Running Man 討論區 (55)

其實問題係智孝鍾哥本身相處好明顯就係太親密比人cue去情侶就好奇怪。睇返鍾國YT 同智孝第一段片個陣見到佢兩個相處方式都係咁，鍾國太對女性朋友/後輩平時都係好寵同容忍佢地（對自己外甥女同apink 個類後輩都係），而智孝本身又係直腸直肚既既人，應該佢真係真心嬲鐘國唔比佢跟去。
如果用佢兩個兄妹角度睇成件時其國好正常，個妹想同跟阿哥出去玩，阿哥死都唔比你跟去，但調轉比你第二個阿妹跟去，嬲都好正常，係比人cue左去綜藝loveline變左成件事認真就勁怪。

今集情景劇真係笑到癡線

《從流氓到法官》

我諗鐘國唔比佢去都有佢嘅考慮
睇返韓媒近期d娛樂新聞嚴重將懵鐘兩個人綁綑埋一齊
節目loveline冇所謂 我諗係鐘國唔想將呢個綁綑上升去真人度

你俾班fans意淫下啦
好多時都已經幫到佢盡
鐘國係咁俾佢捆綁都成日硬食

有時啲野駛唔駛講到咁白
大家都係好似親兄妹咁
點解一個話想去就無所謂
一個就耍手擰頭
一個入group又玩得節目完左照吹下水
另外嗰個
成日覺得佢仲唔知道自己同成員既關係一早俾2個新人超越左好耐

今集係首腦會談好笑 其他都偏悶

鐘國嘅反應的確有d雙重標準
假如佢抗拒同親近後輩有loveline
但前兩集大神調侃國旻嘅時候佢又笑哈哈小小反抗都冇
懵智提返話一齊食過麵定咩鐘國就勁厭惡咁否認話冇

王鼻真係我而家keep住追RM嘅最大動力

鐘國本來就話自己唔鐘意搞loveline
依家好似係節目上俾人私有化咁
以前一個女人
智孝loveline都俾人多線發展大家笑笑口氣氛好好
依家真係全世界都怕左佢
至於點解雙重標準
各成員fans真係自己腦補就算

智孝係玩錯路線
變左花痴當自己正印纏住鐘國咁
大神揾恩惠上rm 佢話唔同意
踢波攬女 佢扮嬲
昭旻腦補同鐘國 佢扮鬧佢
今集仲話唔俾其他人去美國
鏡頭係多左但係效果差又負面
大神haha都話放棄唔想再玩呢條線

反對恩惠上rm嗰陣笑笑口咁講都仲可以
不過我都認同你 以智孝本身女神團寵形象唔需要用依家呢個定位
佢冇好似昭旻咁拿捏得咁好
昭旻係一邊玩一邊暗示到出哂面比觀眾知佢地係冇可能only搞笑

會唔會係大家過度解讀成員嘅關係？
鐘國拋走智孝遞副眼鏡係因為開場前俾在場成員笑
唔係討厭智孝
再到拒絕智孝去LA
一係拋下梗俾智孝發揮
當然仲有可能係停下loveline粉 FF
但解讀到智孝同其他成員關係唔好會唔會可笑咗啲？
明明之後兩個一齊討論點夾coins 揀淋水桶
點都唔會係關係差掛


講真我都唔想再見到任何loveline
無論係懵鍾/雙忙內/三角戀依家都好尷尬
兩條line 都係女成員好主動男嘅好抗拒
今集孝燦公園啲反應仲好過晒堆loveline

睇rm 都係求開心姐
腦補咁多做乜？
自己諗完一餐然後係到亂咁中傷成員之間關係又為乜？
咁樣同啲係ig 見到嘅loveline 粉有咩分別

lm

石鎮一坐低就話要簽射核武 笑撚咗

嗰吓以為佢哋會提起北方嗰位

上面討論咁耐都係講緊條loveline點解睇落咁怪呢d鏡頭前嘅因素冇深究過佢地真人嘅關係 如果你講某個comment嘅話睇返佢之前嘅回覆佢係反智孝嘅所以可以你可以無視佢

其實作為一個觀眾去judge成員之間嘅感情真係好on9真係以為睇咗十年就同佢哋好熟咩，唔好睇到自己咁高啦睇個綜藝都要咁多仇恨咁多負能量
我都覺得孝燦公園個chemistry幾好，兩姊弟幾搞笑，其實想睇佢哋多啲一組加埋哈哈仲正

大神都呆撚左下

依家韓綜抽北韓水越黎越放肆
冇記錯以前好敏感好少人提

依家好敏感wo 仲有俄佬

但好多韓綜已經唔係好驟忌講北韓野 唔知點解

其實大家係討論個演繹手法多過佢哋感情
而家愈做愈尷尬，係明顯到令觀眾都覺得 “唔好la，好老尷” 個效果唔好，要轉下好正常姐。睇大神haha都已經唔主動提就知咩事 但智孝係唔知定無人提下佢，又集集照咁樣 上次俾d hater 話完，今集鐘國直情係厭惡睇得耐都知無人迫到佢，愈迫佢佢就愈唔鐘意。認真條loveline 要收一收真心唔好笑

今集係610播之後一日拍攝
鐘國比d fans踩到上公司ig度鬧 都好難睇唔到
在公在私保護公司職員又好自己又好昭旻又好避忌下都係人之常情
懵智不嬲都與世隔絕連成員中武肺都唔知 冇上sns冇留意唔知都唔奇

睇鐘國d反應都覺得唔對路la都會諗其實對方好似真係唔鐘意要停一停。都明其他成員特別細果d講講得太白又又唔好睇下大神會唔會講下，不過上一集摸衫果到都已經講得幾白
不過搞到咁大件事，如果0知真心幾神奇唔係好事黎，自己d fans 影響到人哋 公司都要提下醒下水。loveline起碼都靜幾集，集集都咁有d無言