[PC]Total War: Warhammer 1,2&3(11) | Immortal Empire When? |

《全軍破敵：戰鎚》是一款由Creative Assembly開發，經SEGA公司通過Steam向Microsoft Windows、Linux、Mac OS平台發行的電子遊戲。本作結合了全軍破敵系列的玩法和Games Workshop公司戰鎚系列的背景設定；所以是全軍破敵系列第一款非歷史背景的作品。

Q: 隻Game玩乜？
A: 同其他Total War 系列一樣, 分戰役同戰鬥兩部分, 戰役部分要包括軍事外交同建築等等, 戰鬥部份則是由你親自落場控兵打

Q: Warhammer戰鎚係乜東東?
A: Warhammer Fantasy係Games Workshop 於1983年創作嘅一款桌上遊戲, 以中古魔幻為背景創作出唔同種族同角色. Total War Warhammer 基本都係沿用該系列嘅設定製作呢隻game

Q: 唔熟啲設定玩唔玩得?
A: 完全冇問題, 大路設定基本同現時其他RPG類似, 都係人類獸人精靈之類, 但亦有戰鎚自己獨創嘅種族例如鼠人, 之後慢慢發掘都得

Q: 買咗3使唔使買埋1同2？
A: 一二三集都有各自獨有嘅種族, 而第二集同即將推出嘅第三集都會有一個免費DLC地圖可以俾你以DLC嘅形式玩返前作嘅種族, 簡單啲講即係第一集嘅種族可以疊加落第二集到玩, 而第一第二集嘅種族都可以疊加落第三集到玩。對前作種族有興趣就買, 冇就唔買都得。

Q: 咁多DLC買邊隻好？
A: 優先買晒123本體先, 如果買晒本體, 仲想買DLC嘅話, 比較抵買嘅有1嘅木精靈同諾斯卡, 2嘅海盜同古墓王, 當然其他按喜好亦可以趁特價買, 仲有至緊要down齊所有FLC

Q: 戰役好難玩點搞？
A: Warhammer嘅戰役對比起其他Total war系列的確比較難上手, 建議由最低難度開始玩起, 揀容易起手嘅種族例如: 帝國, 矮人, 高等精靈

Q: 有冇得同人連機打？
A: 有, 有分多人戰役同多人戰鬥, 目前大多數線上玩家都係玩多人戰鬥, 上限4v4, 想搵香港人一齊打可以去下面提到嘅Discord group

其他嘢有人想知再講

Warhammer 3 購買心得（入門向）by 82年口罩


假設完全沒有接觸過相關系列，
建議先於【Xbox Game Pass】以最低價錢體驗
以後大地圖模式可能需要用到一代及二代本體解鎖，
如果想使用全派系的話（需要購買前作的相關DLC），一律建議 :
(1) 等大地圖模式正式更新後，確認遊玩條件先去買前作；或
(2) 等Steam有折扣時買（平好多）

