準備裝修

黎緊準備裝修
550呎左右 10年樓
自己只係識少少Sketch Up 同有基本概念
有相熟師傅 想揾人設計同出圖

有無巴打有興趣或者分享經驗者可以留住tg傾

正正經經去舖頭 上網搵啦

根據之前網上奶野分享，請勿相信做裝修既朋友同上網求其搵

比人略水略到傻...
我自己都識畫但自己懶, 想比錢人設計

你估連登d人就唔會掠你水咩

淨設計呃極有個譜
5萬內乜都得啦
裝修講緊幾十萬 油水多到傻

裝修記得搵黃店 有驚喜

建議ching 可以預計下下自己 budget 可以做到咩出黎， 跟住暸解下自己想行咩風格， 諗得越仔細，你搵人出圖嗰時就可以走越少彎路


不過香港地出圖設計啲價分分鍾貴撚到嚇死你

我有晒大概諗法架啦
我連假天花點裝都上網睇youtube學到基本知識
純粹想有人幫手畫圖

建議你搵得設計出圖
最好識得跟埋地盤嘢 解決到現場問題
預佢可能落去幾次同師傅夾到啲收口, 做法咁
例如做完水電, 泥水 檢查有冇位置做錯等等
可以及早改返

我係設計屍
清有無啲咩諗法 可以tg傾下喎
利申 3D要收錢 不過可以就咁傾下 比啲意見您

懶=俾個機會人掠你水

考慮下轉行做裝修管工，玩兩三年，你就會熟啲物料同工序架啦（了解工期、人工、同貨價），又唔駛俾人水，自己又多張刀，第日判來做都得

俾錢人做
設計唔係你諗咁易
都唔係求其開個app放d 3d野落去就叫設計左

我屋企之前洗左70萬裝修都冇整3d 圖，淨係有d 櫃既圖，你自己又唔撚識，又唔想比太多錢，將就下啦屌。

比d 想像力，搵晒reference 到時淨係出d 平面圖同櫃既圖就夠。

最緊要係師傅裝修d手工，你張圖畫到識飛都好，師傅7，點做都係7。

做開地板，基本上全行最低價，保證quality，有興趣揾我

順路問下
石塑板係現有地板上面鋪，效果如何? 我見有些鋪到浮起咁，踩落去唔實
但如果全起左鋪磚，係咪會好貴?

多謝巴打既建議但唔係我既目的
我唔係要做裝修我想裝修間屋住咋

間屋想年尾入伙學乜鬼兩三年...
本身揾緊幾皮野岩岩買埋樓無啦啦點轉行

問過個fd 原來之前佢裝修都係乜圖都無 就咁同師傅想做d乜同自己去揀料
但最後出到黎效果都ok
咁我自己揾d ref再畫下sketch up應該ok

有無contact / 網址 / 鋪頭呀

你估真係大設計咩, 咪又係收你代理人錢,幫你睇住個盤,睇住揀料收貨叫開工

我剛友開裝修公司，有d project 成千萬，佢都冇整3D圖，但有拎d 平面圖，加上網搵個d reference 圖，再加埋櫃同設計（主要呎吋） 既圖，一樣冇問題

整3D 簡單d 講即係比人地多個理由收你設計費，我個陣屋企裝修，搵左幾間報價，其中一間話要收設計費先出3D 圖，報我50蚊一呎，我屋企900呎，即係乜撚都未整已經要收我4,5萬，仲要出黎效果同手工都係unknown，都on撚99。

最尾搵左朋友公司幫我搞，出黎效果一樣咁正，如果你心目中已經有d idea，搵定d 效果圖，到時d 設計裝修公司都係跟住做，講真，張所謂3D圖都係比你呢d 傻西睇架咋，單純等你好似高級d 有d 野拎係手，佢又收多你幾皮，你估d 設計同裝修公司會睇睇圖咩，佢地睇平面圖同櫃圖架咋。

你自己唔熟d 工序, 你又點樣定義略水略到傻

Ching 講得好，其實3d 係比個客去理解效果

裝修最緊要諗點收口，咩風格，咩主色