剛剛分手的你，入黎傾下，大家互相扶持好嗎？(215)

分手2個月，斷聯一個月，
考試壓力好撚大，完全集中唔到做ASM
溫唔到書
晚晚失眠日喊夜喊
我仲要追GPA架
因為同屋企人同房所以喊唔可以喊岀聲
每次忍住唔喊都會諗起佢

佢總係叫我依賴佢多d
我好想佢攬下我
我好想整下佢個頭
我好掛住佢間房佢張床
佢帶我翻屋企見家長
因為佢想我以後都可以有個安心既地方
佢父母對我好好，
佢屋企係我期待既模樣

分手個日我係佢張床喊左好耐
訓左好耐，佢就係咁比紙巾同水我
我發冷又幫我用風筒吹

我覺得好攰，你都好攰，
你話分手繼續做朋友，
你話會黎我學校陪我溫書，
你話下次同我去食壽司
你話到我畢業既時候
你會黎送隻公仔比我

對唔住，我做唔好你朋友既角色，
就算我幾小心翼翼，唔想令你有壓力，
我想做到你既朋友，
你覺得我對你有期望，你好有壓力
你覺得我仲對你有感情好恐怖，
我既努力好似被否定曬咁
好似比你拋棄左一次又一次咁
我記住曬你所有既承諾
到我想要依賴你既時候，
我已經無資格，你已經消失左

你知道你肺炎既時候，我唔可以照顧你，
我內心有幾擔心？
我問候你，叫你快d好翻
你話我唔係真心關心你
你知道你晚晚失眠唔訓，
我都會想守住你，見到你offline 我先訓
之前晚晚我都陪住你傾電話傾到你熄燈，
我仲記得因為set左 sleeping mode，
你有晚係咁搵我搵唔到，我好心痛
直到依家我都無set翻，
你會唔會突然好需要我，打比我？

對唔住，最後為左逼自己離開你
我block 左你ig，逼你同我決裂
對你講左咁多傷害你既説話

如果我地各自處理完自己既問題，
係一個好d既時間，我地會唔會可以處理得好d?
我唔想最後既回憶係互相傷害互相指責
我知道你都唔想
我等你 我地

我都係咁作嘔，
如果有左都唔知點算

我都係想慢慢了解慢慢黎既人，
但佢話我收佢兵，我就比佢chur到一齊左，
然後我地唔夾
勁快玩完
佢係諗到咩即刻做，好有行動力既人
我係諗十世，預想曬有咩負面影響先決定
最後分手個陣佢話我，可唔可以唔好成日講唔好，
可唔可以唔好咁負面
我以為係佢面前
我可以唔洗好似以前咁
為左討好人咩都話好
咁快應承一齊已經用曬我所有既勇氣，
我好攰適應唔到，
對一d人黎講，太快一齊唔係一件好事
如果係鐘意既，可唔可以等多陣

睇到想喊

斷左有好有唔好，
係你唔可以對佢理性既時候最好斷
你以為斷斷續續，佢對你無咩
但可能有日佢同你講佢忍夠
佢覺得同你講好大壓力
佢叫你唔好再講野
到時你會崩潰，可能會做d令你後悔既行為
反而你離開下，佢可能會諗起你，
可能會對你有翻d好奇

不打擾是我的溫柔~
好好地同佢講，你要消失一陣
各自修行先
時間會洗走好多野
好既壞既回憶都會洗走好多，
到時再傾翻應該唔會再有咁多芥蒂掛？

係好難受，但當時佢話同做我朋友
我以為至少我地仲係對方親近既人，
仲可以照顧對方，
因為佢好多野都唔同人講，但佢可以同我講，
過左一個禮拜，佢變左，
好冷淡，我問佢係咪唔想同我講野
佢話你想咁？咁好
佢都諗清楚好多野，佢要係我世界消失
咁對我好
我完全反應唔到
佢想點就點
我唯有逼自己走
然後佢又走黎關心我
搞到我崩潰左
我發曬癲咁，逼佢block 曬我所有聯絡
咁樣我先唔會再咁患得患失
靜靜地咁掛住佢，
好過係佢面前好似小丑咁，
呼之則來揮之則去，
做咩都唔啱，委屈自己

我都係
佢之前係咁講佢想我依賴佢多d，
佢覺得我唔夠緊張佢
又話我好理性，好似咩都可以自我消化咁
其實我聽落幾委屈，
我都係想好好地維繫呢段感情，
我唔想佢發脾氣，我又陪佢一齊發脾氣，
好好地溝通唔好咩？
我唔信人，但我其實有慢慢地依賴佢，
只要佢係到，佢唔洗為我做咩，我已經好感激佢，
我怕有日佢會走，我要時間適應一段親密關係
佢理解唔到

呢個世界上得佢知我電話pw

佢好想見到我，我就成日走去搵佢，
唔洗佢行岀黎，又對佢發下脾氣咁，
又表現到好緊張佢，晚晚待機等佢搵我，
有時拜託下佢幫我做功課，
結果佢話我成日搵佢，
無自己野做，佢都要私人空間，
又話我太情緒化
分手既時候我問佢
如果我一直都好似當初咁理性會唔會好d
佢話，佢應該唔會鐘意咁理性既人

大佬，好難捉摸
我呢2個月過得好辛苦
你話過以後都會對我好，你依家又係邊？


之前我10點就訓，依家食埋藥都眼光光
喊緊個陣，要依賴人個陣，你走左
我明白。。。唔怪你。。。