剛剛分手的你，入黎傾下，大家互相扶持好嗎？(221）

1001 回覆
7 Like 1 Dislike
2022-05-18 03:00:57
2022-05-18 03:02:59
2022-05-18 03:25:53
2022-05-18 03:26:41
2022-05-18 04:24:21
不過成日得我揾佢佢唔揾我，我可以唔敏感咩仲要講完都要keep 住見面又係每次都係我提出分手前幾個月佢終於肯在意返我，當我以為好似穩定咗，然後就分了
2022-05-18 04:47:31
係唔係好不安諗唔通對方到底想點
然後自己就開始亂諗嘢
可能對方嘅兩個星期 只係隨便講一個時段
但自己就會諗好多嘢 估吓背後嘅原因 佢有嘢做？約咗其他仔？女？
辛苦你啦
2022-05-18 04:56:12
係咁loop佢唔理你時 你又會更加敏感
連最基本嘅安全感都俾唔到對方 相信巴打你一直而嚟都好心累
2022-05-18 05:18:10
是。由以前會追住打俾我，到後來放假都係唔見人，三四個月都係得自己揾佢，不過佢冇拒絕過我嘅
從來只有我表達不滿，佢從來都無。
分手前幾日，我同佢講我好辛苦，佢就終於表達不滿，然後就係分手嘅時候改都冇得改
佢大壓力，我唔知。佢唔開心，我唔知。佢有好多唔同嘅嘢煩，我唔知。原來唔去到分手嗰刻，我哋係唔會拎個心出嚟講嘢。
2022-05-18 05:21:10
2022-05-18 05:22:14
嗰陣，我有4日由佢諗分手嘅一刻，原來再揾佢，講啲乜嘢，我都係煩 認錯道歉提出解決辦法掛住佢呢啲講嚟都冇用
2022-05-18 05:31:00
大家太遲嘅坦白 你太遲嘅意識 都導致你哋去到呢一步
對方我諗一開始都關心你 會打俾你 同時都因為關心你 了解你嘅性格 驚你亂諗嘢 而自己有壓力唔同你講
但有時我地男人就好蠢 佢地唔出聲 我地就察覺唔到
會諗點解你去到呢一刻先講 你早啲講我咪改 咁咪唔洗行到呢一步
如果你仲愛佢 用行動證明俾佢睇 自己會進步 其實自己都關心佢嘅感受 為咗令相同嘅錯誤未來唔會再發生 呢一樣野都係我唯一做緊嘅嘢 只希望可以令佢俾一次機會我
2022-05-18 05:36:01
2022-05-18 05:50:28
分手嗰陣，我問佢點解累積咁多壓力但唔一早同其他人講，話唔定可以抒發到出嚟呢，佢話講嚟冇用，人哋唔會幫到佢，佢又只會俾到負面情緒負擔人 我真係唔識點應佢，佢有冇諗過我會肯接受佢嘅負面思想

我意識唔到原來我有責任引導對方講心事出嚟 佢講自己嘢嘅時候，可能我又無意中轉移咗話題佢唔講，我真係意識唔到

到最後，我只係成為咗佢嘅負擔
2022-05-18 05:52:45
叫等第二個 你覺得佢有冇憎恨你
2022-05-18 05:52:55
2022-05-18 05:58:34
2022-05-18 06:03:20
明白大家其實都無辦法響呢一段關係上 得到大家都想要嘅嘢 導致分手嘅結果對方想要嘅係心靈上嘅陪伴 巴打你想要安全感
知道你會好不解 點解對方唔講 明明自己可以成為佢嘅避風港 咁咪無事 但都希望巴打你可以體諒佢 有陣時對方可能會俾佢過往嘅經驗 而有一啲較偏激嘅諗法（如：無人幫到佢）呢啲諗法 導致佢哋一直唔出聲 唔係我地一句話我接受到 就改變到 我哋只能夠用行動去俾信心對方 同佢講我係你嘅樹窿 無人知要做幾耐 做幾多先夠 但只要你足夠愛對方 我諗你都唔會計較
巴打你都好叻 響呢一次經驗入邊學到嘢 反思到自己
將呢一次嘅學習好好內化 將來唔好再犯 為自己 為下一任 甚至可能為追返佢 好好咁成長
過程可能好辛苦 但你可以隨時上嚟分享下你嘅感受 相信呢一度咁多位 都好願意去聽同分擔你嘅壓力
2022-05-18 06:06:32
佢應該未真係block 你嘅 有冇試過一段時間唔揾佢
2022-05-18 06:09:04
多謝多謝。話說你講嘢嘅思路同埋鋪排真係好有社工feel
2022-05-18 06:13:26
2022-05-18 06:18:45
分得手就唔心軟啦你哋之前有分過手咩

建議絲打你不如試下一個月唔好揾佢住，keep住揾佢嘅話我驚你嘅心靈會被摧毀到冇咗 我就冇咁嘅勇氣再揾佢住啦面對對方嘅已讀不回同埋絕情，只會不斷崩潰，乜都做唔到
2022-05-18 06:30:51
我就好似啲細路覺得父母嘅叮嚀好煩咁 原來女朋友話我係因為非常之咁在意我 好想我改咗啲壞習慣佢我就當佢係批評 只怪自己咁大個人都唔識諗
2022-05-18 06:34:17
唔緊要如果令到你舒服啲就夠啦但我係巴melody係我個ex嘅名
見到絲打你係咪響呢一段關係入邊好冇安全感 想去透過係咁試對方 令到對方氹番你 去搵一啲證明對方真係愛你
我諗對方都意識唔到絲打你係一個好冇安全感嘅人 可能氹咗你一兩次已經好唔耐煩 都知你又更加冇安全感 所有嘢都變咗一個循環裏邊 令到大家都越嚟越大壓力
但無安全感絕對唔係你自己嘅錯 大家嘅生活環境 父母都會影響自己對任何關係嘅安全感
如果對方知道你冇安全感嘅原因 我諗對方都會盡全力去滿足番你嘅感受 始終大家都愛大家 唔希望見到對方好辛苦
見到絲打你都好盡力做好多行動去彌補對方 想比對方見到你嘅誠意你嘅決心 我都好欣賞絲打你 為咗對方可以付出咁大嘅努力
如果代入對方嘅角度諗 佢會覺得我都付出咗好大努力每一次都盡力咁氹你 其實對方都好攰 好不解明明自己已經好盡力 但係好似達唔到你要求咁樣 果一種無力感會令到佢感受到好攰好攰
如果一個人好攰嘅時候 我諗大家都會做鍾意嘅嘢去抒發 但係對方因為過往而感到好攰 所以 希望絲打你都可以俾啲空間對方 去休息下
到依家佢話要block你 感受到你就更加不安 你會唔會想搵一啲證明俾自己睇 對方仲係愛你 所以絲打你就不斷用你嘅行動 去影響對方 希望喺裏面搵到嗰啲證明 令自己舒服啲 但係對方更加冇辦法休息 所以好希望你去努力深呼吸一下 嘗試去比一啲空間時間對方休息
你呢段時間會好辛苦 好掛住佢 我都經歷緊 但要忍住 好掛住佢嘅就上嚟傾下啦 好多人都會陪住你 加油 你已經好叻女
你可以透過俾佢休息一段時間 學習一下點樣從自己之中拎到安全感 比對方見到未來 對方驚嘅嘢唔會再出現 咁對方先有信心再同你一齊
希望絲打你可以振作 呢度好多人會陪住你 加油
2022-05-18 06:35:47
2022-05-18 06:37:14
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