WH3 Roadmap

WHI 基本種族簡介

帝國

戰鎚世界中最強大嘅人類勢力, 由人類史上最偉大嘅戰士Sigma創立, 以信仰、鋼鐵以及火藥鑄造而成嘅龐大帝國。

優點: 各種威力十足嘅槍炮提供強大嘅遠程火力, 亦擁有數一數二嘅重裝騎兵沖破敵方防線
缺點: 步兵質素面對各種妖魔鬼怪略顯孱弱。

巴托尼亞

帝國以外嘅另一股人類勢力, 文化上與帝國截然不同, 信奉湖中女神並以俠義與榮耀自傲嘅騎士國度。

優點: 擁有種類最多最強大嘅騎兵, 空軍亦屬一流, 機動性極高
缺點: 步兵同帝國一樣偏弱, 而且缺乏槍炮, 導致殺敵嚴重依賴騎兵, 好考操作

矮人

為人熟悉嘅古老種族, 頑固自大並極之記仇, 逼切喺各種外敵威脅下恢復昔日矮人帝國嘅榮光 。

優點: 重型步兵結合各式各樣嘅槍炮器械, 堪稱最襟打嘅種族
缺點: 移動速度慢同缺少騎兵嘅情況下導致機動力基本為零, 主要係防守型打法。

綠皮

獸人與哥布林嘅統稱, 極度好戰嘅蠻族, 曾多次入侵人類、矮人甚至精靈國度掠劫。

優點: 價格便宜嘅各色兵種, 以數量優勢壓倒一切敵人, 亦擁有強力嘅戰鬥加成（Waaagh!)
缺點: 士氣低下容易潰敗, 單兵作戰偏弱

吸血鬼伯爵

令人心生恐懼嘅不死一族, 佔據住帝國一個東部省份, 一直覬覦住帝國皇位。

優點: 不死軍團可以無視己方士氣戰鬥至最後一刻, 加上各種亡靈血獸大大打擊敵軍士氣, 亦擁有強大嘅復甦魔法。
缺點: 完全冇任何遠程兵種, 而且被火焰剋制。

WHI DLC種族簡介

混沌勇士

混沌眾神於凡界組成嘅聯軍, 由永世神選帶領住各路混沌邪神信徒侵略文明世界, 秩序一方嘅共同敵人。

優點: 重甲步兵加巨型怪物, 側重近戰肉搏
缺點: 缺乏遠程兵種

諾斯卡

北方苦寒之地嘅掠奪者, 以不同崇拜混沌嘅野蠻部落組成, 曾多次經海路南下侵掠帝國領土。

優點: 與混沌勇士相似, 同樣著重近戰, 但就以輕裝狂戰士為主力配合怪獸同戰車衝陣.
缺點: 缺乏遠程兵種及近戰騎兵

野獸人

被混沌力量污染扭曲而變異成半人半獸嘅怪物, 以獵殺人類甚至精靈為樂嘅兇殘種族.

優點: 擅長伏擊偷襲, 軍隊以角獸人、人馬、牛頭人等高機動性兵種組成, 亦擅長各種召喚魔法。
缺點: 缺乏裝甲而且領導力偏低

木精靈

遠古時期從精靈一族分裂出去嘅分支, 定居於森林, 熱愛大自然但亦極度排外, 當遇到入侵森林嘅外來者就會化身獵人將其一一獵殺。

優點: 以輕步兵同弓兵為主, 擅長埋伏及游擊。
缺點: 缺乏護甲導致士兵損耗高

WHII 基本種族簡介

高等精靈

與矮人一樣同屬遠古種族, 知曉各種魔法知識, 一直以守護者自居維持世界嘅平衡。

優點: 非常全面嘅種族, 步兵弓兵都屬上乘, 兼且可以驅使龍、鳳凰、獅子等神獸撕破敵陣
缺點: 兵種人數少價格貴。[/quote]

蜥蜴人

比精靈矮人更悠久, 蜥蜴人嘅歷史可以追溯到古賢者創世時期. 現時蜥蜴人一心只為實現古賢者定下嘅偉大計劃.

