科學分析 - 頭文字D裏面嘅賽車理論

記唔記得拓海同慎悟有進行過一場「膠帶殊死戰」? 比賽雙方要將右手用膠帶綁死係軚盤上面來限制扭軚幅度(圖一)。然後話呢種賽法對前輪驅動嘅EG6有優勢，結果拓海咪又係贏，但到底點解限制軚盤幅度會對前輪驅對車有優勢? 呢樣就關係到前輪驅動同後輪驅對嘅分別喇。

(圖一)
車嘅動力模式可以分為Front Wheel Drive(FWD, 前輪驅動)、Rear Wheel Drive(RWD, 後輪驅動)、Four Wheel Drive(4WD, 四輪驅動，其實仲有All Wheel Drive，不過呢度不作討論住)。基本上，想像將架車吊係空中再踩油門，如果只有前輪轉就係FWD，只有後輪轉就係RWD、四個輪都有轉就係4WD(我知根據差速器Setting，4WD係空中都可以只有兩個輪轉，但4WD唔係呢篇嘅重點)
但要了解FWD同RWD係跑道上嘅分別，我地可以用「老漢推車」來想像。
FWD感覺似係有個人拉動一堆重物(圖二)

(圖二)

RWD就似係一個人係一堆重物後面推架車(圖三)

(圖三)

然後宜家想像下你拉住呢堆貨轉彎，但堆貨滑左一滑，同條路個方向唔多啱(圖四)

(圖四)
咁呢個情況之下，你只要係啱嘅方向更加用力拉，咁堆貨就會返翻正確嘅方向。對比翻車內嘅情況，就係少少扭軚再俾大油門，架車就會自動修正翻方向。所以頭文字D裏面，慎悟架FWD車一甩尾過後根本唔使點樣扭軚、只要加大油門就可以將架車修正翻一個正確嘅方向。


宜家再睇下如果你係推緊貨嘅時候，堆貨滑一滑嘅時候會發生咩事(圖五)

(圖五)
呢個時候你絕對唔應該用力推，用力推只會令個情況更加失控，甚至更加遠離正確方向。呢個時候你應該要focus係將成堆貨轉方向，必要的話，你個人甚至要離開貨尾，走去貨側將堆貨推翻正方向先繼續前進。呢個就好似RWD車係甩尾嘅時候，唔應該俾大油門，因為大油門就會令架車越來越甩(小量油門其實可以控制甩尾量，可以控制甩角度)，同時間要大量扭軚來修正翻架車嘅方向，咁你就知道點解RWD車玩「膠帶殊死戰」其實好危險，因為拓海無得大幅扭軚來修正車嘅方向。

跟住落來俾大家睇下到底真實飄移時候，RWD車到底要扭幾大軚來維持架車係受控之中
https://www.youtube.com/watch?v=8hX3BK0apeU&ab_channel=MSC-MotorSportsCom-Channel
當然啦，拓海可以透過減少甩尾量令自己無需要大幅扭軚，呢種揸法更加似中里毅嘅抓地跑法，而呢種跑法係現實中係最快，不過呢D就容後討論喇
Btw，正因為FWD天生係加速嘅時候會修正架車嘅甩尾，所以你係飄移賽係唔會見到FWD

今次講住咁多，下次再講

感覺上頭碌車操控性好啲
尾碌既就好力啲

啟介對神之腳嗰場
好似話神之腳識用到個abs盡 可以用gtr飄移 又係咩玩法

Lm

大家睇頭文字D，成日見D車手係唔係都兩隻腳踩曬三個腳制，好似好型咁但又唔知做乜9(圖一)，但其實呢個腳法係有名，而且係我地日常生活中揸車都可以用到嘅技巧。

(圖一)
呢組操作個名叫趾跟動作(Heel toe technique)，係棍波車喺煞車同時落低一波會做嘅動作。大概流程是咁的：
1. 先踩煞車
2. 當引擎轉速因為煞車而拖得太低時，左腳踩離合，同時手去轉低一波
3. 右腳腳趾踩住煞車同時，扭轉腳掌，腳跟輕踩油門一下，令引擎轉速提高翻
4. 左腳放開離合，完成成組煞車+落波動作
齋講唔算好難，但實際操作上要係唔到一秒之內完成曬成組動作。但講到尾，搞咁多野為乜?
呢度就不得不講解下引擎、波箱同車輛嘅關係(圖二)

(圖二)
引擎嘅動力會先經過離合器，再去到波箱，波箱嘅齒輪會有一個比例(呢度用10:1作為例子，但一般而言唔會咁大)，假設引擎宜家係6000 rpm，經過 10:1 齒輪之後，車轆就會係600 rpm (當中其實仲有差速器之類嘅部件，但為左簡化過程就唔講呢D住)。
跟住大家望望下面嘅例子(圖三)，數字不成比例：

(圖三)
宜家架車係煞緊車，車轆減速同時都拖慢左個引擎轉速，本身引擎理想轉速係6000 rpm宜家得翻2000 rpm，要落一波，如果唔係引擎俾唔到力之後加速。
咁好，宜家踩離合落一波，個齒輪換做20:1，但問題來喇，引擎宜家2000 rpm，車轆宜家200 rpm，兩者轉速係10:1，好地地被逼換成20:1轉速，呢個時候離合器就要磨合2000 rpm同 200rpm，令呢兩者變翻做20:1(圖四)

(圖四)
現代離合器要磨合引擎同車轆轉速不一就唔難，因為有同步器，但舊式離合器就唔得。而為左match翻個轉速，離合器磨合嘅時候，車轆會突然間降速，In this case，車轆會降到得翻100 rpm，因為2000 rpm經過20:1之後就會變100 rpm(理論上，引擎都會提速，但引擎本身有保護機制來防止引擎轉速突變，所以呢度無視左引擎嘅提速)。
車轆突然由200 rpm降到得翻100 rpm，小則就坐得唔適服或者慢左車速，大則就因為呢種突變而令後轆抓地力失效而失控。咁點算好? 呢個時候，只要引擎轉速加快翻，令引擎轉速同車轆轉速match 翻20:1 咪得囉(圖五)，In this case，引擎要係離合器磨合之前提升到4000 rpm來match翻20:1 同車轆嘅200 rpm

(圖五)
就係因為咁，所以係煞車+落波嘅時候，車手一定要踩一踩油門，令引擎轉速match 翻新齒輪嘅比例，咁先可以令車行駛得更順暢。
不過呢種技術買少見少，一來一般公路上唔做趾跟動作都唔會有咩問題，係架車會chok一chok，二來宜家大部分車都係自動波，連波都唔使人轉，三來，即使係棍波，宜家都有自動補油系統，新版Honda Civic Type R就識得係你轉波嘅時候電腦幫你踩一踩油門來match轉速，大部分賽車組別宜家都識得自動補油。可能呢種技術都來到佢嘅末代

今次講左咁多先，下次再見

一直以為呢招係攞黎曬操作能力

真係有用㗎

正常揸棍都會只不過唔洗一次踩哂唔趕時間可以補油

唔怪得學車個陣師傅教減速都要留返一絲油
考完個牌都未揸過棍波

live 左留名
學到野

睇完呢篇先知點解以前學棍van嗰陣,一轉波架車就會好似俾重嘢拖住咁dup一下

留名學野

動畫一開始我記得fd好似係350匹
反而stage 1最尾涼介仲減咗匹數去260左右去鬥拓海