剛剛分手的你，入黎傾下，大家互相扶持好嗎？(215)

同Ex拍拖8年左右, 年半前分手
但係到而家我都未完全可以放得低
係唔係真係要開始新關係先睇得開.....

[member]有 我盡量唔比自己聽情歌 唔睇翻舊相 唔想令自己傷心 唔俾自己喊[/member］

小弟拍拖三年，自問唔係一個好好既男朋友，我係好欠缺安全感，搵佢唔到，佢掛住理其他人唔理我，佢約朋友去佢屋企(特別係有異性)嘅時候，我都會好唔開心。但我對佢都唔錯，佢有需要既我都會比佢，我盡我所能比我最好既佢，出入都自動上報唔洗佢擔心。2月左右佢同我講想要多d自己既空間，我都二話不說應承佢，初初我都會唔適應而感到失落，始終落差感太大，我同佢之前晚晚都有傾計，呢家幾個鐘先message傾一陣，一個禮拜先講一次電話。去到3月佢學校好多嘢忙，我好難先搵到佢同我傾一句，之後又會off，即使係咁，我都無發放負能量畀佢，一直都保持開心去搵佢，唔想佢擔心，同埋send一d平時佢有興趣佢鍾意既野比佢睇，一心希望佢唔覆都好，望到會開心d精神d。直至4月，我開始會1日2日都完全搵佢唔到，我開始承受唔到，我有好幾次都好想同佢講分手，但係我知道佢真係好忙好辛苦，仲要deadline應該都係呢d時候，我唔想因為我自己既不安感而咁衝動，所以我撐咗落嚟，直至有一日，如常地兩日搵佢唔到，而果日我本身都有d野唔開心，好想搵個女朋友陪我一陣，所以就call佢，call佢唔到之後，我又開始發病，用咗唔同平台call佢希望佢有一個可以留意到，加埋應該都有6次左右，結果佢都無聽，然後覆我嘅時侯就係叫我唔好再煩佢，覺得價值觀唔啱，望唔到未來，同我分手，之後乜野講野既機會都無比我，乜野原因又無比我就block哂我。後來我起佢朋友轉述得知主要都係我嘅安全感同埋延伸出嚟嘅問題令佢煩擾，覺得我話改又改得唔好，但其實我起佢講完之後真係有盡力，可惜佢終於講既時侯佢已經忍到9成，我改得嚟佢已經爆煲。起我得到答案之後，我呢家最希望既係可以做到d野比佢睇到我係有決心做好，希望可以打動到佢。決定做心理輔導解決安全感既問題，但係需要我去面對自己既過去，同埋佢就嚟生日，我積極搵緊佢鍾意既日本artist幫我錄製生日快樂，雖然到呢家都未有消息，但我仍然努力中。在此希望各位巴打支持我嘅輔導成功，同埋早日聯絡到artist果邊。多謝大家

補充：分手之後，日日訓唔到覺，最多訓兩個鐘，又食唔落野，一個禮拜未夠輕咗10磅，有無人有好建議。同埋就算我最後得唔得到佢既原諒都好，無論幾辛苦我都想盡力去嘗試，我唔想後悔自己無盡力。

又係嗰啲咩一開始係錯，太衝動
我都中過呢啲招，
確實好多時候冇可能完全搞清楚晒先至可以一齊
根本冇任何道理法則可言，唔愛就係唔愛

唔搞清楚唔係問題，問題係當繼續了解，然後佢又唔肯去接受你既缺點，或者同你一齊溝通面對

問題一定會有，唔會冇嘅，
最主要對方願唔願意同你溝通，
我嘅情況就係佢一野斬欖，唔肯溝通
話要做返朋友，咁就完結咗啦⋯⋯

我都係唔同我溝通就咁飛我，仲要即刻封鎖晒所有可以搵佢既方法

話雖如此，我理想型係身形/材好d，矮我dd去ai我，皮膚好d，識得安慰人，好既聆聽者，而佢完全唔係咁，但係我就係偏偏犯賤，好鍾意佢，就算佢咁絕對我，我都好唔捨得佢，去到呢家都仲企起佢果邊諗，為佢諗

咁我好啲，佢冇封鎖我，佢仲想同我做朋友，
不過我接受唔到，我自己主動同佢斷聯

講真通常你心中想要嗰樣嘢，
都真實你識到嗰個都唔完全一樣
同埋發個最終對方有幾靚，身材有幾好，
對你有幾好，都仲係好多不明因素，
或者時間問題淡左，都係因此而終結