優點: 兇殘嘅恐龍配上強悍嘅蜥人步兵, 十分擅長肉搏戰。
缺點: 軍隊容易陷入狂暴狀態不受控制。

暗精靈

從高等精靈分裂出去嘅種族, 崇尚暴力色慾等等被精靈視為墮落嘅慾望, 與高等精靈內戰分裂後互視對方為世仇。

優點: 兵種與高等精靈類近, 十分全面, 而且獨有嗜血加成越戰越強。
缺點: 同高精一樣人數少價格貴。

鼠人

戰錘世界最神秘嘅種族, 潛伏於龐大嘅地底帝國, 生性殘酷卻又極度膽小, 每分每刻都圖謀住將地面世界帶入一片混亂與毁滅之中

優點: 戰鬥風格詭異多變, 可以憑數量優勢一湧而上, 亦可以憑古怪黑科技遠程轟炸, 又或者以各種變異怪獸衝破敵陣。
缺點: 領導力極低, 士兵經常逃跑

WHII DLC種族簡介

古墓王

曾經人類最強大嘅國度, 於一次邪惡嘅黑魔法儀式之後所有活人於一晚間全部消失, 被埋葬於古墓嘅各代君主及與其陪葬嘅軍隊卻因此而復活, 其所在之處被稱爲死人之地。

優點: 同吸血鬼伯爵類近, 都係以骷髏為主組成主力再加上各種巨型怪物, 但唔同嘅係古墓王有弓兵甚至炮兵。
缺點: 代價係步兵極弱, 基本只係用作充當肉盾

吸血鬼海盜

由吸血鬼海盗王Luthor Harkon創立嘅不死艦隊, 活躍於Lustria叢林東部海岸, 遊戲中為咗支配海洋而尋找可殺死海龍嘅神器。

優點: 依靠槍炮輸出嘅種族, 遠程火力極為強大

WHIII 基本種族簡介

四邪神之恐虐

[center]代表戰爭, 榮耀, 勇氣, 憤怒, 力量以及憎恨嘅混沌邪神。亦被稱為血神, 殺神。越係殘暴嗜血嘅戰士越受恐虐青睞, 只有無窮無盡嘅殺戮先可以滿足祂對鮮血嘅渴求。

優點: 凡人單位重裝甲, 惡魔單位擁有魔法抗性, 加上各種加成堪稱近戰最強
缺點: 走精兵路線, 缺乏廉價兵種以及有效遠程攻擊手段

四邪神之奸奇

[center]代表法術, 萬變, 進化, 命運, 謊言以及欺詐嘅混沌邪神, 因為經常以渡鴉形象現身亦被稱為鴉神。比起簡單直接嘅殺戮同破壞, 奸奇更偏愛算計同陰謀, 企圖將現實世界陷入一片混亂之中。

優點: 擁有大量魔法及遠程兵種, 並且所有單位均擁有類似第二血量嘅法術護盾
缺點: 兵種血量偏少, 而且近戰數值低下

四邪神之色孽

[center]代表愉悅, 熱情, 縱慾以及墮落嘅混沌邪神, 亦有暗黑王子, 歡愉之主嘅別稱。作為慾望君主, 所有生物擁有嘅慾望包括貪婪, 食慾, 色慾等等都係色孽用以腐化心靈嘅工具。一旦墮入追求極樂快感嘅陷阱, 成為色孽嘅信徒及奴隸只係時間問題

優點: 單論速度全派系第一, 而且大部份兵種擁有極高破甲傷害
缺點: 裝甲極低, 冇任何遠程兵種

四邪神之納垢

[center]代表疾病, 腐朽, 毀滅, 死亡與重生嘅混沌邪神, 亦有瘟疫之主嘅稱號。作為四邪神中最古老嘅一個, 由生命誕生之初以及伴隨而來嘅生老病死等等嘅現象而產生, 納垢對其信徒亦係四神中最為包容嘅一個。不論男女老幼, 無數嘅納垢信徒都期待著於一片瘟疫嘅世界中得到重生。

優點: 兵種血量極高兼近戰防禦優秀, 擁有各種瘟疫猛毒效果debuff及回血能力
缺點: 速度偏慢, 傷害輸出一般

混沌軍團

[center]由玩家自創嘅惡魔王子－弒神者帶領嘅派系, 根據劇情嘅發展引導弒神者一步步向成神嘅目標邁進

優點: 可以根據玩家喜好自由改造傳奇領主, 亦可以招募四神中嘅兵種, 創作出唔同風格嘅軍隊
缺點: ???

