回坑咗一年實卡俾少少唔專業意見啲新手
1. 手坑(eg. 灰流、增殖G)係萬用既卡,基本上砌咩deck都用得著,因為呢啲泛用料都係UR,所以不妨投資落去先。
2. 而家呢一刻你去抄既deck係base on 而家既實卡環境砌出嚟,有機會同MD既環境有好大出入,唔好盲目跟,揾返喺MD呢個時期既嗰一個實卡deck list去砌,會行少啲冤枉路。
3. MD既禁卡限卡表都唔係跟現環境,有機會你而家合出嚟既野喺未來,當MD跟咗現環境個表既時候會ban咗限咗,所以最好睇一次
現環境既禁卡限卡表先,再去考慮個投資方向。舉個例,現環境既抹殺指名者已經限1,但MD係冇限,呢啲位要小心。
4. 新手用咩deck好,老老實實冇答案,因為個pool太大太多野,你有想玩既主題,花少少時間了解咗點玩點運作先,先至去合成去抽,玩起上嚟會冇咁頭痛。如果你喺了解既過程已經好抗拒覺得好複雜,真係不如del game算,因為而家真係每套deck都咁複雜,過到呢個門檻先去開始,記住打機係求開心。