其實理性啲睇俄羅斯係冇可能打唔贏

視乎UA係咪真係戰至最後, 定遲下談判

其實俄佬諗住一開波炸哂你啲據點，總統流亡，搵幾隊兵入去掛支旗就玩完，點知以家烏仔玩玉石俱焚，感覺玩大左，國內外都頭痕，或者可能真係用大殺傷力武器

安祿山

普京想登門檻啩
不過當年德國不能同日而語

人地而家唔縮同你死過呀
搞咁多野睇下全世界有幾多支導彈對住你莫斯科先

應該咁講，一個獨裁軍政府唔講人權起黎，就算全部邦都係敵對，輸左7成土地，只要堅持到底，都唔會倒台
最終受苦既只係百姓

應該唔係成個烏克蘭都有戰略價值？

頓巴斯係親俄政權 處於邊境 又有緩衝作用 至於克里米亞 係港口 又近住死海 有制海權

睇起黎其餘國土都冇天險/緩衝作用不大 但頓巴斯同克里米亞早已經係俄既囊中物 點解普京仲要特登打埋成個烏克蘭？戰略價值又唔係高

要開戰唔係都要首先煽動烏東同烏克蘭打 然後再扮支援去幫拖咩？睇起上黎撩是鬥非既唔係普京 咁起碼唔會全球制裁佢

阿富汗美國一撒就比搭利班反cup

單單烏東兩個州一定唔夠，仲有好多烏克蘭領土係同俄國接壤，特別係哈爾科夫，直隊莫斯科，呢八年俄佬一直想呑拼埋，但烏克蘭當然寸步不讓。

成個烏克蘭同白俄都係一個平原，要佢地親俄，從來唔係因為天險，而係，如果要打，就係佢地國土打一陣先，如果擋到就當然好，擋唔到都有時間做戰略部署做本土戰。佢地兩國，俄佬係當個個花園緩衝區。

點先為之夠？大慨就係由白俄到基輔直落畫一條直線，所有同俄羅斯接壤地區都係親俄，咁佢就可能收貨。

未呀 所以烏克蘭贏左
可以慶祝了

現實

咁香港呢？駛唔駛駐軍?

討論之前你要先定義咩叫贏
打仗首先係要講戰略目標

另外可以參考吓冬季戰爭
有樣嘢叫慘勝

有d 悲觀， 原本投降就冇事冇傷亡。依家烏克蘭玩巷戰，遲早迫普京出大殺傷力武器，最後可能和談，不過死傷慘重，睇佢地覺得值唔值

用烏區國安大法

睇俄佬用邊種武器。。。威力再大啲既炸彈炸一輪就會攻得入，但烏克蘭會死好多平民。
感覺而家俄佬係就住對家平民死亡人數黎打。
而家西方同北約出錢同武器比烏克蘭打一場Proxy war，最蝕底係無辜平民。越早談判，對平民來講越有利。

理性啲睇本身應唔應該打仗？
或者有咩其他手段可以嘗試？

要打就一定打得贏, 但係贏左場仗, 可能輸左成個俄羅斯

而家俄羅斯內部都有人反戰緊
被捕既都過千人 再咁搞落去 俄羅斯都無着數