基斯列夫

[center]位於帝國北方嘅冰雪國度, 由於經常受到各種暴雪侵襲以及來自混沌嘅威脅, 孕育出民風彪悍嘅戰鬥文化。基斯列夫嘅子民以熊神後裔自居, 自古以來就站在抵抗混沌侵略嘅最前線。預告片中由大名鼎鼎嘅冰雪女皇帶領著勇武嘅基斯列夫軍隊與混沌恐虐惡魔大戰。

優點: 大量多功能用途步兵, 能夠同時兼顧近戰及遠程攻擊, 以及擁有強大嘅突擊騎兵以及熊騎士
缺點: 缺乏飛行單位

震旦

[center]位於遠東嘅神秘勢力, 由龍帝及其子裔統治嘅超級大國。震旦軍民依靠著龍帝建造嘅萬里長城及其獨有嘅陰陽五行魔法默默抵抗住來自北方無窮無盡嘅混沌入侵。

優點: 強大嘅遠程火力配合實用嘅近戰步兵, 加上獨有嘅陰陽調和屬性加成, 令到震旦擁有優秀嘅陣地戰能力。 傳奇領主亦可以使用其獨有嘅化龍能力。
缺點: 依賴兵種之間嘅協調及擺出嘅陣形, 導致偏向防守風格

WHIII DLC種族簡介

食人魔王國

[center]古賢者創造嘅最後一個種族, 受到隕石墜落影響, 從此擁有無窮無盡嘅飢餓感。目前食人魔一族主要聚居於震旦西邊嘅憂傷山脈, 以做傭兵及土匪為生。

優點: 以食人魔及巨獸為主嘅軍隊, 擁有極強大嘅破壞力, 擅長正面作戰破陣
缺點: 以大型單位為主導致單位數目偏少, 而且比較難應付槍戟兵之類嘅反大型兵種

有用連結：

https://dashboard.totalwar.com/home(重要注意)
呢個叫Total War Access嘅網, 註冊之後連落你嘅Steam ac, 可以免費獲得獨家FLC兵種同英雄單位
https://pcucgame.com/total-war-warhammer-8/#toc1
中文版中古戰鎚歷史設定集
https://www.youtube.com/channel/UCMci4OzSZb5HyEKEBRYhS4A
香港全戰youtube channel
https://discord.gg/xfGM5Dm
香港全戰約戰Discord
https://totalwarwarhammer.gamepedia.com/Total_War:_Warhammer_Wiki
隻game嘅Wiki page
https://www.youtube.com/user/ZerkovichVsThePeople
介紹唔同種族兵種及Game mechanics 嘅英文youtube channel
https://www.youtube.com/channel/UCNDJiDFJWaiKktyUBmVzGYA
每日updated高手對戰記錄嘅英文youtube channel
https://www.youtube.com/channel/UC_ynzI9eLoSV2wXXoURzSeQ
定期更新各種介紹戰鎚世界設定嘅高質英文channel

WH3有咩正MOD大家可以分享下, 整合埋擺PO頭

改左版WH3好左啲未

未，得3個種族可以正常玩
恐虐、震旦同食人魔
其他都要靠邪道打法先可以贏

佢一日唔改好daemon真係唔駛諗我比錢
雖然我都想blood for the blood god

R大mod 架啦

雙極難基斯里夫比人am

根本無得玩，主力食一下納垢嘅爛腸症就可以棄檔，再唔係就被奸奇停止移動。就算你頂到混沌，真正嘅大boss食人魔就差唔多食晒成個帝國，4-5隊full編燒你屎忽

真係有難得咁誇張咩
我玩落幾輕鬆吓
易過奸奇同nurgle
完全唔識玩啲冇弓兵嘅種族

玩多人對戰啦

屌佢老母 救完首都 又要救第二座 未撚補兵 第二個方向又出事

出ROR 改兩改當1.2
https://www.youtube.com/watch?v=v4uSgTYV5pI
有冇人已經無期望?
LEGEND都話官方放棄左CHAOS REALM

已經刪鳩左隻WH3
fix撚好先會攞返出黎玩 繼續玩WH2算數

有無巴打分享拿破崙既心得

近排買咗發覺幾好玩

中埋爛腸症，兵都無得補⋯