<若你信了我的大話 我就能聽見你的真話>

如無意外 今個星期就會結局喇

有機會梗係吊吊大家癮先

主角話佢好肯定唔係，但係其實佢都唔肯定，咁咪大話？

在線等

67. 重逢

結果是

除了自己快得極不尋常的心跳聲外，我甚麼也聽不到…

一股失望和沮喪之情由內而外進襲我全身，霎時間我有種萬念俱灰的感覺，這亦是我為甚麼之前一直不想求証的原因。

(曉嵐，如果連衣個機會都唔係你，咁我到底幾時先可以搵到你?)


「叔叔?」

「嗯?」很快男孩的聲音讓我重回現實。

「咁你幾時會幫我搵到我親生爸爸? 仲有無咩資訊我需要比你?」

「都無咩喇，或者等我同你媽咪直接見過面啦… 有無機會我可以見到佢同佢傾幾句?」雖然已經沒有動力，不過既然碰巧在澳洲又應承過對方，總不能就這樣食言，所以這委託還是要完成，而入侵Xanthus 媽媽思想這步驟似乎亦無可避免。

「就咁約佢出黎有d難諗藉口，因為佢真係唔會識朋友架… 不過佢聽日慣常會去market，或者我地直接去果度撞佢?」Xanthus皺了一皺眉頭然後提議道。

「都可以嘅，到時我盡力試下啦…」沒心機的我沒多想下便答應了。


之後我們再閒談了一會，不過基本上我都沒怎樣投入對話。最後約定了明天碰面的時間後我們便各自歸家。也許Yanny察覺到我的不尋常，所以她故意陪我走了一段路。

「做咩突然失晒神咁呀?」Yanny關心地問道。

「曾經我期望過佢嘅媽咪就係曉嵐，不過岩岩我發現左唔係…」我失望地說。

「下? 點解你無啦啦會咁覺得? 唔怪得你突然間咁有興趣幫手啦!」Yanny吃了一驚。

由於Yanny早已知道我有能力的秘密，加上我現在確實是需要一個傾訴對像，於是我索性把整個能力的觸發條件以及Alfred告訴我關於這能力的故事全告訴了Yanny。

「所以衣個能力其實係曉嵐傳比你，而佢都曾經有過你嘅bb?」Yanny比剛剛更加震驚。

「無錯，而Xanthus不論年紀，屋企背境，外型都完全吻合我要搵嘅人…」我解釋道。

「咁你點知佢唔係?」Yanny又問道。

於是我又把剛剛的測試告訴了她。

「哦… 唔知點解聽落總係覺得怪怪地咁…會唔會唔準呢?」Yanny想了一想後說道。

「希望越大失望越大，我唔想再失望多次喇，聽日快快手幫Xanthus搵到佢老豆嘅資訊我就返香港喇…」我繼續萬念俱灰地說。

「Come on! 唔好咁灰留多幾日先啦，話唔定有意想不到嘅收穫呢，始終有情報話佢可能係澳洲嘛!」Yanny見我一副死氣沉沉地樣子便嘗試鼓勵我說道。

「你真係樂觀喎… 仲可以有咩收獲? 澳洲咁大我都唔知仲可以點搵… by the way，同我講咁多野你真係唔驚咩?」我轉了轉話題。

「算啦，反正都比你讀過心，而且我d秘密你都知道晒咯… 咦，咪住… 你讀過我心，即係你識我第一日已經講過大話呃我? 」Yanny說了一半後突然想起了甚麼然後一臉生氣地說。

「係呀… 當時好奇你到底發生過咩事，咪求其講左個無關痛癢嘅大話囉… Sorry，我其實平時真係好少會咁，可能直覺話我聽你係一個好有故事嘅人啦，結果亦都証明我係無錯…」我略帶歉意地說。

「咁我係應該開心定唔開心? 唉，不過算啦，諗返如果唔係你當日知道左我嘅故仔，我又未必會知道返你嘅故仔，更加唔會有衣家嘅故仔，所以有d野都係整定嘅…」Yanny略帶感觸地說。

