剛剛分手的你，入黎傾下，大家互相扶持好嗎？(221）

有啲保留嘅話都好啊 起碼唔係決絕到同你講一啲機會都冇
可能你做多啲野會有彎轉

唔係至少我而家呢一刻好心痛
所有道理都明白 但係就係控制唔到自己去掛住佢
明白自己應該要放低 但係控制唔到自己諗起佢 自然就係咁check佢online

有啲都覺得自己有啲病態 每分每秒都check緊 見佢online打機知佢返到屋企先會捨得瞓 而家佢應該出咗去搵其他女仔 但我哋先分咗手幾日

但係佢同我講得好決絕 每一日就係響希望同絕望之間來回 我已經好努力去進步 去調整自己迎合佢嘅興趣 響佢嘅興趣裏邊搵一啲我自己鍾意嘅嘢但係如果佢已經鍾意咗第二個 我好無奈

好明白絲打你嗰種自己對佢愛到入心入肺 但係對方根本完全唔care 嗰種心痛
係咁check online嗰種焦慮

希望大家之後都可以同返自己ex一齊/快啲放得低

我諗都係 身邊嘅人都話我已經走火入魔
我都好想自己放低佢 但係就控制唔到自己
就算返工 都係咁睇佢online 每一次都見到佢Online 心諗有冇咁好傾啊 咁一定好夾喇 咁我一定冇機會啦
嗰種焦慮同崩潰 廿四小時循環

咁又唔好咁諗 可能佢同緊朋友傾計啫

我都好希望 絲打你都要加油 唔開心再一齊傾吓

好啊你都加油 期待你有好消息分享上嚟

我都有諗過 但係只不然控制唔到自己諗係食咗第二個
絲打你好勁 點解可以咁快咁冷靜 我就算一個禮拜都好崩潰 琴日響條街度崩潰咁樣喊 連行嗰啲人都俾紙巾我

我都想可以好冷靜 可惜我唔係 今日搭鐵差啲喊
經過見到之前佢生日我book嘅嗰間酒店 諗返起佢好驚喜嘅樣 攬住我轉 但可能佢已經唔記得呢啲嘢了

一樣少少嘅嘢 已經足以令我地跌返入嗰時開心嘅回憶 想返嗰時又再痛過
我就連一支筆 都可以令到我諗返起佢 然之後又崩潰咁樣喊

可惜只有我哋對呢啲回憶咁留戀 半個月就可以將呢幾年嚟堆砌嘅回憶抹得一乾二淨
佢同我講唔好再講以前 放眼將來

但係自己嘅將來 一直而嚟都有為對方留一席位 當無咗對方 令到自己更加唔開心 崩潰
原來自己同佢嘅回憶 響佢眼中係咁不值一提

係 明明佢上幾個月好認真咁講幾年後草夠錢就攞曬啲錢嚟同我租屋住再結婚
好開心佢將我放喺佢嘅計劃入面 但而家就叫我放眼將來？！

過往嘅承諾原來咁易就可以放棄曬
係到諗前幾日仲好開心 點解變得咁快
明明分手前一日 先同我攬攬錫錫 第二日就分手啦 咁到底嗰一日 你仲愛唔愛我？到底嗰一日係點樣對住一個你唔鍾意嘅人 攬攬錫錫

扮乜