科學分析 - 頭文字D裏面嘅賽車理論

飄移即係點呀? 一入彎，拉一拉手制，架車bell一bell，咁即係點呀? 型囉

係咁易就好啦，賽車物理同汽車工程好L複雜，唔係兩言三語講得完。小弟我鐘意賽車都有好耐時間，最近呢近年自學左D汽車理論，想同各位巴絲分享下。如有錯誤繁請糾正。

入正題，頭文字D第一集就講啟介用RX7-FD係秋名山練下坡，而AE86就係一個「高速右彎+急左」嘅組合彎用名叫「慣性飄移」嘅招式過左啟介來掲開故事嘅序幕。(去片)
https://www.youtube.com/watch?v=H_UNzA2pwPg&ab_channel=Falbere

(個人估計係呢個彎)

呢招「慣性飄移」其實有好多個名：scandinavian flick、Finnish flick、鐘擺過彎......，係舊式賽車同拉力賽嘅技巧。假設你宜家要轉個左彎(一般而言係急彎先會用呢招)，做法係你要先將架車扭右軚同時煞車，等車頭指向完全相反嘅方向再即刻扭左軚，呢個時候架車未識轉左，但你一放煞車的話，架車會即時甩尾左轉，避免架車入彎過慢或者推頭。呢個方法對於舊式賽車或者拉力賽呢類成日轉向不足嘅場景非常有用(去片睇係真車示範)
https://www.youtube.com/watch?v=s7gQFPVf13Q&ab_channel=Pawe%C5%82
呢個方法係其中一個操控架車重心嘅方法，亦都同拓海係車上面放杯水嘅原因有關，不過呢D遲D再講。呢個方法要求司機對架車同埋場地非常熟悉先做到，畢竟要將架車扭到幾乎貼牆係好危險，同埋一個唔小心的話，架車會完全失控。

今次講住咁多先，下次再講

留名

想問下現實有無人揸車，可以唔倒瀉杯水？

Lm

除左龜速我真係諗唔到點樣可以令啲水唔走出黎，快揸黎講淨係直線底踩brake已經無左半杯水。

冚蓋

視乎好多因素，場地、車型、杯形狀、水有幾滿。但一般來講都超級難。
以秋名山為例，全長7.5km，海拔高差430m左右，用翻D中學三角學可以計到秋名平均斜度係3.2度，換言之將架車泊係原位都要預留3.2度俾D水，更何況係賽車。我估水杯要好深，仲要放得好少水先做到

街口轉個90度彎 車頭啲嘢都冼埋一邊

Sw20 Irohazaka jump
真係咁跳會點爆法

有個youtuber用賽車模擬器Assetto Corsa同BeamBG.drive試下係第33彎飛落去，多數都係撞到bumper爆曬，一係就反車。如果係真車的話，我估suspension都會壞，畢竟係拉力賽等級嘅suspension先頂得住呢種衝擊，同埋會刮到車底，分分鐘撞爛傳動軸同差速器。
https://www.youtube.com/watch?v=ItaxDXplxrI&t=4s&ab_channel=ThatSimRacingBloke

G持

可唔可以講吓唔種類型嘅車

推

個原理係咩?

睇套戲落屋企門口個𡒊都dun瀉啦講經咩

記得有場係黑膠帶生死戰，令到轉軚盤幅度減少

想知多啲
支持樓主繼續出

好好奇佢地咁樣痴死咗隻手點樣打燈

講得頭D，有一個人一定要提，佢就係土屋圭市(圖一)，呢個人係頭D嘅技術總監，佢負責審察頭D動畫裏面所有賽車理論嘅細節。
同時，佢都係日本車神，佢經常係參加房車賽同GT，仲試過係利曼24小時耐力賽攞過亞軍。
佢玩賽車贏到一個點，佢怕觀眾覺得悶，所以佢轉為推廣飄移，仲拍左段電影(圖二)，用AE86係山路飄移。
最後啟發頭D作者創作左呢部作品。
Btw，土屋圭市有係狂野時速客串過

(圖一，土屋圭市本人)

(圖二，《峠》封面)
https://www.youtube.com/watch?v=Gr3xjeneMpI&ab_channel=TheMovieClips
(狂野時速三裏面，藍衣嘅釣魚佬就係土屋圭市)

呢一場都幾值得講，因為佢講左後輪驅動同前輪驅動嘅分別。
係汽車物理裏面其中一個動點。

唔係太明點解FF會有利過FR

成日聽日講咩「坑渠入彎」，咁即咩?
其實呢個技巧意思即係將內輪卡入坑渠裏面，主要目的係增加車輛抓地力，從而可以加快過彎速度。
純文字討論係難明D，所以俾D圖大家睇下。

箭咀方向係架車嘅轉彎方向，大家可以見到因為內輪入左坑渠，所以成架車傾斜左，形成左嘅角度正確名稱係Road camber，Road camber角度如果越大，能夠額外提供嘅抓地力就會越多，所以點解Nascar同Indycar嘅楕圓形賽道彎位都係內彎傾斜(圖一)。

(圖一)
順帶一提，如果條路係以相反方向傾斜，即係向外彎傾斜的話，抓地力會比平時仲低，要更慢先可以成功過到彎。

Road camber雖然係重要，但坑渠入彎重點唔係架車點傾斜，重點係坑渠內壁會勾住車輪內壁。打個比喻，就好似你落樓梯嘅時候係轉彎嘅一刻手握欄杆一樣(圖二)，可以大大增加向心力，令車輪可以將本身用來轉向嘅抓地力變成用來加速向前。

(圖二)

坑渠入彎呢個方法其實都有限制：
第一，坑渠嘅深度要啱啱好先得。太淺：車輪會勾唔實坑渠壁；太深，架車一入坑渠會出唔翻來，甚至會刮車底或者車禍(圖三)

(圖三)
第二，彎唔可以太急，都唔可以太快。正確述語係彎半徑唔可以太大或太細。太急彎，架車卡入坑渠一瞬間就要出翻來，咁倒不如唔好卡入去；高速彎如果卡入坑渠，好可能會upset架車，令架車唔穩定宜出車禍。
第三，車手技術要好高超，加上好熟路先得，畢竟喺架車入面係完全見唔到條渠，完全唔知幾時&應唔應該入坑。
而呢個方法係只要街頭賽車先會有，畢竟賽道係唔會有坑渠，所以啟介望住架AE86過佢咪o L曬嘴(圖四)

(圖四)

今次講左咁多先，下次再傾

遲少少答你
需要時間整理資料

好似話呢招係最後一個髮夾彎先用到