Running Man 討論區 (55)

智孝咁都俾人鬧？
玩到收埋係PD屋企都算好盡力啦 仲要無鏡頭

洪哲個背叛形象入晒骨，其實有期無挑佢都講到喊，話怕觀眾真係當左佢本身係咁既人，唉，無挑7子真係最高峰時刻

睇完之後完全唔覺得昭旻值得比人鬧成咁
今集成集根本係大神同佢carry
就算比大神捉到佢都好認真工作
大神入cafe搵王鼻子名牌佢喺出面都好努力同市民互動唔冷場
去到任務地點答題佢又做足哂效果eg唔比鼻叔講美談
lift嗰段suppose係冇拍攝全部人都擺爛咁滯
佢留意到pd電話全部人無視佢最後都係得大神聽佢講兩個人堅持去馨仁屋企
因為最後小小事就比人屌到咁韓網d人真係on9
同埋佢背叛真係冇問題上面d巴打都列哂原因
1.世贊有叫佢幫手照顧下份量
2.佢背叛嘅話就算大神世贊兩個人拎第一都可以確保自己有第二
無論係1.場外因素定2.節目因素佢咁做都冇問題

其實今集係除左鍾國
大家都好努力
只係智孝同世燦份量唔夠先變到咁
全個背叛其實可有可無唔駛咁執著
同埋只能講大神真係大神

而且光洙背叛係鋪過去背叛
全真係突然之間咁 係吓咗一下

no offense但上面都有巴打提到佢背叛的話大神同世贊拎第一佢都可以確保第二係有哂理據
覺得突然之間只可以講係拍攝問題剪唔到個上文下理出黎
佢背叛嘅理由充分到不得了
係畫面展示唔到佢點解要背叛

今集咁好睇，唔知有咩好屌，睇左咁多年running man 仲未化咩

全妹最錯就係背叛完冇做效果罵大神一開始out 佢，如果係光洙一定理直氣壯做效果先，全妹衰在即刻認錯，不過全妹背唔背叛都唔影響結果

鐘國比haha 同pd 背叛完，一定撚尻haha ，一開始專登走入黎幫手宣傳，一開波身都未熱就輸左
佢冇撚大神，仲話幫大神捉住小滑頭，係大神話搵左名牌先，pd 對話更加係場外資訊，除咗全妹一開始都冇人理，唔知hea 咩

智孝自己一個玩就必然隱身，玩親依D一定有人冇份量
收名牌係pd 屋，製作組都比咁玩，同埋有提示大神都估到

所以咪話吓咗一下
鋪唔夠
光洙背叛最常見就係比人整得多 之後谷氣暴走
咁觀眾見到過效果
全今集就最後一下only

咁的確明D人點樣屌

而且世燦真係乜都冇做咁就獨贏 好似執死雞咁
D觀眾自然唔妥 為大神唔抵

不過一開波寶弼明明講左唔可以藏在有鎖或者關門的地方
擺去pd屋企咁都唔算係犯左規?純粹係因為pd可以幫手開門?
題外話 馨仁都幾有米 就算係租 上岩洞+loft型單位

理解到點解觀眾屌
但觀眾屌昭旻嘅話我就戥佢好唔抵
要屌都應該係屌剪輯

所以咪話唔係咁易做到光洙 揸嗱點表達好重要

而且光洙當初都係比人撚得多進化出嚟 當初都比唔少人屌

其實如果今集唔係世燦坐住贏 係比haha贏
應該冇咁多人屌

冇辦法 咁每個人睇法唔同 如果係代入大神角度睇 跑咗成日努力去搵名牌 最尾被背叛冇咗第一 就等於努力做好項project但被人搶哂功勞 所以當然覺得不爽同會認為全妹係無厘頭背叛
但喺全妹角度嚟睇 就好似你咁講佢本身都第二 仲要係有合理理由背叛 咁一嚟係可以幫下燦仔 二嚟又可以加快個進度唔洗上山(仲有如果係我揀都會背叛 自己確保第二即係可以喺下環節撚9大神)
簡單咁講就係好多人都想大神贏 咁樣先係節目效果拉滿 所以先話全妹 不過睇返comments大多數都只係戥大神唔抵 未去到直接攻擊全妹咁都算係正常反應

咪住先表唔表達到嘅責任真係可以歸落昭旻身上?
我講緊就係剪輯嘅責任 唔係昭旻嘅責任

rm現存pd入面馨仁好似已經算係年資長
真係幾有米 就算租都真係唔平
大神唔好意思摷女仔屋企

咁結果係佢比人開火 又唔係我歸落佢身上
我因返個結果出嚟講姐

無妄之災

佢比人開火唔代表一定係佢錯
你因返呢個結果黎評論咪姐係助紂為虐
咁你覺得昭旻可以做d咩行動先可以令佢呢個背叛變得合理唔會下一聲?
如果學樓上咁講話學光洙咁理直氣壯做效果我都幾肯定昭旻會比人鬧多兩錢重
因為理直氣壯咁背叛不嬲都只係光洙嘅特權黎

是咁㗎啦每段效果都有人like 有人屌 雖然因為呢段全妹俾人話 但睇返預告大神升上一位報仇 都係會拉滿節目效果 到下星期又可以笑 所以唔需要太着重邊個嘅錯 只要識得欣賞就得

之前睇佢ig都feel到佢有錢

殘體字喎ching

我冇話過佢錯喎

我只係理解D人屌乜only
你要屌咪上去youtube屌鳩班人囉

仲助紂為虐 講到我有屌埋一份咁
on9

馬後炮咁睇既話
為咗遷就班無腦網民，其實要所有嘢都用對白交代一次
咁可能要大神落車換位嗰陣昭旻補一句「背叛咗就兩個贏我都有得做第二名！」
之後先可以開始背叛