「哈哈，果然豁達~唔再嬲我就好喇… 係呢，咁你衣家同郭靖點呀?」想起了我之前也是因為這”整定”的故事幫她和郭靖解開了心結於是問道。

「幾好呀，好朋友，屋企人咁囉~」Yanny笑著說。

「咁就好… 係喎，前晚都唔記得講，我上次見完你返去香港後，我都有搵返李乘風。」

「佢…幾好嗎?」一聽到李乘風這三個字，Yanny明顯被觸動到。

「佢好好，好幸福，你嘅犧牲絕對無白費，而我地都做返好兄弟喇~」我露出了一個微笑說道。

「咁就好喇~」Yanny露出一個滿足但又有點唏噓寂寞的笑容，不過我知這是她真心會想聽到的消息。


第二天，我在約定的時間到了市集。

Xanthus昨天說和她一起的便是她的母親，於是我開始了搜索工作。幸好那時人流不算多，在找了一會後不久我便找到了Xanthus的身影，他正背向著我站在一個蔬果檔前。他旁邊有一位中年女子正在細心挑選水果，而Xanthus則左顧右盼，應該是正努力地尋找著我。

很快Xanthus找到了我的踪影並向我輕輕指了指身旁的女性，不過他的動作並沒有逃過身旁那位女性的法眼。

「你同邊個打招呼?」她覺得奇怪然後便順著Xanthus的眼神輕輕地把臉轉向了我的方向。

當我和她的眼神互相觸碰的時候，世間的時間彷彿都停止了。那熟悉的眼睛和臉容跟十多年前看似並無分別，只是風霜無情地在她的臉上留下了痕跡，但我還是立刻認出了她...

「天...樂/ 曉...嵐?」我們同時叫出了對方的名字。

十多年內一直尋找的人突然間出現在自己面前，我一時反應不過來，雙腳彷佛像生了根一樣只能企在原地。直至不知過了多久當我看見對方轉身想逃走，本能反應才軀使我打開步伐邁步向前衝向對方的位置，因為我知我不能再承受她從我的生命中逃脫。

「唔好走! 求下你唔好走...」追逐了數個街口，好不容易一向有運動的我終於追上她並捉住了她。

「我知你擔心D咩... 如果你真係驚，我可以以後唔再講野，或者你可以唔再信我講嘅任何野... 我只係希望你可以唔好再消失...」然後我跪了下來，哭著向她發出我卑微的哀求。

事實上自從知道了背後的原因，我一直有思考解決方法，而最直接有效的方法便是我不再說話，那曉嵐便不用擔心我能讀取她的思想。

若能夠尋回她，要我做啞巴又有甚麼所謂?就算我不能說話，但只少我還是能聽見她的聲音。

「天樂...對唔住...」看見我喊得聲嘶力竭，曉嵐沒有再掙扎，而是反身回抱了我。

之後會有解釋，放心~

等到了~

睇到互相叫大家嗰個位個心好似好大力跳左下咁

成個故事重心等嘅就係衣個moment... 我其實知自己文筆差寫得唔夠好

唔一定要文筆好先觸動到人心

但係跳完之後又好想睇埋

推推～
男豬呢刻算係一個漫長旅途嘅終結了
Feel到男豬心很累

68. 十六年後的對話

冷靜過後，我們叫一臉不解的Xanthus先行回家然後便到了一間cafe坐了下來。不過不知是不是大家都有太多話想說但又不知從何說起，結果反而變成了相對無言。

「你…幾好嗎? 」不忍再沉寂下去，我胡亂地問了一句。

「嗯… 你呢? 」

「我知你可能會擔心我講大話，不如我講個故事你聽? 」這亦是我想了很久的其中一個方法，因為故事並不存在謊言與否，那曉嵐便不用擔心我騙她然後聽到她的心聲。


「有個男仔細個嘅時候一直都好百厭，從來無同咩女仔做過朋友。小四嘅時候因一次意外嘅摸胸事件，佢意外得罪左個大魔女，二人從此成為左世仇。

但或者上天都想睇戲啦，之後班主任咁岩將佢地編埋左一齊坐，自此二人日日返學唔係鬥氣就係不斷整蠱大家，兩個人鬥得不亦樂乎。

不過之後因為一件事，二人關係降到去冰點，大家都唔再理睬大家，直至一年後一個契機同偶遇，佢地解開左心結，從此化敵為友。

到到升上中學，命運再一次將佢地牽引係一齊成為左大家嘅鄰坐，自此，二人更加成為左無所不談嘅好朋友，佢地會傾電話，會一齊放學，會互相交待去向，成為左對方不可或決嘅存在。直至中三果年，個女仔首次遇上左鍾意嘅人，仲係男仔嘅幫助下好快同佢一齊左。但亦因為咁，女仔因為避忌開始疏遠左個男仔。

