評畫，但其實呢，我最初學既時候係評故事
中學個陣中文老師好鍾意睇漫畫，放手比我地閱讀報告寫漫畫書
而我就係個時開始摸索點解剖一套漫畫
由劇情、角色、背景點樣切入個故事，當然個陣既能力係寫得好差啦
如果想簡單解剖一套漫畫，用中學既閱讀理解已經足夠
當然，要寫到重生巴咁連台詞都唔放過就要多D經驗

舉個簡單例子 MKPOP既套路係典型投入某個領域，中途碰壁既故事
而細心留意，佢地破既壁唔係典型劇情
典型既劇情會係者實力不足而陰入低谷、或者阿俊比人掀穿引起其他人既唔信任
但仔細去睇，佢地3個既女團係有實力叫座，京子都一早知阿俊係個老千而加入呢團去玩
佢地最初面臨會散既原因係：京子露左底褲發脾氣唔玩
我自己覺得呢一著係畫得幾妙
首先帶出京子既少女心，同時都帶出左ANGEL姐對阿俊既信任，仲有帶出阿直考驗阿俊既心計
比著係偶像系既動畫，正常發展除左女主角之外大家對阿俊失去信心而各散東西，再兩個人慢慢說服其他團員
雖然同樣係拆伙，但京子露底唔玩呢個理由好新穎，帶出黎既效果都好豐富
有好多時我地評劇情會太在意「套路」，但我覺得寫評論到唔到家既係，「套路」中既細節不同。呢點都係令我覺得點解讀者唔識去評故事，因為佢地太宏觀只係睇到套路同架構，無去仔細睇細節既不同
而且同一個情節，我諗大家覺得評價角色（例如京子既少女心）會比評價劇情容易，取易不取難都係其中一個因素

我都讚成東老師，希望大家放膽D去講去討論，唔係呢個POST既存在價值愈黎低
好似袁生咁簡單講句京子正D，對作家都好大回饋架啦

https://www.facebook.com/paletteringhk/photos/a.299220183772999/1732901140404889/?type=3

提提大家，今日聽日有同人展

mkpop的確係沿用基本套路
始終咁樣最容易入口
我只加入咗本土元素
同喺細節諗啲新鮮嘢

估唔到你鍾意京子pk
我會咁快搞散佢哋
係因為我唔鍾意一般偶像動
成日自來熟
Mkpop開頭明明個個各懷鬼胎
咁快就生死之交咁好唔合理
同埋香港人角色搞日漫嗰種懶熟
我覺得好突兀

下次我都想試吓跳出套路
我成日話好鍾意嗰個《女子超格鬥》
係群樣劇
呢個反而少見啲
冇特定主角
各個人物都有一定份量故事
然後串通一氣係好難
但我好鍾意呢啲好多角色
各人各有特色嘅故事
屌但真係唔知可以畫一個點嘅群象劇

你講得啱，真係唔需要好專業咁評論
你純粹話京子係臭雞咁我都開心

我原意只係比個方向大家去評劇情咋
興其評套路，不如評細節

不過我估唔到你唔鍾意自來熟
明明我同你都係自來熟個類人

我都好鍾意睇群像劇
期待東媽力作

我唔算自來熟
純粹係師奶八卦鍾意撩計傾啫
日本王道漫畫
識兩日可以連條命都比埋人㗎嘛

除咗戰鬥類唔知仲有咩類型係適合群像
愛情掛
純粹噏吓而已

講到戀愛群像漫畫，我上面講3個同人轉商業漫畫
有兩個人就係靠群像戀愛漫殺出黎，比編輯睇中
但係草莓100%作者套初戀限定都係戀愛群像
偏偏佢就係JUMP比人腰斬收皮
同人畫反而比人睇中轉商業仲動畫化
明明初戀限定都畫得唔差，我睇唔透日本人

摘你個名呀串串貢 4-2

https://www.penana.com/story/75021/摘你個名呀串串貢/issue/11

肥妹仔巧打意