認真討論
林峯當年個形象已經唔錯,唱live有足夠fans,hater一直都只係想搵位入
直到TVB硬棒,千禧後TVB捧人手法拙劣
除左不停塞D job塞D獎比佢,其他公關食晒屎
林峯污名化就係由TVB硬捧開始
我好細個個陣其實唔係特別中意林峯,讀中學唱K個陣都只係唱到佢6,7首歌
後來發覺原來TVB冇林峯之後,幾乎係咩都捧唔起,就意識到TVB造星方面好大缺失
反觀VIU,其實MIRROR捧星方式係同共產黨90年代改革開放一樣
「先讓一小部分人紅起來」
之前睇過google同youtube一D record,本身mirror係2020年9年前都仲係完全冇聲氣
然後10月開始相關搜尋同播放量開始上升
代表廣告錢到位,開始周圍派
到左2021年3月,開始有大公司搵佢地做代言
最早都係姜濤,EDAN同ANSON,之後先慢慢去到每個都有,但其實最主要都係個2,3個
留意到VIU去捧mirror係用盡所有平台同所有地方既輿論
唔係淨係fans內部小圈子
好似個前夫group好明顯似係100毛式經營,雖然有人講但件事好快比人ignore
然後又有一堆親viu娛記去不停寫好唱好mirror
最後無論mirror outcome既野幾柒都好,佢地仍然好紅
佢地最大既優勢就係紅,而傳統路線好似陳蕾JB呢類
無論作品點好,冇人捧冇廣告,就點都唔會紅
返返黎林峯,近呢2個星期冇啦啦見討論多左,原來係出左新歌
呢首唔算係我好中意個類,但2個星期過左去,有53萬view,都算多人聽
然後睇返同一日出歌既ian,已經570萬view
其實條數有冇水份大家心照
佢出歌第4日已經有400萬view,第5日係420萬,第6日係430萬,之後平均每日都20萬左右
首歌我聽左兩次,真係好格硬聽左2次,我絕對唔係想引戰
但我真係覺得唔好聽,我share比身邊朋友,都係話唔好聽
然後我見到下面D comment
全部都係openrice 式打手評論,我一度懷疑其實viu係咪已經同openrice夾埋一齊做打手
正正常常一個人聽完一首歌,會多謝唔出奇
但個個都多謝呢位個位,吹到首歌幾好,咁就好奇幻
之後再睇返jeremy個首《半》,直頭係眼都反埋
之後再睇返林峯個堆留言,佢地的確係fans向留言,但都似返個正常人
認真,平心而論,可能香港人真係需要mirror呢類雞湯明星
但泡沫終有一日一定會爆
如果唔係靠實力係影視圈企落去,一味淨係靠捧靠推
到VIU變成下一個TVB既時代,MIRROR下場一定會比林峯更加worse
因為呢幾年佢地除左累積廣告曝光機會,係影藝事業上究竟有幾大進步
坦白講唔係fans可以定斷,因為fans永遠都係盲
只有外界既人先會同你冷靜去睇,個星究竟有幾吸引
好似金城武咁,從來都唔覺佢係香港有鏡粉呢類生物係到
但如果佢有作品出黎,一定會有好多人去捧場
呢D先係真正既大明星
我都希望香港有一隊天團可以紅到成個世界都識
其實我對每一位鏡都唔反感,反感既係公司既捧法
VIU PR 同打手見到呢篇唔好屌住,叫你地老世認真用個死人腦諗下先
咁去捧一隊未成型既野出黎,他朝一日形象反噬,唔係靠網上spin就spin得到