其實由女仔同第二個拍拖開始，男仔就意識到自己原來鍾意左個女仔，不過既然人地已經名花有主，為左令自己唔再亂諗，男仔決定自己都要搵返個女朋友。

過左段時間女仔比男朋友拋棄左後佢又搵返男仔然後佢地又做返好朋友，而男仔亦因為咁同女朋友都分左手，直至女仔有新男朋友出現後佢又會搵新女朋友，到女仔同男朋友分手佢又會同自己女朋友分手。

衣個循環一直去到佢地中六，女仔突然間唔再搵男朋友，男仔亦因而同女仔過左佢最開心嘅一段日子，佢地日日一齊溫書，考DSE，再一齊入到大學。

然後有一晚，佢地因為飲醉而發生左關係。

正當男仔以為佢地嘅關係終於可以改變，自己終於有望可以坐上女仔身邊唯一果個寶座時，個女仔卻突然不辭而別，憑空消失左...

男仔傷心欲絕，佢好想知道點解，點解個女仔要就咁扔低佢，然後佢發覺自己多左一種超能力，一種可以聽到別人心聲嘅能力。佢以為或者係上天可憐佢，所以比左衣種能力佢好等佢可以搵到答案。

不過男仔連女仔去左邊都唔知，又點讀佢心?然後有日佢突然靈機一觸醒起女仔曾經話過自己完全唔了解女人諗乜，佢就開始諗，如果自己可以了解女人多d，或者佢就可以知道女仔點解當日要不辭而別。

於是佢用衣種能力識左好多女仔，亦過左好任性嘅幾年。係衣幾年，佢了解多左女性好多，亦終於發現自己原來之前其實一直都唔了解個女仔，終於明白點解咁多年都唔可以同個女仔更進一步，不過醒悟已經太遲…

之後男仔開始慢慢厭倦左衣種生活，然後係畢業出黎做野後有日，佢突然諗到其實自己可以用衣種能力去幫人尋找真相，佢有種直覺係佢幫人搵真相嘅同時，有日佢都會幫自己搵到真相。

就係咁，佢接受左一個又一個嘅委託，見証住一個又一個嘅故事，然後十年歲月咁就過左去。之後，佢終於從一個委託中，知道左女仔當年經歷左d咩，自己能力嘅由來，仲知道原來果晚後女仔有左自己嘅bb，亦因為咁猜想到女仔當年突然消失嘅原因…

不過最重要嘅資訊- 個女仔到底身處何方，佢始終係一無所獲... 直至有日，因為要幫個舊朋友完成遺願，佢黎左澳洲，然後收到個年青人話想搵老豆嘅委託，跟住佢發現衣個年青人嘅媽咪，原來就係佢搵左16年嘅果個女仔，亦代表而衣個年青人係佢自己嘅親生骨肉...」一口氣說完整個故事，到最後當我說到終於找到個女仔時，我再次忍不住自己的眼淚，哭得泣不成聲。


「天樂… 對唔住… 我無諗過咁多年我對你嘅影響都仲係咁大… 我真係好自私…」看見以前從不會哭的我在她面前哭成淚人，曉嵐亦開始眼濕濕然後說道。

「我知我欠你一個解釋… 其實當年，一次意外我唔小心有左Alfred嘅BB，當時我好驚，亦唔覺得自己ready做媽咪，更加想像唔到我媽咪知道左我有左bb會有幾咁傷心同憤怒，所以最後我都忍痛落左個bb… 本身以為衣件事可以就咁完結，但點知過左一段時間後，我發現我有時好似可以聽到人地個心諗咩...

