[PC/PS/XBOX] 艾爾登法環 Elden Ring (82)

Centercros · 2022-04-18T19:31:57+08:00

《艾爾登法環》(Elden Ring）是一款由FromSoftware開發、Bandai NAMCO Entertainment發行的動作角色扮演遊戲，暫定2022年2月25日於PlayStation 5 / PlayStation 4 / Xbox Series X|S / Xbox One / Steam平台上推出。 FromSoftware的社區經理Yasuhiro Kitao在接受外媒IGN采訪時表示，《艾爾登法環》裡諸如NPC對話，以及其他游戲文本由宮崎英高親自編寫，《冰與火之歌》作者喬治R.R.馬丁主要負責世界架構和人物角色的設計。此外，他表示《艾爾登法環》的故事仍類似於魂系列敘事方式。睇親d人直播都冇人用右邊個快捷欄 (類似bb 塊touch pad o既袋仔) 將d會成日用，但又非緊急o既放落去(召怪骨灰、馬哨)，又唔會佔正常下掣快捷欄阻礙戰鬥搵水飲使用方法係menu畫面set完。平時撳三角，之後再撳十字掣↑↓←→ 新入坑 Q & A 2.0 成日有人重覆問，廢時再答，下個post可以考慮放頭post Q1: 職業有咩分別? 近戰職係咪唔可以用法術? A1: 開角職業只係起手o既初始裝備同技能有分別，而所有技能同裝備o係之後都可以執到/買到影響o既只有前期o既遊戲體驗、冇咩所謂職業限制只要你符合件裝備 / 法術o既能力需求就可以用所以即使你揀左觀星者(法師)，但你升高力量同耐力一樣可以著重甲拎大劍你揀左英雄(近戰)，但你升高智力，揸法杖一樣可以出魔法 Q2: 有咩職業推薦? A2: 一無所有 Q3: 有冇得連線玩? 點連法? A3: 有連線，主機新舊兩代可以互連 (xbox series x/s 可同 xbox one連，PS4可同PS5連) 但冇跨平台，即係PS、XBOX、PC 冇得互連正常大部份時間都係單人玩居多，唔好預可以同班fd由頭玩到落尾場主召喚幫手(白靈) 要消耗道具（喚指藥），一旦場主死亡/白靈死亡/擊殺Boss後，就要再次消耗喚指藥再召喚白靈而且召喚期間，場主同白靈都唔可以透過Check Point (賜福) 回復HP、FP同藥水次數(聖杯瓶) 仲有場主同白靈之間o既進度唔係互通，你幫fd打完，你個fd要再幫你由頭打多次，大家進度先會一樣仲有當你召喚白靈幫手時，同時會引黎紅靈 (敵方玩家)入侵黎殺你所以係一把雙面刃黎喚勾指藥可以用落葉花自己製作亦喺可以商人度買白靈被人召喚去幫手，成功打贏boss後嘅獎勵你要人幫，首先你要幫咗人先骨灰使用: 要先拎到召喚鈴喺附近有boss嘅情況下會喺左手邊出現一個紫色墓碑icon先可以召喚 (只限單人模式如果食左喚勾指藥想召朋友嘅時候係唔會出現紫色墓碑icon) 多人連線: 召喚食喚勾指藥會見到嗰個區域嘅其他玩家寫低嘅金色記號就可以召喚對方喚勾指藥可以用落葉花自己製作亦喺可以商人度買被召喚用金色小雕像或者褪色者勾指寫記號 Q4: 冇玩開系列作會唔會好難玩? 有冇得set難度? 好巧技術? 為難而難? A4: 只有一個難度無得揀，爆機後2周目開始會更難 Q5 : PS 拎晒傳說武器, 點解唔識出獎杯？ A5: 擺哂入箱，擰番出嚟/拎上身試下 Q6: 唔小心殺咗個npc點算 A6: 唔好拎上嚟畀人恥笑地圖探索：你o既死絕大部份都同技術無關大多數都係建基於你衝動、唔夠細心死得黎好合理，同埋有破解方法，絕非刻意刁難好多時d陷阱係可以避免，你中過伏汲取過教訓，下次就唔會再俾佢陰到而死最緊要係唔好氣餒，屢敗屢戰舉個例子 Boss戰：你當佢類似芒亨屠龍，俾佢打中2,3下就死，但唔似d龍咁厚血要打成3,4個字通常3,4分鐘內就完結 (唔係你死就係佢亡) 你要學識睇佢出招，理解到之後就唔難贏後手必勝，舉住盾圍住佢兜圈，睇清楚佢有咩招先知道邊d招係細硬直 / 大硬直，等佢出完大硬直o既招先還拖斬一兩刀死返十次八次摸熟d招就贏到官方Twitter: https://mobile.twitter.com/eldenring 官網: https://en.bandainamcoent.eu/elden-ring/elden-ring 1.03更新說明 https://eldenring.bn-ent.net/tc/information/?p=284 劇透要四重加密劇透要四重加密劇透要四重加密 1. 請喺打黑劍前完成所有支線 PS4全傳說武器獎盃有bug 放哂入木箱就ok 怎麼才算贏BOSS? 1.要在角色初始期定勝負 2.要在角色沒有用骨灰的時候戰鬥 3.要在沒有強化露滴的時候戰鬥 4.你不能於BOSS背後攻擊 5.你不能遠處攻擊 6.你不能拉盾防守，你要全程都攻出來 7.你不能靠地型防守，要給BOSS於足夠的空間發揮 8.你不能用龜盾 9.你不能用出血武器 10.BOSS攻擊，你不能盾反，要讓BOSS順利攻擊 11.你不能用月隱居合 12.你攻擊前要把BOSS每個攻擊動作都避過一遍，這樣才是真水平，否則是靠運氣 13.你殘血在遠處不能飲露滴回血 14.挑戰無傷攻略BOSS時不可以拖長時間 15.務必遵守以上守則，否則即使你不小心戰勝了，連登仔也會說你是勝之不武，說你是靠運氣，說你無恥。連登仔總是可以找到一條理由來說明你不應該贏BOSS。