已證實鼻咽癌末期，救教有經驗巴打 #2

咪鼻咽癌囉，3年前當時22歲，冇食煙一星期飲一罐啤酒
III 期尾，醫咗1.5 月（治療一般係做 33次放射線治療 + 3 次化療）。

嗰陣最無奈係聽到啲病友（一般都50以上）話「你後生吖嘛」，忽略咗其實大家都係一齊撐住。
治療師話 其實後生先辛苦，因為個反應會強啲，但個好處係復原快

心態真係幾重要
咁多後生有癌

總之食多啲吸收多啲營養
你每輕一磅
要升返一磅係好困難的
所以千祈唔好瘦
食多啲嘢

可以再試下去book養和韋霖醫生
畀報告佢再睇下有冇 further comment
我妹妹以前睇韋霖的

留名
希望你得到有用嘅資訊同祝你早日康復

香港打工仔心態：煮到埋嚟就食，老細（醫護）話乜咪乜囉
不過呼籲所有年輕人真係要加油，除咗會被年齡歧視之外過程真係辛苦啲。
治療師都同我講過話年輕人容易放棄，都見過有啲做咗10次就冇做，到最後要由頭做過

你唔需要再理會自己因為什麼原因有病
總之而家盡量養肥自己就可以

我依家瘦咗反而幾滿意自己體重
理論上都係好健康（體脂肌肉比例）
其實癌症期間唔可以瘦有一個好重要嘅原因
就係做放射線治療個模有機會唔啱位，如果要再倒模，可能要中途暫緩治療

個模唔啱啲射線就唔準，例如我係頭頸，要盡量避開 眼 嗰啲部位

因為後期嘅副作用會令到你嘔,令到你唔想食嘢
所以體重會急速下降
尤其是你喉嚨將會覺得飲水都好似火燒
通常第一round第三次化療副作用會開始

其實反而喉嚨痛真係冇乜嘢
係嘔
當年好辛苦食咗好多嘢，嘔一嘔
所有努力付諸流水

好佩服你態度兵來將擋，水來土掩，有呢種心態嘅人肯定可以行得好遠
預祝你將來繼續打勝仗

巴打心態好好

巴打你可以出本書，或者搞個YouTube channel 分享下你個故事，相信對好多人會好友啟發性。

巴打加油
上年我都懷疑自己有鼻咽癌
好彩睇完醫生係冇事
健康真係無價
希望巴打可以早日康復

入去隔離病房開始治療時要見心理醫生，我同佢講同一番說話，佢都話我超強

除左呢幾個大病，中間又試過病發醫生已經同家人講定有機會肝昏迷要換肝，指數極高好似minion咁，又試過心瓣炎，我主診都話：你可以出書

我覺得最叻嘅係由細到大好怕打針嘅我自從患病後我諗拮過過千針，仲要有啲要定時喺屋企拮，家人唔敢拮，我只有自己拮自己

有生之年如果有機會我都想記錄我自己嘅”抗爭歷程”, 奈何而家真係啱啱創業，又要追返呢十幾年嘅時間，加上我文筆唔掂，可能要等多十年八年後會有機會

bro好波！請問你點發現到自己有事？

bro你接受完整個療情，聽力同視力有冇差到？還是冇明顯分別？唔該

條頸淋巴腫咗，有啲硬

聽力視力一樣
反而係個口同頸，因為放射線治療，所以肌肉纖維化頸同牙骹硬啲。加上口水少啲，所以食飯會比起以前飲多咗水。

鼻咽癌真係咁多後生中。
不過我情況比較差，M1先發現

bro 多謝分享

你情況真係好鼓舞！

只係肌肉硬化少少既不便

等價交換啫
其實呢啲後遺症換返條命好抵

bro我冇追哂post，你發現cancer時係幾歲？醫左幾耐先停止療程？唔該