其實可能因為媽咪嘅原故，我細細個已經好介意人地點睇我，加上之後爹哋媽咪離婚，拍幾次拖又都失戀收場，所以我個人亦變得越黎越無安全感，不時都會講大話去保護自己。然後慢慢我發現原來只要人地信左我個大話，我就可以聽到對方個心諗咩。有左衣個能力，我可以知道任何人諗乜野，然後我先發現原來衣個世界d人係有幾咁虛偽同自私...

你記唔記得我第一個男朋友楊凱鋒同我分左手後好快同我另一個friend Fanny一齊左? 果陣佢一直堅稱係我地分左手後佢地先有野然後一齊，我雖然懷疑但因為當時Fanny係我one of the best friend所以我都逼自己去相信。而當我有左衣個能力後，我就專登去查返然後發現左當日嘅真相。原來係我同楊凱鋒一齊果陣，Fanny 已經成日借故痴去楊凱鋒度，主動投懷送抱，而最令我傷心係原來果陣佢一直係楊凱峰身邊不斷咁講我壞話中傷我… 因為佢同我friend又故意講得好隱晦，所以楊凱峰好信佢講關於我嘅野﹐而最後佢都得嘗所願令楊凱峰飛左我然後同佢一齊…

果刻我真係覺得好噁心，自己同佢之後竟然仲做左咁耐好姊妹，諗起佢果陣仲扮晒關心我話會一直陪住我我就想嘔… 然後我又發現原來自己身邊其他嘅朋友平時好似好鍾意你同你好friend咁，但心入面其實都可以不停咁鬧你，背後係咁講你是非數你不是…就連當時Alfred亦一樣，表面上話愛我會同我一齊承擔，但原來佢根本無諗過我地個bb，只係驚我要逼佢負責任，之後仲偷偷地同第二個女仔flirt黎flirt去...

越發現得多衣d事，我就越灰心同無安全感，越更加難相信人，結果就越黎越依賴衣個能力，發現左更多不堪嘅事實，然後完全陷入左一個惡性循環... 最後除左你同媽咪，基本上我已經唔想再同任何其他人溝通...」

「你媽咪我理解，點解我都係例外?」這時我哭聲漸止然後插嘴問道。

「其實好神奇，世界實在有太多謊言，有左能力後我基本上都唔會再信任何人講嘅野。有幾次其實我都想偷聽下你個心到底諗緊咩有無野係呃我，但次次話到嘴邊我最後都係講唔出大話去呃你…

可能我覺得一旦我咁去試你，就算最後無事我都會覺得我地嘅友情會變得唔一樣，會多左層隔膜，因為我曾經唔信你… 又可能係如果我發現連你都係咁假，我驚我會崩潰完全接受唔到。又或者可能只係好單純咁我唔想去呃你...

所以我從未對你用過衣個能力，就算係果晚你講你係例外，我本身想對你講大話去聽下你係真定假，但最後我都係制止左自己咁做，因為你係我唯一仲可以相信嘅人，我唔想連你都無埋…當然我諗我心底入面係真係相信自己可以相信你。

無錯天樂你以前其實真係好唔了解女人，永遠都唔會知女人想要同需要d咩，所以我地一直都係朋友關係。直至果晚，一來因為酒精影響，二來我都開始覺得或者一個真心對自己好嘅人比了解自己嘅人更重要，所以一時情迷意亂之下同你發生左關係…

到第二朝醒來發現你訓左係我側邊，果刻我個心好亂，一來我唔知自己對你嘅感情係咪真係愛情，二來我唔知自己係咪真係可以完全信任你，三來我驚唔work果陣我會連你衣個唯一嘅朋友都無埋，所以我第一個諗法係大家可唔可以當衣件事無發生過，繼續保持返我地一直嘅關係… 但當見到你果刻一臉失望嘅樣子我個心又突然有d痛唔忍心去傷害你，所以我需要d時間好好冷靜下諗清楚自己想點…

諗左幾日後，本身我決定左無論自己幾唔想都好，我都係要讀你一次心我先有可能去作到決定，點知衣個時候Alfred突然黎搵我，同我講左個能力嘅由來，然後無耐我仲發現自己原來已經無左衣個能力... 果刻我諗如果Alfred講嘅野係真嘅話，咁代表我已經將衣個能力傳左比你嘅同時，我亦有左你嘅bb…

霎時間，我好驚... 但今次我唔係驚有左bb，而係驚你有左衣個能力。如果你知道左我真實嘅一面，知道晒我嘅全部同過去，你會點? 你會唔會好失望? 仲會唔會鍾意我，想同我一齊? 我唔想比你知道我嘅真實一面，我好驚我係你心目中嘅形象會徹底崩壞... 而且本身就無安全感嘅我一定會成日好驚你呃我，以後你講嘅所有野我都唔會信，咁我地以後仲點相處? 最後大家只會辛苦到連朋友都做唔到...

