【香港人畫的新派漫畫】OMAKASE漫畫暨港漫動力討論專區(3)[在座各位全部都是漫畫痴]

東媽大神

最癲係以前天國稅一個人全職咁畫先生產到雙週更

真大神

宇宙之緣-漫畫版 00001

https://www.penana.com/story/111218/宇宙之緣-漫畫版/

決定開多一格黎POST連登人畫既漫畫

諗緊小約翰出連登PO，應該要出咩標題
大家有咩意見

忍者同細路仔，第日你地pnn post左野tg話我聽 幫你地貼上黎

@superT

等袁生出招

諗唔到

一定要同女有關

菊巴有心

我好公平，唔會大細超

支持公平

https://www.facebook.com/groups/1039905316130287/permalink/5368244903296285/

見到呢個PO，心酸

潮流既轉變
我係度貼過既youtuber漫畫家hdye老師都講過
漫畫係網絡時代只會愈黎愈簾價
我只可以話香港漫畫同李家超一樣，出左問題先知有問題
人地日本動漫，好多年前已經好商業化，除左本身既賣價
佢地仲商品化，廣告化，展覽化
佢地唔單止靠動畫同漫畫本身賣錢
你的名字既新海誠導演都幫補習社畫過補習動畫
睇下香港 係早兩年雀巢咖啡先有動畫廣告
鏡團既動畫MV根加係比日本慢左廿幾年
衰D講句 90後00後邊個唔係睇動漫大
點解日本動漫可以承受得住網絡時代既轉變
港漫唔得
港漫唔夠日漫有本錢接受變化係一定既
但更大程度，係我呢十幾年所見
除左以前係電視賣下廣告外
我真係無點見過港漫對網絡時代做出對應

我認為香港人早十幾年反本土 一定有影響同責任
但我一直都強調 「商業漫畫」
你夠唔夠商業化去搵錢，都係出版社既責任
利益伸報：有買coco封魔幻想既商品 例如鋼錶

我都唔想下下拎日漫比 拎日漫比差距太大
但點解呢幾年韓漫甚至大陸漫都做得好
香港漫畫就一直退步愈賣愈少
以前港漫係賣到東南亞
點解而家人地唔睇你 泰國同越南都自己發展出本土漫
我成日都話 點解人地可以愈做愈大，你就愈做愈摺
讀者有偏見我承認
但成個業界主導真係無問題咩？

我知道小熊同有D前輩有追POST既
我唔想講得咁難聽
但港漫界班大佬真係唔知個市場要乜野
https://www.youtube.com/channel/UCt6mKwG8GvbbF841h94i9oQ/videos
呢個係港漫動力個CHANNEL
https://www.youtube.com/c/jumpchannel/videos
呢個係JUMP既CHANNEL
https://www.youtube.com/watch?v=slhRiBH3cCg
人地JUMP推廣漫畫，係搵動畫師同配音員整「有聲漫畫」
你地港漫動力，官網試閱都無，D讀者漫畫都未睇，根本唔會有心睇個漫畫家講野
我唔求你地落重本搞有聲漫畫
但你唔好散到要讀者自己搵作者FB同網站黎搵試閱啦
唔係我唔想睇漫畫家誘談，但起碼比我睇左套作品講乜先啦好唔好
政府放手比你地班大佬搞，老老實實，我就覺得港漫動力MARKING好大改進空間

我知會有人話香港無動漫產業鏈
係，產業鏈的確好弱，但唔係無
https://hk.ulifestyle.com.hk/topic/detail/205458/寫實畫風被指似新海誠-你的名字-港鐵新動畫廣告惹抄襲疑雲
4年前，港鐵都搞過日風廣告
雖然因為抄襲而比人屌，但係點解港鐵要抄呀
因為港鐵知道呢種風格吸引到香港人先叫人抄呀！
佢地寧願抄襲都唔要港漫風呀！你明唔明白後生仔要乜野呀？
呢個我睇下遲D補唔補到圖
連我樓下M記都試過請人都貼日系漫畫角色黎吸引年青人呀！
講近期D美味棧「遊美」都係走廢萌系咋
我唔係要你地棄港漫風畫曬日系眼大大
我知改變畫風要幾年時間
但係有無漫畫家試過將港漫同日漫既優點混合埋一齊
有種有齊雙方優點既畫風呀？
最少以我既認知係無人做到囉
咁D後生仔咪繼續睇日漫，你港漫繼續慢慢摺
摺到收爐為止

我知，你地會話「唓，你地日系《畫風》漫道咪又係收皮，OMAKASE畫得最日系既小金連一萬點擊都無」
個重點唔係日系港漫唔收得
而係市場想要呢樣野呀
天國稅、MK POP個故事同畫風唔係日系咪又係收得
個重點係「市場想要乜野漫畫啊」
傳統港漫個印象已經係肌肉男打鬥漫，已經唔係後生仔想要既野
你同我都知
但點解無人搞後生仔想要既野
要等到政府出手先有新派港漫既商業漫畫出

講到越南漫畫
等我離一離漫畫題
https://twitter.com/figma_crfr
呢間係一間專做日本動畫背景既動畫工作室
佢地幫過2019年既天氣之子、鬼滅、POKEMON畫過背景
佢地17年已經係越南設工作室，培養越南人材畫動畫
下文我唔知搞成點啦
但係東南亞可能係下一個動漫圈爆發既國度

順帶一提，有次FACEBOOK介紹過越南漫畫比我睇，畫得好好，好鬼靚
（雜食到越南漫都食既漫畫痴）

傳統港漫個餡千篇一律，個殻係黑社會又好，乜超現代未來世界，入面嘅故事發展、「道德觀」、行為，甚至對科技嘅幻想，咪又係武俠故事餡
唔係話武俠唔好睇，但個市場咪真係咁需要咁多武俠故事？
依家啲人讀書多咗，資訊又發達左，以前讀者要幻想就只係識幻想係武俠世界，大佬而家你打到唔該整到John Wick咁，打就打，殺就殺，下下都要有招式名都唔知做乜鳩

日漫嘅題材廣泛到你諗到嘅題材都有
讀者覆蓋全世界老中青
無論你鍾唔鍾意都好
客觀上佢就係最受歡迎最賺錢

其實咁多日漫成功嘅例子喺度
何不參考吓人哋呢
人哋嘅題材、人物刻劃、劇情推進
細至分鏡、對白
大把嘢可以學
除非港漫決心放棄後生仔