大家覺得香港買到既牛奶邊隻最好飲？

之前係donki見到有隻北海道奶放係雪櫃，係屋仔形巴士德鮮奶嗰隻，通常香港買到d日本奶都係常溫就買左盒返去試下，一飲覺得無乜特別，同其他日本奶差唔多奇怪巴士德奶無理由同其他嗰啲差唔多味

後尾查下原來依隻係UHT奶（姐係高溫消毒過味道會改變）扮巴士德，UHT但放紙盒所以要雪，等人錯覺以為係巴士德奶，一睇側面第三行真係寫著UHT怪唔得好似無乜特別仲以為香港終於買到日本巴士德鮮奶原來空歡喜一場


跟住順手見到隔離有盒meiji泰國奶，之前見好多人推介就都買黎試下，依款真係巴士德奶，紅色無貨就買藍色試著先，一飲竟然仲好飲過上面嗰隻北海道，奶味更香更濃，仲要只係藍色泰國奶，原來巴士德真係好味過UHT至於同維記嗰啲就直頭無得比


有好多人話紅色嗰隻最正，下次見到有貨試下


大家點睇，覺得香港買到既邊隻最好？
另外點解香港買到既日本奶無巴士德得UHT

特伦苏

一定係紅色Meiji

759有隻澤西島4.3藍盒奶
又或者係紫盒3.5都幾好

不過好似都冇咗了 最近簡簡單單飲十字牌支持下

第一隻北海道好飲喎，成日買

北海道嗰隻都唔係差，都完勝全部本地牌子嗰d鮮奶
不過如果都係UHT既話買番常溫嗰隻抵d，平好多但味道分別唔大，又唔洗一定雪同保質期比較長
同埋個人覺得meiji嗰隻仲好飲過香港買到既UHT北海道奶，可能真係巴士德點都好過UHT
比較過meiji同北海道，我尋日飲完上面北海道嗰隻，今日再飲下面藍色meiji，個人覺得meiji好飲d，更重奶味更香

另外常溫奶黎講，瑞士emmi都唔差，周圍百街都有


個人飲過既奶排名：meiji>>北海道要雪>=北海道常溫=瑞士emmi>>>十字牌>>>>>>>維記>>>>>>>>>>>>牛奶公司（細過最憎飲）

上次無貨
下次見到試下

十字牌

蒙牛 梅西推介

紅meji 世一

乳糖不耐 飲奶屙啲屎特別臭

以前細個成日被逼飲牛奶公司搞到對牛奶好抗拒，以為牛奶就係咁撚難飲
後尾第一次去日本飲酒店早餐d鮮奶發現原來牛奶可以咁好飲
香港買到黎講meiji雖然係泰國生產但都算做得最接近日本鮮奶既味

農場鮮奶

北海道貴meiji好多

所以meiji最抵
兩隻都好飲

Meiji premium 世一

之前飲開維記，而家一定要飲紅 Meiji
BTW, 唔知點解我覺得惠康紅 Meiji 好似好飲過百佳紅 Meiji

UHT 奶的話， Fred and Chloe 幾好飲

今日試埋紅meiji，結果我個人口味竟然鐘意藍meiji多d

十字牌，好正

Marks and Spenser 英國奶