我接受唔到衣個結局，我希望我係你心目中永遠都係特別，我唔知自己應該點做，所以當我知道自己真係有左bb，知道Alfred講嘅所有野都係真後，我選擇左逃避，我求媽咪帶我走，唔比任何機會你再見到我解讀我，所以我地好快就黎左澳洲...

因為個bb係你，我從來無諗過唔要佢，事實上咁多年黎好彩有佢一直陪住我﹐除左因為照顧佢令我唔會有太多時間去諗其他野，仲有就係有佢就好似有你係我身邊咁...

其實失去左能力後，對於唔可以再知道其他人諗咩，我係變得更加不安同無安全感… 我害怕同人相處，交心，所以我繼續封閉自己。如果唔係仲有Xanthus同埋媽咪，我估我根本唔會捱得住，甚至可能已經有左精神病...

天樂，衣十幾年其實我好多時都好矛盾，一方面我害怕你會唔死心放唔低我一直搵我，但另一方面我又希望你會繼續搵我然後搵到我... 完全失去你後我先知自己會有幾掛住你，但我真係唔知可以點去面對你亦無勇氣去搵返你...」曉嵐這時亦同時哭成淚人。

69. 曉嵐的難題

「我明白… 聽到你最後有咁嘅諗法我已經好開心… 你知唔知呀，由當年我突然再搵唔到你開始，我就好驚你會從此係我嘅世界消失，以後都唔會再見到你… 所以衣家可以見得返你，知你一切安好我已經好滿足，只係希望你唔好再突然消失，我真係再承受唔起衣個打擊架喇… 」不想二人再繼續哭下去，我嘗試安慰道。

「過左咁耐都比你搵到，我都唔好意思再次消失啦…」曉嵐邊哭邊笑道。

「唔知邊個岩岩一見到我就即刻想走左去呢?」她的說話讓我忍不住想揶揄她一番。

「岩岩點同啫! 未正式溝通返都唔算見返啦!」被踢爆後曉嵐立刻有點惱羞成怒。

「你話唔算咪唔算囉… 好彩我跑得快追到你啫~」我帶點不屑說道。

「車~ 果度人多阻住晒咋!」

短短數句，已足夠讓我們都回想起以前二人常常鬥嘴的感覺和回憶，各自露出懷緬的神情，大家都笑而不語。



「其實如果你擔心會比我聽到你諗咩，我真係可以以後都唔出聲，只係求你比我可以繼續係你身邊陪住你…」過了一會，我回復認真mode說。

「傻瓜… 過左十幾年你都未放棄，我仲邊有可能咁自私? 而且都十幾年啦，好多野仲睇唔化咩…我d黑歷史你衣家都知道晒啦，如果你真係因為知道左我係咩人後唔再理我，咁我都無辦法… 最多咪繼續好似衣十幾年咁過囉~」曉嵐一副無所謂的樣子說。

