【香港人畫的新派漫畫】OMAKASE漫畫暨港漫動力討論專區(3)[在座各位全部都是漫畫痴]

多人討論好過冇人推post

你覺得最有日本風魅力嘅港產漫畫係邊套

多謝老師，多謝小熊

力奇老師既全部
由拳王到封魔幻想都保持到日系少年漫畫既全部

你講出嚟俾大家聽下，得大家討論下好過啦

記得以前coco有追過力奇個搖搖漫
故事都好有日本少年漫風味
起碼引到我買咗個搖搖玩

東媽都有睇co-co

無出文係因為去左打pkm
首先你認唔認同我既論點都好
都多謝你睇完呢篇文

1.點解要分返開傳統美術同動漫美術
因為審美觀兩者大不大
學傳統美術既人，講求還原事物既像真度
而傳統美術中，美少女既定義頭細臉細鼻直
動漫美術中既美少女（特別係萌系）頭大臉大鼻細
傳統美術同動漫美術既審美觀係完全相反
其他分別仲有真人眼係橫長，動漫眼係直長
真人係高頭身比，動漫無固定頭身比
相異之處比比皆是
如果一個唔精通兩邊藝術既人
強行將兩邊藝術混合埋一齊，成效未必理想
咁有無啲真人美術同動漫美術混合得好既畫手
其實都有既，呢個post出過兩次場既アオアシ

整體都偏向現實風既畫風
圓眼珠 橫長睫毛 鼻直 分絲頭髮
為左畫成漫畫 眼有變大，睫毛有變形，鼻都為左
減少存在無畫曬成個鼻出黎
呢個就係成功混入左傳統藝術同動漫美術既漫畫
由於係兩種美感，所以點混合做一種畫風
好考取畫家既功架同兩種審美觀
我自己覺得，好多學傳統美術既人
成日會將自己認為好既傳統美術美感帶入動漫藝術
但成品同觀眾美感有出入
所以口賤既大峽菊成日叫呢種兩頭唔到岸既畫風做四不像(落地獄啦大菊！）
唔係針對特定畫家，而係好多畫手都係咁
要記得，睇動漫既觀眾係單純睇動漫美術成長
佢地只會覺得動漫美術個種美感靚
好多畫圈內雙修既畫手，啲圖出到去一般大眾唔識欣賞，就係咁
因為大家既美感標準有落差

2.係咪唔學日本文化就學唔到日本動漫藝術
我覺得唔係，只要觀察力夠高同分析力夠高既畫家一樣畫到日系
只係熟識日本文化既話
將傳統美術同動漫美術混合時，一定有幫助
例如我之前講過
日本文化中鼻係代表男性器官
上面アオアシ既花，好明顯就無畫曬個鼻黎㩒低個鼻既存在感
有學過日本文化係混合畫風時一定會比較快
同埋無咁容易畫出兩頭唔到岸既畫風

3.好啦，點解香港畫手畫得唔夠日本咁有魅力
其實呢點，我係唔太認同既
00年代coco既力奇，天下出版社有幾套港產少女漫，火狗遊戲室既aki老師
全部都係好有日系魅力既畫手
但我都同時認為10 20年代紅既香港畫手
畫風同我認識既日系係有啲出入
而我個人獨斷認為
係因為呢班畫手年少時因為動漫去學傳統美術
無得到正統既日系動漫美術養育而成
即係返去第一二點，美感唔同同文化修養不足
就我自己認為，其實直接係書局買書學動漫美術
再上網讀課程
會有效過讀學校美術，不過只係個人意見，大家唔同意可以分享意見
同埋我認為係twitter活躍既新一定畫師
其實都好日系

呢個只係我個人意見啦
動漫美術由手塚治蟲60年代分開左出黎
經歷左60既變化同改革
唔係話你學完傳統美術要學60年先畫到日系動漫
只係我覺得學校傳統美術就畫到日系動漫
就太睇得起自己啦

ps.我無義思同時間同地位去定義乜叫日系動漫美術，乜係日系魅力
但你畫得日唔日系，班比日漫餵大既觀眾一定會有想法
所以唔洗同我嘈，去比畫圈以外既讀者睇，佢地既評價更中立更有用

食埋個早餐先

順帶一提，我畫得一啲都唔日系，唔洗上黎貼圖比拼

同埋我覺得畫得日唔日系，唔係最重要，重要既係故事好唔好
特別科得水買漫畫既讀者九成都大過二十歲
佢地既眼光比較寬，唔會你唔日系就唔睇唔買

雖然我認為漫畫界可以故事行先
遊戲界可以遊戲性行先
但整體業界（插畫界、廣告界）
要向日系個邊走係無可避免
而家興既Vtber、
黨鐵抄新海誠個單野已經講到明
客戶係要日系風格
如果畫手們仲係覺得有眼耳口鼻有手有腳就叫日系既話
只會同個市場愈走愈遠

https://youtu.be/Azb58i1HZk8

又係大家鍾意既月川黎讀漫畫啦
星期六約定你

咁落本宣傳

竟然你有

老師抽獎抽中我

想睇東媽同月川聯動

激烈聯動中

https://illustrationcreativeshow.com/edm/vol4-visit-tomorrow/

有無人去插畫及文創展
好好行架
唔屎同班cosplayer逼

食緊早餐
廢嗡兩句
傳統美術同動漫美術（日本日文班）既班我都上過
我見而家啲街坊畫室既小朋友都會畫日系動漫
可能而家既教法唔同咗
但以我所知大部份以前教傳統美術既老師，應該唔係好識教動漫美術
傳統美術通常學臨摹，注意線條同光陰
講求扎實既基本功
但日本教既動漫美術，除左會教香港好禁忌既描圖
仲好講究分析
動漫美術做既練習(不論描圖定臨摹)都唔係講求張畫靚唔靚
而係作者既重點
日本動漫班會好似我上面分析東媽啲畫咁
係張完成品上面加分析線去
研究眼耳口鼻既大細、配置、比例
而傳統美術既完成後分析普遍都係筆觸光暗之類既基本功，高階啲會學埋五官既形狀同擺位
日本就係分析人地個畫風點構成
我相信好多香港畫手都無做過類似既分析黎研究
但其實只要研究十個八個例子
好快就捉到日本畫風路

我自己九百幾本漫畫入面，有故事好但畫得差既漫畫，都有故事差但畫得好好既漫畫
有好多人話香港無動漫產業鏈去養起班漫畫家
我認同既
但我認為無動漫產業鏈既其中一個原因
係畫家既畫唔係客戶要既畫
同人展本身係傾向年輕既群眾
RG大手組織，風林火山個啲雖然係萌系
但人地次次都可以賣曬離場
畫得日唔日系，真係會影響到銷量

收到風，大菊岩岩又去誤人子弟

記得一陣十點得閒睇直播

Link呢