到底點先可以完全擺脫驚恐症

宜定釋懷咗會諗 估唔到/控制唔到下一秒 算吧啦/隨便啦 個人隨遇而安啲

驚恐症係因為好驚死而身體有嚴重反應
但樓主又因為驚恐症搞到個人好低落人生冇樂趣
咁所以你係又勁唔想死但又勁想死
不如試下用既然落到街就死咁煩咁就死啦嘅態度落街

我同你差唔多
因為中左一次暑差d暈低

之後個人一有少少似頭暈
就好驚，然後越驚越暈
佢唔係轉果隻暈
係個人好似五感慢慢 fade out
個世界靜晒，就黎熄燈果種暈
勁心悸

之後keep住果幾年都係咁
總之一去見朋友
有聚會
好驚自己會突然唔舒服
越驚就越驚
勁心悸，頭暈

最後有一年，中醫話我因為身體太虛同壓力大
食完中葯就keep住食中成葯，乜乜丸果d
食食下真係好左好多

不過我自己覺得係心理問題多
因為不停同自己講我食左葯應該無事
應該不停同自己講我自己只係驚恐證
而唔係中暑or 身體有事

慢慢真係無事了
無再番發

Ching有個咁好嘅另一半真係好幸福

係呀其實主要都係心理因素作怪
我見到上面有個ching講得好好
同我醫生講嘅一樣

如果身體真係有咩大事嘅話
其實一早就出咗事或者死咗啦
但係宜家仲生勾勾

好明顯係心理作用

有無做運動強化下心肺功能，我都有驚恐，但個個星期跑步，而家發作跳到120都仲接受到

早幾年試過
只要夜晚一瞓喺床心跳就起碼130
之後睇到一句說話
每次恐懼症發作就好似做咗場運動
What doesn't kill you makes you stronger
自此恐懼症發作我都wfc
不知不覺就斷埋尾
你要知道恐懼係有可能來自恐懼症本身
但恐懼症其實不可怕

葯你老母

話咁快差唔多就一個月了

之前都應承過會update番近況

咁都喺到少少記錄番


我聽咗好多ching 嘅意見

呢一個月試吓用flooding去面對

頭幾日依然都會好驚

但係過咗一兩個禮拜到

開始慢慢feel到自己真係好似冇咁驚

宜家行喺港鐵站嘅大堂開始越來越輕鬆

可能因為之前累積嘅經驗俾到我信心

再加上我今次真係好有決心想克服佢

個結果先會咁理想


當然

我都未可以話自己完全好番

總有一啲時間依然會無啦啦復發

更神奇嘅係

雖然開始冇咁驚行路

但係變咗有陣時企喺度個人feel到自己企唔穩

不過我覺得都係心理作用

係需要時間去慢慢康復



喺呢度都再一次多謝以上咁多位ching嘅意見

希望大家都可以變得更好！

除左以上方法，其實都可以搵下心理醫生傾下，雖然一般來講都係有啲貴，但係有個人可以傾同俾到方法減輕你而加有嘅恐懼同壓力或者試下搵一個宗教信仰例如：耶？

利申：過來人

我係基督徒呀！
不過呢到好似唔太歡迎我地咁

我想講平時祈禱
都係一種舒發自己心情嘅方式

我每個禮拜都會搵一日同神傾一次好耐嘅計
你哋可能會覺得好笑
但係對我黎講真係好有用

因為通常黎講
有呢d情緒問題嘅人都係因為身邊冇乜傾訴對象
好似我咁
成家人都好少會講野

純粹自己經驗分享
我冇逼你地信架
始終我覺得信唔信呢d係你地嘅自由

但我嘅睇法係
既然有時開始連自救都做唔到
點解唔試吓借助少少外力呢

話唔定會有新嘅得著呢！

你死能左去啦

珍

不過咁，都可以試下一啲靜觀嘅練習幾有用同埋可以做下運動，俾個身體習慣下心跳快同埋呼吸快嘅感覺。但當然啦記住量力而為。 我3年前開始發病到而加都差唔多斷尾了有成一年冇再發作，加油啊ching

或者如果經濟狀況許可真心建議搵心理治療傾吓，當然啦在於信仰來講祈禱好緊要，但係搵個人傾吓舒緩下你嘅壓力同恐懼都係一個非常有用嘅方法，驚恐症嘅成因除咗係對死亡嘅恐懼之外，都可能同焦慮壓力，或者一啲過去嘅傷害有關。所以搵一個專業嘅人，搵出病嘅成因然後對症下藥都好緊要

多謝ching!
我會努力的

我exactly 同你一樣廣泛焦慮症+驚恐症！但我最近兩年都冇事喇

病發嗰陣你咪有啲徵狀嘅 嗰陣會越嚟越驚 跟住會加劇咗病發嘅程度 喺嗰個時候你要同自己講 所有野都係幻覺 係心理病影響咗生理姐 唔好自己嚇自己 不斷洗自己腦 跟住慢慢開始會冇咁想嘔 平復返落嚟

我開頭都嚴重架 因為好驚自己係心臟有事 越諗越驚 第一次病發直頭休克 睇唔到野 開始慢慢冇埋聽覺 勁驚 後尾自己搵到個方法 慢慢好返 冇再病發

當然個過程長短人人唔同 我搞咗兩年左右 而家間唔中會覺得周身唔舒服 但係都係同自己洗腦 so far冇再病發先

希望幫到樓豬

再喺到update下近況先！

不知不覺又過咗兩個月

最近真係好返咗好多！

宜家搭鐵呀 經過大堂呀

已經冇咁驚


至於食藥個到

睇完醫生佢都係叫我keep住相同分量嘅血清素

我諗呢一年都未必做到完全唔洗食藥



不過唔緊要

最起碼我宜家終於開始feel到我嘅生活慢慢回復正常

間唔中都依然會有復發嘅情況

但已經越黎越少



最後 我真係好感恩

Lihkg上面有好多巴絲打俾到好多有用建議我

亦都希望仲俾情緒病折磨緊嘅巴絲打唔好輕易放棄



作為一個經歷咗5年情緒病嘅人

曾經都唔敢想像我會有好返嘅一日

但係宜家嘅自己話俾我聽

一切都會好起來的！

我係呢段經歷中學到咗好多野

希望大家都可以努力！

google完見到依個post
以前睇有信仰既人好無知
不過人大左覺得好多人都當信仰係一種精神寄托 有樣野支持你繼續生活落去咁 都係個方法黎