「唔會啦，你仲有咩係我唔了解? 咁多年我都無諗過要放棄你… 而且由第一日開始我就無可能為左想知你諗咩而講大話呃你，正如你都講你講唔到大話呃我一樣…」

「其實經過衣十幾年我都好明白，自己根本無辦法再信其他人，如果連你都唔可以信，我就注定只可以孤獨一世。」曉嵐帶著點陰沉說道。

「咁如果衣十幾年可以令你終於意識到我嘅重要性，又好似唔係完全唔值喎~」為了舒緩現場傷感的氣氛，我又說笑道。

「低B! 睇黎咁多年你都無咩點變喎…」果然曉嵐立刻破涕為笑。

「我仲係咁fit，但你就變左好多喇… 真係成個師奶咁~」

「邊有呀! 最多咪肥左少少! 而且仲好講，唔係為你生左Xanthus我駛攪到咁!」曉嵐裝作生氣地道。

雖然現在氣氛開心回不少，不過曉嵐的話亦提醒了我一件事。

「衣十幾年黎，辛苦你喇… 係呢， Xanthus 佢點樣? 乖唔乖?」始終十幾年沒有盡過父親的責任，我帶點口吃地問道。

「你話呢? 佢係你個仔… 邊有可能乖?」不過嘴裏雖然是這樣說，但我從曉嵐的笑容中卻只是看見了母親的溫柔。

「咁又係… 不過就算似你都唔見得會好乖呀~」我又繼續說笑道。

「都係… 比起似我，似你一定更好… 至少唔會好似我咁信唔到人…」不過這卻反而讓曉嵐有感而發起來。

「嵐… 16年喇，咁你可以比差我個答案我未?」看見她這樣，我忍不住把手搭上她的手背上然後問道。我感覺到她整個人震了一震，但卻沒有把自己的手移開。

「雖然對於衣家信唔到其他人又有左你個仔嘅我，我知如果我要拍拖，除左你好似都真係無咩可能有其他人選，但… 咁都唔代表我真係要同你一齊架喎… 因為我仲有一個option就係唔拍拖繼續保持單身~」曉嵐笑著說。

「嵐…」這答案讓我十分失望。

「唔好咁心急，你聽埋我講先… 除非你可以令我對愛情有返信心，同埋幫我搵出一個我一直唔敢揭開嘅答案。咁我或者可以考慮下接受你?」看見我一臉失望曉嵐又續說。

「係咩答案?」我雙眼立刻有回神彩然後好奇問道。

「天樂，你話你一直有接受唔同人嘅委託幫人搵出真相，咁可唔可以都接受我嘅委託?」

「當然可以，係咩事?」

「我想知當年我嗲哋媽咪離婚嘅真實原因。一日唔知，我一日都好難有信心再去信衣樣野…」

我知曉嵐父母離婚這件事對曉嵐確生產生了很大影響，但我不知原來她到現在對當中的原因還留有這個心結。

「你當年有衣個能力果陣無去查証?」我問。

「我有諗過但我唔敢… 而且我唔想因為咁而要講大話呃佢地…」

「咁你衣家唔驚個真相唔係你可以接受到?」我再問。

「驚，但見返你後我就知我需要行出衣一步…」曉嵐堅定地說。

「好…但我幫人搵真相一般都要收報酬架喎。」我裝作為難說道。

「徐天樂，你好意思收我!? 咁你想要咩報酬呀?」曉嵐露出一副生氣的樣子。

「嫁比我。」

曉嵐聽到後整塊臉迅間變得通紅，不過很快便回復過來。

「等你查到我再考慮下啦~ 不過其實你唔查都無所謂架，我仲可以連考慮都慳返~」還抓到了我的痛點。

「對唔住係我錯，查查查一定查~」這樣多年還沒有變的，是我最後仍然會是落敗服軟的一方。

不過這時我心裏已經隱約有個直覺，這很可能會是我最後的一個委託。



但在正式展開調查之前，我要先解決另一個疑惑。

「Alfred，我想問下你衣個能力會唔會有失靈嘅時候?」我打了個長途電話給Alfred問道。

「就我所知應該唔會有。」

「但我今日試過失靈喎…」

「咁奇怪?講件事黎聽下?」

「話說我今日懷疑見到自己同曉嵐個仔，我諗住測試下佢係咪真係我個仔，於是就同佢講我肯定唔係佢阿爸。如果我係佢阿爸，咁衣個就係大話，我之後應該聽到佢個心諗咩。如果唔係，咁衣個就唔係大話，咁我就應該聽唔到佢諗咩。結果最後我咩都聽唔到，但後來証實左佢真係我同曉嵐個仔…」我疑惑地問道。

「你終於搵到曉嵐? 恭喜喎! 佢幾好嗎?」Alfred開心地問道。

「佢都算幾好掛，至少身體健康嘅…」事實上我都不知曉嵐這十多年的情況算不算是好。

「嗯… 不過就算唔好，有你係返佢身邊我相信都會越黎越好。」Alfred續安慰道。

「多謝… 我都希望係。」

「答返你個問題先，其實你衣個測試方法係唔會work架喎。你知唔知大話同埋假消息嘅分別? 大話係你知道係假嘅說話，如果你自己都唔知真定假，就算佢最後真係錯嘅資訊，都唔會叫大話，而係fake news。所以你一開始個前設就已經唔岩啦。衣個能力唔係用黎比你測試d野係真定假架…」Alfred沒好氣地解釋。

