今年中學文憑考試（DSE）暫定下月22日開考，考評局話就話有後備方案，但離開考一個月都舉棋不定。機構青年新世界就做咗問卷調查，發現多數受訪考生（65%）贊成文憑試延期，80%認為考評局要盡快實行後備方案，更有超過七成考生認為校內評估唔公平。
青年新世界於3月4日至18日，透過網絡問卷調查方式，訪問352名應屆文憑試考生。調查結果顯示，65%受訪考生贊成文憑試延期，80%認為考評局要盡快落實後備方案，不因被動視乎疫情發展。另外亦有逾70%考生表示，如果考試取消，不贊成用校內評估數據作計分方法，認為每所學校評核標準不一，未必公平。
有應屆同學就話：「考試有太多不確定因素，而家都未有定案，係咪真係會下個月22日開考，覺得壓力很大。」自言溫習時間表及進度有受影響，尤其有選修科的日子推前兩星期，令佢大失預算。
亦都有同學喺記招話，擔心驗到陽性結果嘅考生會強行赴考。考評局早前話可申請以學校成績評估DSE分數，同學就話，擔心成績評估安排對Band 3學生不利，能力較佳的同學亦未必可取得應有成績，認為若能在隔離設施設考場對考生較有保障。佢建議當局為染疫學生開設「隔離試場」，俾中招嘅考生繼續應考，保障佢哋嘅考試權。
#dse #文憑試 #考試 #公開考試 #公開試 #疫情 #校內評估 #唔公平 #香港教育 #港語學
SOURCE:https://gongjyuhok.hk/articles/10580
