IT討論區(156) - 気分上々↑↑

Same

你話呢？

聽話既人 唔好請醒人

Student helper要求啲咩 真係醒既人點撚會做student helper 你咪最多請到懶醒既人

話說 hktv mall 個it gt program 係咪好難入
我見佢咩background 嘅fg都請

我覺得想帶出嘅道理大致上無錯, 但以中學生嚟講有d demanding... 中學生可能連"前途"呢個concept都未有, 初中其實都係任家長老師擺佈, 到高中可能有d awareness, 但學業壓力/師長壓力都唔係咁容易擺脫同埋中學生都仲係小朋友, 我覺得好需要成年人指導先幫佢地諗通呢件事

成件事shift去大學我就覺得合理晒, 大學生作為成年人應該有自由意志同選擇嘅權利, 大學亦都係人生最無負擔可以隨意explore嘅時期(至少我咁覺得), 覺得身邊嘅圈子唔適合係可以自己修行/接觸其他圈子.

同埋我覺得都有一個好重要嘅訊息就係"自己要為自己嘅選擇負責", 你可以揀玩足4年, 識一班好朋友; 可以認真讀書, 追求知識同專業; 都可以不停返intern, build up career... 我覺得全部都無問題, 有認真諗過個選擇會對自己人生有咩影響而有接受到/鍾意就go ahead

TLDR: 我覺得手巴講得啱, 只係對一般中學生小朋友嚟講有d早

又黎料
唔好咁喇知你長啦

1. 試下睇下手巴下一層樓講咩
2. 亡羊補牢 遲到好過無到
3. 手巴覺得手巴唔係想講選擇...


4. 手巴都係覺得 做到手巴所講既建議既人 招牌跌落黎真係死幾個...
2可能難啲 但係如果間學校本身課外活動發達 做134唔難 起碼手巴咁廢都做左134

暫時退it post
勿念

講開就一次過講埋佢 手巴唔係想爭論啲咩 大家都畢晒業改變唔到啲咩
但如果有中學生入黎呢個po見到既 手巴想講

中學數理課程真係唔難 絕對係暑假預習即可輕鬆應付既野
如果你想中四至六可以輕鬆既 就係中三暑假預習整個中四至中六既課程
題目留係日後功課個時做 預習個程度去到你睇得明條問題問咩 可以大致上心入面答到 同埋之後睇返會記得返既程度就足夠
留意 理解但記唔到係無用 如果你理解到但記唔到 就做筆記做到記到為止

中四至中六留黎比語文 通識 體藝鍛練 同拱固
再有空餘時間就課外活動同yr1 textbook


唔好覺得人中之龍先做到
屋邨學校都每屆出一兩個 名校少少既就一班班咁出
其實大家都係人 唔會人地做到你做唔到
你覺得做唔到 個問題係你眼光太窄 你設限比自己 你覺得呢少少野係好大既障礙物
呢點唔係事實
每個人有唔同既背景 真正既學習障礙物
係郁啲就鬧人既老豆老母
係大量噪音令人無法集中既劏房
係欺凌學生既教蓄

如果你無遇到過類似既障礙 請你認識兩點
1. 你做唔到係因為你唔做
2. 只要你做就會做到



Miss左中三暑假既 中四至中六好難追 但中六後係可以追既
自己諗想要咩 手巴只係知道 你當咁既程度係人中之龍既話 係追唔到
因為咁唔係人中之龍 人中之龍既程度要高好多好多

預負皮
但手巴唔係人中之龍 手巴只係有幸對上對落都有人中之龍比手巴見到

我正評咗，但我唔同意。
出於好奇去試當然係好事。
chem，bio 我評論唔到，我本身呢兩科都好廢。
手巴你識埋啲hkoi 金牌太離地

我唔認同多數人可以中三暑假識曬高中理科嘢
手巴你有冇留意個身邊啲同學要用一/多倍時學先學得識啲pure math/m2，或者學唔掂drop 咗
年紀愈細，天分比經驗對math maturity 影響愈大，低天分要學識都要多好多不成比例嘅時間
我當然攞唔到自己做對照實驗，都無揾過研究話中三同中六嘅人腦部發育有幾大分別，我就覺得中六嘅我醒過我中三好多，中三唔識嘅嘢中六輕鬆明。（當然我知咁諗好bias）

我數學天分都叫略高於同屆，至少我初中睇pure maths，玩啲吉米多維其我都覺得唔難
所以我曾經都好似手巴咁諗，覺得係啲人懶，啲嘢望多兩望就識
仲唔小心寸親人
個同學仲要因為努力咗都低分過人hea 讀，跟住被人話hea 好唔開心

我明手巴你想激勵人
但我覺得有啲過火
多數人一開始睇課外嘢
其實都係覺得好玩同好奇
有住好奇心睇下啲課程就夠

點講呢...
手巴只係普通人 手巴好肯定手巴條路係general每個人都行到 幾時開始行都行到 唔駛人帶 就係咁簡單