MIRROR被分上下弦 Lokman不解鍵盤戰士攻擊「點解要咁分？」

我不想離開 2022-05-07 17:37:40

《造星》期間王勁的眼淚流了不少，那時去到邊都有cam；成軍後MIRROR的眼淚，鏡頭前沒見到多少，直至《調教你》。某論壇笑他認真仔，玩遊戲都變MMA，說他年紀乜乜乜，但王勁是花姐誠邀才首肯加入。他想做跳唱歌手，B1綵排期間扭傷，但他死頂，因擔心拖累隊友。已故盧凱彤讚他專業，「cut機之後，大家走埋嚟扶你，我先見到（受傷）。所以你係一個好專業嘅舞蹈員。」王勁說：「我嚟緊要做一個好專業嘅明星。」盧說：「你絕對有呢個潛質。」

王勁不止是導師所說「佢人緣好好」，還很甜，阿虎（舅父）湊芯言，兩人在商場迷路，逐層樓「feel下」方向；着錯家姐件背心﹐被取笑着童裝：「你估你真係咁大隻咩！」尷尬mode為應援打卡，偷睇有冇人偷睇佢；《Rebound》電台首播，母子交換了一個眼神，王勁憶述時還有淚意；拍AK的vlog，王勁連人帶頭放心（其實不放心）讓他修剪。他晉身40強，AK喊。這位IG最多團照成員，出post會註明「姜濤同意的相片」，戴好頭盔出車。

【談上下弦 AK：最緊要清楚12個人嘅方向】

話題帶到「上下弦」（詳見《鬼滅》fandom）。王勁說：「不如我哋問下『上弦』嘅AK。」眾笑言要排擠他。虎仔問：「佢『上』幾多？」AK說：「應該包尾。」又說：「我心入面一直冇擺呢個秤喺度嘅，聽到呢啲term分我哋嘅時候，我係唔開心。喺我眼中，由出道到而家，我哋12個應該係應該係要一體嘅。」虎仔說：「 #WeAreOneAndAll 。」隊長接：「從不分你跟我。」AK再說：「現實世界就係殘酷，你唔去比較，唔代表人哋唔攞你比較，唯一辦法就係做好自己，雖然呢個世界俾好多比較紛爭我哋，最緊要我哋12個自己好似《調教你》camp所講，要好清楚我哋12個人嘅方向係乜嘢。」

【王勁認同上下弦：MIRROR的確有啲好紅，有啲冇咁紅】

王勁則說：「我自己認同上下弦，因為MIRROR 12個人，的確有啲好紅，有啲冇咁紅，呢個係事實，我哋要接受，但我唔認同呢樣嘢應該存在。當我哋做自己嘅時候，會係變得冇咁受歡迎，咁我係咪唔應該唔做自己呢？當我唔做自己嘅時候你會好辛苦，而好辛苦嘅你係冇可能會好睇…」

黃大仙愛恩斯坦想不通，智者虎仔說：「你唔做自己，好快就有人替代你，因為你唔係你自己。每個人最unique就係因為你係你，所以先會睇你；如果我要睇嗰啲，我去睇嗰啲啦使乜睇你扮嗰啲啫？但就會去到樽頸位，『唔係喎』，又返番去、我做自己喇，但又好似未搵到定位。我有時會行歪咗，跟住我會整一個定位出嚟，但嗰個定位其實係假嘅，唔係你自己最叻或者唔係你…」他也迷惘。

【隊長曾被說法感染質問：點解你用幾隻字去踩低人哋幾年嘅努力？】

Lokman提「上下弦」，不吐不快：「點解一定要分先？」「點解你會開心，你用好簡單幾隻文字，去踩低咗人哋幾年來嘅努力呢？好矛盾，我一定要承認呢個事實，但係我對呢件事係，『唉，咁樣嘅…有冇搞錯呀！』咁樣，但係你又要繼續做喎，你繼續做嘅時候你就會矛盾，有陣時你真係要撇開呢啲嘢嚟睇，你先至望得清楚，但我覺得呢樣嘢好難，非常非常非常難。

「所以有陣時呢一個矛盾真係會有啲攰，最吊詭啲係有陣時你會俾佢哋感染，你無端端都會同佢哋同一個視角，你會自己唔記得咗，你要自己頭腦再清晰啲、撇開晒呢啲嘢，係要啲功夫。有陣時對住呢啲嘢係有啲……可唔可以叫做唏噓？有啲唏噓，有啲慨嘆，有啲攰，但係都冇計啦。」王勁總結說：「我可以話俾大家知，MIRROR係會努力咁打低呢個概念，一定掂一定掂！」

#團魂 #MIRROR #六壯士 #上下弦 #節目仔 #娛壹

樣子絲打2022 2022-05-07 17:40:06

Lokman係連登眼中係上弦！！！！！！！

威士奇 2022-05-07 17:47:12