去餐廳食野兩個人嗌一個餐，比職員眼超超，應否投訴？

岩岩同我女朋友去尖沙咀某茶記
入到去職員見我兩位 就叫人讓左個卡位比我
之後落單我嗌 揚州炒飯 多飯 熱檸茶
佢已經好不禮貌咁講：吓，炒飯無得多，仲有咩要
我話要多杯熱水 再禮貌上講句 再睇下，落左先

咁碟野上到黎 我女朋友細食 就拎個碗分兩份
杯檸茶撩兩塊檸落杯熱水到
條友又走埋黎 單單打打咁講句
嘩，一對拖鞋兩份著，唔通係馳名拖鞋飯？

我即刻辣著 但係女朋友面前唯有忍住
而家越諗越唔對路
你又無寫最低消費 一人一個餐
我原則上就應該無錯
係咪應該投訴果條仆街
求意見

x門？

龍x?

嘩，一對拖鞋兩份著，唔通係馳名拖鞋飯？

瓏x?

想去 但執左

多d打電話嗌下外賣

午市多人 兩個人一個人消費 梗係俾人屌
做得茶記都係垃圾mk多 何必計較呢
Btw, 咩店名

依家仲有冇剩飲雙計呢啲野？

有細食女朋友嘅痛苦

叫兩個餐又太多， 佢食得一半
我食完自己又要清埋佢剩返果啲， 然後又俾人話做乜減唔到肥

點解唔可以全日供應下午茶size嘅餐？
你煮一半份量， 收正價60%-70%大家winwin

我由拍拖140磅食到而家230

叫多飯又乞衣左小小既

多完先係正常size

咁講 租金電費人工都係fixed cost 食材佔好少 一半份量收6070%條數未必係winwin

咁你係咪好嬲好嬲

餐蛋麵，蛋治果d 全日都有啦，散叫貴d咁解

你兩個人嗌一個餐仲要多飯係抵屌喎

咁細食既一係就一個正常飯兩個分，嫌唔夠食就兩個飯少飯咪得，一黎就諗縮數人地串你都抵啦

你扮下野都叫多份多士啦...

咁呢個係大原則問題

無問題就係無問題 有問題都係佢問題

樓主又係肉酸咗啲。。。。

揚州炒飯 多飯
唔夠食咪叫多份囉

肉酸左d wo