我好攰好辛苦唔知捱到幾耐…

本身諗住
如果搬左出黎 可以有個改變
咁我就可以繼續同朋友&男朋友過更好既生活
但原來最後佢地選擇離開我…

其實我有識新朋友
但始終都唔係一直陪伴成長 知得最多既人

不過 可能你講得岩 係我未接受到呢樣野

其實有咩身世都已經過去左啦
仲有咩要諗？仲有咩搞到咁大壓力

你最難過嘅日子都係喺屋企發生，而家差唔多畀你捱過咗啦
之後嘅日子會越黎越好

朋友呢樣嘢緣份到就會識到架啦
聚散本來就好平常，每個人身上都會發生

我一直都有自己既興趣
呢排都有玩返
但係突然崩潰就係突然崩潰 我控制唔到

我明既…但最close既已經冇哂…

樓主，你要明白人真係要靠自己
朋友，男朋友，你講1次ok, 兩次ok, 第3次已經會hea應你，之後你再講佢地就會慢慢離開你

你自己唔改變，以後都會係咁，起因係屋企人既，揾朋友夾租，自己搬出去住，搞掂左依樣野，我相信你情緒應該會好好多

之後拍拖之類，就唔洗驚情緒問題而分手收場，當然自己都要努力返工揾錢啦

我核心得兩個 而家冇晒

你做過咩黎搞到咁🤔

最緊要你自己開解返自己
工作唔順利咪轉工
諗太多無益
記住，唔好成日同人呻依樣果樣，無人想聽嫁

估計都係不停散發負能量
朋友講咩都改變唔到，勁負面
多數人都係咁，我當時都中左伏
最後改變左自己心態，將依種負面情緒變做動力，過好d最後，有返朋友

你可能係長時間係唔開心既環境下 情緒上既壓抑太勁 即使宜家搬左出黎 都仲係活係情緒恐懼之下。

我曾經都係咁 時不時就諗不如了斷。

我最後無睇醫生 但每日都安排到自己好忙 無時間諗野 過左一年左右 就發覺自己放鬆左 無再唔開心。

唔開心應該要抒發出黎嘅
應該話唔好太依賴朋友接受負能量，
試下自己消化咗去

唔係因為冇朋友
而係就算搬左出黎
諗住改變自己
同身邊既人過返好d既生活
結果佢地選擇離開我

再加工作唔順利
自己情緒仲比以前既事影響住
好似仲係改變唔到咁

至少好過以前先
慢慢黎啦

如果你屋企人無問你攞錢，其實現在自己一個離開屋企咪更開心。

自由無價，你現在想做乜、想識什麼朋友全部都可以自己選擇，應該開始唸下你自己短、中、長期想過什麼生活。唸一唸將來，向理想那邊唸，自然見到希望，而有希望生活就會正面。老套啲講，明天會更好；感情方面，要相信the best is yet to come。

陰影嘅嘢係需要時間克服，搬咗出嚟住係好嘅開始，加油！

見下counselor 啦
人夾人, 覺得唔啱傾就下個
佢哋唔係單純「開解」你而係有d 方法帶你去新嘅視覺

我都深深感受到呢樣野
而家我最想既係 唔好再比以前既事影響我
可以過返正常既生活

搵多啲自己相信既人傾訴下 但最後靠既都係自己
人地講1000句安慰既說話 都唔及你睇得開既一個想法 比啲時間自己啦

利申以前都有抑鬱症 好明白比情緒控制有幾辛苦

送畀你
每日一句負能量
https://www.google.com.hk/amp/s/kknews.cc/zh-hk/essay/5zbro8l.amp

你唔好諗咁多住先，你而家需要放鬆吓，唔好間唔中又諗吓陣間又諗吓，知道你捱到咁耐唔容易，雖然未試過去到好似你咁嚴重，但最近幾年都多咗類似煩惱。

同埋，有樣野你要令自己接受，果樣就係好極端既負面情緒好易影響親近既人，試諗吓你最親近既人成日都提自殺，幫到幾次，但幫唔到好耐，有時候無咁親近既人可能會更容易理解、明白你難處，所以要首先學識控制情緒先。

有咩野我地都可以盡力幫你