「你又講得幾有道理喎，果陣霎時間我都真係未諗清楚…」聽完Alfred的解釋我有種如夢初醒的感覺。

「不過諗諗下，反而你初初講肯定自己唔係佢老豆，但事實上你本身並唔肯定，咁衣個就真係可以當大話喇。但如果係咁，佢真係你個仔其實你反而會咩都聽唔到。」Alfred又補充道。

「點解?」我不明白。

「因為佢係曉嵐傳個能力比你果陣嘅媒體，所以佢會有免疫力，你係對唔到佢使用衣個能力。仲有，如果第日你再將個能力傳左比你地第二個仔，佢亦唔可以聽得到你同曉嵐個心諗咩。我估衣個可能係祭司當年對國王嘅保護，因為王子如果心術不正又聽到國王諗咩，國王可能會有危險。」

「咁複雜嘅…」聽完後我更加頭大。

「簡單D講，只要係牽涉到上一代下一代嘅關係，都會互相免疫，即係父母聽唔到仔女諗咩，仔女都唔會聽到父母諗咩，咁會唔會易明D?」Alfred嘗試用較簡單的方法解釋。

「即刻明白晒… 好彩我初初就算聽唔到都無放棄啫，唔係就會miss左衣次好可能係唯一嘅機會…」我衷心慶幸自己有堅持順守承諾完成了這個委託。這時我突然想起了思凝。

也許其實我最應該多謝的，是這個只是短暫地在我生命中出現過，卻又愛我愛得最純真，最義無反顧的一個過客。就連她去世，都仍然願意把祝福帶給我。若不是她，我不會再次踏足澳洲，更不會機緣巧合下接受了Xanthus的委託然後尋回曉嵐。

(思凝，多謝你.. 遇上我係你嘅不幸，但遇上你卻絕對係我嘅幸運....)


「有d野都係天意黎嘅，上天比得衣次機會你，記住要好好珍惜，唔好比佢溜走呀。好好地對曉嵐啦，當年係我對佢唔住…」Alfred帶著點內疚說道。

「放心，我會。」我很有信心答道。

疑團解開，亦知道了更多關於這個能力的資訊，我終於開始了我人生最後一個委託調查。只是我沒想過這事實的真相，竟又是超出了我預期，亦讓我猶豫著要不要真的把真相告訴曉嵐。

今日加更係因為樓主好嬲，亦知道好多香港人應該都好嬲...
希望加篇更可以令大家係憤怒同無奈嘅心情下能夠得到少少安慰...

70. 母親的故事(上)

其實要調查曉嵐父母離婚的真相並不容易，因為要調查便必需要和她的父母見面交談，而我相信世界上任何父母對於未結婚便攪大了自己女兒肚子的經手人都難以表示歡迎，更勿論我是在還沒進大學便攪大了曉嵐的肚子還害她們要遠走他方…

不過若要和曉嵐一起，這難關昰必需要跨過，沒有逃避的空間，所以之後我還是厚著臉皮登門造訪了曉嵐的母親。

「其實當年你係點同你阿媽講我地件事?」在出發前我問曉嵐。

「當年我梗係無即刻同佢講我有左你bb啦，唔係我估佢唔會比我離開香港然後即刻去搵你算帳~

不過有d野其實都係整定嘅，自從我父母離左婚後，我媽咪一直都想離開香港，仲一早做好晒功課，係為左我先繼續留係度。所以當我喊住咁同佢講我係香港好唔開心，好想離開香港，佢好快就決定左支持我。加上佢咁岩去完澳洲工幹，有果邊d同事幫手，所以好快我地就過左去果邊。然後等所有野都settle好，我見開始暪唔住先主動同佢講我有左bb…

