New age 身心靈之你問我答

只有當下，無時空

如果你可以諗到隻粉紅色嘅猪，你就可以anytime, anywhere 召喚佢地出黎同你玩

等我花啲時間睇睇先

歡迎隨時留低問題討論下

如果以輪迴嘅角度睇有，但係以覺性嘅角度睇就無，只係不停咁着衫除衫

Nani

無限個 你可以想像時空係一個點 我哋係喺點與點之間到穿梭

時間其實係非線性 現在過去未來其實係同時存在 所以因果係同一刻同時發生 我嘅角度係無所謂嘅下一世 因為所有世係同時存在 輪迴係指不停咁揀同一個選擇 甚至係你呢一刻嘅呢個角色 如果執着係呢個角色 你今世死後都會選擇翻同一個角色 所以輪迴係講緊不停重複同一個選擇

呢個宇宙所有嘢都係你自己 因為我哋係喺同一個本源分裂出嚟 去了解到自己嘅全部

賽斯係好好嘅讀物

第一次接觸最好嘅讀物

你所指嘅宇宙所有嘅野，係指物質世界範疇，定係指我地眼見到嘅影像+認知嘅概念，而呢個宇宙係包唔包括心靈。同埋所謂嘅自己係有肉身加能思能想嘅呢件野，定係接觸到世界嘅感覺，即係所見到嘅一切，聞到嘅一切，聽到嘅一切，乃至思想本身呢，定還是係長駐感覺嘅本身，即係眼只要一開就境物就如實咁顯示出黎呢個長駐嘅功能本身，耳口鼻身都係咁啦，至於思想、記憶、分類、類比呢啲心理行為嘅本體先係自己呢?

站在呢個人世間嘅約定俗成，時間係概念上嘅產物，對於活响心理活動嘅我地而言并無時間，只有記憶嘅片段，尋日嘅記憶片段同前十世嘅記憶片段都無差別，差就差在心理活動對佢地標籤化，但係標籤化其他野係心嘅能力黎，無呢個能力我地同虛空無差别，過去現在未來係方便存活响物質世界先需要嘅概念，可以想像下十年前嘅你同今日嘅你，能睇野聞野諗野嘅功能無唔同過，如果有下下下下世(你仲响物質世界的話)，呢個功能同人你而家嘅當下一啲分別都無，係時候跳返出黎

你個問題我都想知，聽好多人有撞過呢啲野嘅經歷，我信其他維度有呢啲靈界野，都想了解下呢個維度嗰系統係點

所有精神上同物質上嘅嘢都係自己 全部野存在係呢個世界上嘅嘢都係自己

同意我哋會活係當下 記憶嘅建構只係俾我哋去體驗到二一刻我選擇嘅角色嘅體驗同埋信念 係果一刻需要嘅回憶 並冇一樣野係真實嘅亦冇一樣野係虛假 最緊要係知道自己嘢係選擇緊啲咩嚟體驗 可以抽離咁玩 亦可以完全俾自己喺呢個世界度玩

個啲靈魂 一係就係唔知道自己係已經死咗 或者係佢自己活喺佢哋投射出嚟嘅世界 如果死前佢相信呢個世界係有天堂或者地獄 就會係進入佢相信而投射出嚟嘅世界

我所理解嘅佛法，指嘅本性應該係你所講嘅身心靈個靈，不過身心靈是一個完備既體相用，而心係靈嘅相，身係心靈嘅用，三位一體，但係去到物質世界+所有維度都包埋就破得盡咗啲，不過既然萬法(法并唔係指物質世界嘅野，係指物質世界投射俾個腦嘅data)唯心造，所有維度(計埋我地身處呢個)都心顯嘅，都可以理解為The one嘅，希望其他人唔好拉我地入青山

如果知道事實係咁呢個就唔係好玩嘅地方似係無間地獄多啲囉，當醒覺咗只有一件事可以做，就係拍醒其他人

New age 內容好似有好多唔同講法
有冇一個或某幾個講法比較主流可供參考同辨識？
例如基督教有分天主教、新教、東正教
佛教有分漢傳、藏傳、南傳
道教有分正一、全真
然後下面再分、再細分
New age有冇呢啲流派地圖？

唔係個靈魂想執著，不停重複同一選擇只係因為佢仲未學習到要學嘅野而已