有冇人覺得今次阿爾宙斯呢隻game打破哂一直以黎pokemon既傳統

佢咁先賺得多錢知道次一級都大把人買所以都唔急住同你upgrade

尋日已經比你劇透左啦

屌柒你老母啦 cut撚左特性 個體值 空間隊 天氣隊直接收皮唔撚洗玩，對戰變成互攻（=pve玩法）豪無策略可言

作為劍盾嘅對戰黨，玩完今作都對佢嘅對戰系統有啲意見：

1. 取消個體係好事嚟嘅，畢竟想得到5v以前只可以靠生蛋，但係其實寵物小精靈個主旨係catch them all 而非birth them all，就算多咗皇冠呢啲道具作為保底措施，由於要等級100同埋入手方法唔容易，通常只會用起神獸嗰度，但係同你通關嘅好夥伴基本上就係用完即棄，其實都好違背系列嘅主旨

2.用奮鬥去代替努力我覺得有好有壞，好嘅地方就係育成簡單咗好多，亦都唔會驚打錯怪， 升錯努力又要洗過，而最好嘅地方就係配合到遊戲嘅主旨：捉怪，你一邊捉怪就一邊可以賺到升奮鬥嘅道具，可以同一時間享受遊戲嘅賣點，亦都推進左育成，我覺得咁樣先至係人性化嘅做法

但係，今次嘅奮鬥居然可以升哂6項能力，我覺得可以參考以前努力512嘅做法，奮鬥嘅總和係有上限嘅，令到玩家唔需要冇腦升晒，有返以前配點，令到隻精靈行唔同路線嘅玩法

3. 今次最可惜嘅係冇咗特性，因為特性唔單止令對戰環境多元化，而且亦都係平衡唔同精靈嘅最重要地方，今集種族值低嘅真係完全冇使用價值，以前都會俾啲弱勢嘅精靈有一啲強力嘅特性，譬如入場轉天氣，都可以令到一啲種族值低嘅精靈可以跑出嚟

總括來講，我覺得今集嘅改動其實係非常之好，畢竟要而家嘅玩家或者新玩家要有心理準備刷幾百粒鐘，果幾百小時只係圍住精靈小屋去生蛋，又或者不斷打對戰塔刷bp 去換取育成道具其實係非常之趕客。我覺得只要幫今次嘅系統做少許調整，以及加入特性，就可以令pvp 非常好玩
。反而需要用大量時間去刷嘅要素，我覺得唔可以再放喺同對戰有關嘅嘢，應該放落去同對戰無關嘅外觀因素：譬如閃光/首領嘅大體型，咁樣每個玩家群都可以享受到對戰嘅樂趣，慢慢先會多番享受對戰嘅重度玩家

鄭重道歉

其實仲cut撚左好多細節d唔打對戰破完表關就棄驚既傻hi根本唔知, 以前, 燒傷係會減物攻, 麻痺減速度, 猛毒扣血比教多, e家改到燒傷=毒, 睡眠=麻痺 畫面立體左, gameplay平面化

就好似抖陰咁d人就係鍾意速食
pm抖陰化得番d抖陰傻hi

地圖唔好太複雜
3D地圖太複雜會玩到炆同暈
你睇新嗰隻女神轉生5就知
隻game一大半時間用咗去搵路
有個迷宮煩到俾人屌要出patch改咗去
佢呢種係煩但唔係難
薩爾達係難但唔煩
呢隻阿爾宙斯設計係俾啲唔hardcore嘅玩家上手
唔難又唔煩嘅地圖先玩得爽
加上switch又本身預你攞出街玩下之類
佢呢啲俾你十幾秒入地圖
個地圖唔複雜捉十幾分鐘嘅玩法最好

岩牙電影拍到咁撚長為乜? 又運鏡又搭景咁複雜機, 抖陰幾分鐘中point最實際, 執7晒d戲院佢

其實真五V個地圖我玩玩下覺得搵到路幾有成功感

當然gen4 gen5咁難就唔係咁好啦 但數值性格加幾個鍵就可以好似今次啲技咁是旦轉
其實已經愈嚟愈易 最後就好似玩po咁真係無意思
依家唔係將啲野簡化 而係直接消失

另外個人覺得gen 6最好玩 唔係單只對戰咁簡單
當時要整遺傳技真係唔算易 5v都唔可以一日幾十隻咁出 最少唔係咁個制咁易
而係當你整左個蛋種然後周圍同人交換佢都係用時間心機咁生出嚟既精靈

呢作無左呢啲元素唔係單單少左pvp咁簡單囉
覺得呢作其他野做得咁好但無左呢啲對戰同交換真係好可惜

定位唔同咪唔同做法
其實有冇咁難明
呢隻擺明唔係玩對戰，咁咪唔擺個體、努力呢啲嘢

你話可以擺埋，係可以擺埋，但都可以唔擺架

老對戰手值唔值得入

利申 劍盾對戰2000 ranking內 唔care劇情 同其他濕碎嘢

咁又好唔同
呢隻好玩在好多嘢肉眼見到
你想捉紅眼捉大size 捉閃光
全部眼見就係自己決定捉乜
但刷IV，你唔會眼見到佢係乜IV
你捉完一堆
又要計，計完唔掂，又要刷
呢樣對普通玩家黎講係幾煩

game已賣 完成2周目 唔想太肝追圖鑑 不過玩法係幾新鮮

乜撚垃圾駁論黎

好鍾意對戰既不了
對npc 戰次數好似2隻手數得曬
對玩家既直頭冇

我覺得比較大機會係用《寶可夢傳說》做主題
然後做其他地區嘅傳說
e.g. 豐緣->基拉祈

抖陰傻hi不敢面對

我並非完全否定以前嘅系統，譬如整遺傳技/追求球種對於重度玩家非常之有耐玩度以及有趣，但係我哋冇辦法否認以前嘅系統有以下問題：

1. 大多數人都想Pokemon嘅對戰系統享受樂趣，但係pvp嘅前置條件係育成，但係育成完全側重左喺生蛋嗰度，但係大部份嘅人都唔享受生蛋，換句說話來講，咁好玩嘅對戰系統完全比生蛋系統拖後腿，令推廣有難度

2. Pokemon嘅育成我覺得應該要多元化，係以前嘅系統好明顯生蛋>>>>>>>>>>>>>其他方法，除咗神獸同野生閃光，有幾多人pvp會用自己捉的怪？正正因為呢樣嘢先令到育成系統沉悶而且單一

3. 個體值嘅系統不但令到大部份嘅精靈無法用於pvp，梗係令到自己捉怪嘅系統冇人重視，以前未有皇冠嗰陣時，啲人要刷神獸必須要用大師球，明明系列嘅重點係捉怪系統，反而拖pvp 後腿，所以個體為成個遊戲設計帶嚟好多矛盾

唔能夠否認嘅係今集對戰嘅深度的確唔夠，但係我覺得佢嘅改動正正就係Pokemon系列對於育成系統應該早要有嘅改革

其實有.....TLOU2 D人好慘.....