Running Man 討論區 (55)

我覺得昭旻係出於好心覺得世贊真係會比人剪走哂D鏡頭先咁做
今集個idea係唔差
全集大神真係好認真咁玩 照返個flow應該大神贏嘅話成個故事就會好睇好多
昭旻石三都好認真咁玩 世贊係純粹捉錯用神
搞到上山嗰度好容易比人剪任
後面匯合之後哈哈係咁講鍾國冇哂勝負欲所有活躍唔到
喺任務場所門口叫鍾國跟大神佢地都唔係好想去
智孝直情係冇鏡頭

鍾國智孝比人話都無可厚非
鍾國比哈哈捉到之後明顯係處於袖手旁觀嘅wfc狀態
智孝收人地屋企個idea昭旻一開波都有講過
但佢都明白咁玩法對綜藝效果冇用途所以都冇收埋
今集喺lift度5個成員完全都冇人care馨仁個電話
如果唔係昭旻聽到根本冇人會知道智孝會擺去邊

國鍾冇勝負欲應該係打算等下半part
智孝就真係隱左形

智孝問題應該係
明明好認真玩但就係冇效果出唔到街

冇記錯疫情前d出街任務都有發生過
有幾次話準備左三個餐廳做任務場地
如果成員撞埋一齊d飯送份量就會少d
結果智孝好似一個人去左一間餐廳其他成員就塞哂喺其餘兩間度
變相成集勁多時間冇左佢

成集觀感上係有小小怪怪地
但昭旻變左韓網眾矢之的真係好慘
就咁睇真係好大機會佢係聽左世贊講話鏡頭比人剪哂所以最尾先做比世贊

肥仔PD

鼻叔都打算背叛啦 只係唔知實質位置
不過大神真係玩得好認真 有啲可惜
整體而言 哩集好睇

不枉期待咗一個禮拜 今集超超超好睇本身以為今集嘅主題淨係搵名牌 原來仲係連埋下期嘅序列戰爭 中間過程好笑又刺激草綠兄妹一齊真係超有效果超好笑 淨係大神搵全妹名牌已經笑死全妹今集真係超cute尤其是大神話喺巴士站見到佢 然後全妹嗰表情好可愛今集真係要列入必睇

諗起1%嘅金多多

其實換個角度睇全妹背叛大神又唔算真係無原因 因為本身係大神out佢飛蛾嘅特性就係一齊跳入地獄之火

我覺得昭旻背叛其實又冇乜問題
其實鼻叔都唸住背叛嘅但冇詳細資訊畀到世燦
同埋主要係最後冇懲罰令背叛冇咗實際意義
如果最後由贏家定次序就有背叛嘅意義

冇懲罰係因為連埋下期 今集應該係first mission

今集其實成集都好緊張，幾好睇
鐘國係 HEA到仆街，但都算，無阻頭阻勢
智孝係認真玩，效果唔係真係咁差，只係在石太sharp
問題係全最後咁樣完左隻game，我真係嬲左
明明最精彩就係智孝有相，梁有地址，好快搵到，但在石又好醒咁用3分鐘換地方
正路梁要再問人，再做提示先搵到
在石最後都未必會贏，佢都完全無提示，天空公園又難去，但個game唔應該係咁完
全唔係無原因既，我覺得佢只係同梁frd d，又想背叛做D效果
但最後咁樣真係完全唔好玩

BTW，D尾巴都幾廢，又背叛，又阻頭阻勢，問題又唔答得，完全唔知有咩用

你話捉哂D人去坐監，唔會通風報信，咁輸都無咁嬲

咁冇辦法反正我覺得就算有冇人背叛最尾都會係世燦贏 因為佢嗰位收得太靚 大神要做完任務再出去公園搵 燦仔已經知道大神名牌嘅大概位置 所以睇到後期已經知 大神咁努力搵都係幫世燦打工

呢個都係好大原因
今集大神真係食哂腦好用心咁玩
最後智孝世贊有哂提示其實大神真係任比佢地劏
但佢勁忙咁3分鐘內移位再去埋馨仁屋企搵到智孝名牌
觀眾會共情大神嘅努力係無可厚非

我諗pd開埋郊區比大家玩係因為佢預會有好多飛蛾諗埋同一邊上郊區
點知佢地都懶喺市區玩就算

得燦仔一個食正條水不過市區本身都夠做 只係瘋狂俾大神吊尾搵哂

呢d真係取捨 收得太密好大機會係預左冇份量或者冇綜藝效果
大神石三昭旻就醒 佢地三個幾乎冇間斷成集份量

其實世燦前半集真係可以完全唔出
好似智孝咁，到RUNNING MAN OFFICE先見人

武肺前去咗次天空公園
19年11月
係幾靚 但上山真係好似佢哋咁講好撚攰 大家可以一去