佢當時好激動，係咁問我係咪因為咁所以離開香港，又逼我講bb個爸爸係邊個… 我唔想呃佢，亦諗過將來我地可能有團聚嘅一日，所以我照直講左比佢聽經手人係你… 不過我都有講唔關你事，而且你根本唔知我有左bb，唔係你一定會負責任唔會比我走… 果陣我咁走左去我知你已經一定好唔開心好內疚，我唔想你再為我要背負衣個罵名…

不過佢當時當然仍然好嬲，真係差d想返香港殺左你架，又係咁鬧我蠢…好彩最後我跪係度苦苦哀求佢由我，同埋同佢講就算搵返你都無用，一來我唔想返香港，二來講你知亦只會毀左你嘅人生，佢最後先肯順我意… 之後我地都好少再講起你，所以其實我都唔知佢衣家仲有無嬲你架…」曉嵐一口氣說道。

「嗯… 我都絕對想像到佢當時會有幾嬲… 不過衣關點都要過架喇，唯有用誠意希望佢會原諒我啦… 始終就算我唔知，但果個年紀就攪大左你個肚點都係我唔岩…」我知怎樣我也有不能推卸的責任。

「咁你加油自己入去啦，我周圍行下避下先~」


曉嵐把我帶到她家的門口，露出一個幸災樂禍的笑容後便揚長而去。而我在深呼吸了一口氣後亦鼓起了勇氣按下門鈴。

「天樂?」曉嵐母親打開門看見我後一臉驚訝。

「Auntie你好呀… 我係黎負荊請罪架…」我苦笑著說明我的來意。

「入黎先講啦。」從驚訝中醒悟過來，曉嵐母親換了一張黑臉說完便回身走回屋內。

「點呀，有咩想同我講呀?」入了屋我們各自坐下後曉嵐母親繼續面黑黑地對我問道。

「我知我做嘅野係好難要你原諒我… 不過我都想講比你聽其實衣十幾年黎我從來無放棄過搵曉嵐，而我亦係好近期先知佢原來有左我bb… 我知我衣家講咩都補償唔返我之前嘅錯，但既然個天比我搵得返佢，我以為一定會好好對佢同Xanthus，好好咁彌補返衣十幾年黎我嘅失職，亦唔會再比曉嵐傷心同消失。所以我好希望Auntie你可以原諒我，比次機會我!」我望著曉嵐媽媽誠懇地把我剛預備好的台辭一次過說出來。

曉嵐母親沒有回應，只是一直望著我的雙眼，良久，她才終於嘆了一口氣說:

「唉… 天樂，如果衣家係十幾年前，我一定唔會比你入黎衣間屋… 不過都過左咁耐，我啖氣都下左亦睇化左好多野喇… 我唔知你同嵐嵐之間當年發生左咩事佢寧願帶住個bb走都要係你面前消失，但衣十幾年黎我見佢其實過得並唔開心…

佢除左我同Xanthus，朋友都無個，我知佢係好寂寞，所以我都唔想再問或者追究當年你地之間發生左咩事喇。而佢比得你黎衣度，我相信你地嘅問題應該已經解決。我只係希望你以後可以好好係佢身邊陪住佢，等佢可以多個人陪伴多個人依靠，唔駛再自己一個咁寂寞…

Auntie老喇，Xanthus亦遲早會拍拖結婚，我地無可能一世都係佢身邊，天樂， Auntie都算睇住你大，知你心地唔差，亦知你真係著緊嵐嵐，所以Auntie衣家只係問你，有無決心代替我地做好衣個角色，一直陪住佢留係佢身邊?」

「Auntie你放心啦，可以長伴係曉嵐身邊一直係我嘅夢想，咁多年都從未改變過。只要佢願意，唔好再突然消失，我就會一直係度，以後都會好好照顧佢唔再會再比佢自己一個封閉自己架喇。」我堅定地說道。

「咁我就放心喇…」曉嵐母親如釋重負地笑著說道。

「所以如果佢之後再偷偷地走左去，你一定要話我知佢去左邊呀~」為了避免悲劇再度發生，我又笑著向Auntie要求道。

「只要你係真心對我個女，Auntie以後做你內應又點話呀~」

沒想過這件事這樣意外地順利解決，我把握著機會想去幫曉嵐解決她的心結。

「多謝你肯原諒我呀Auntie。不過其實曉嵐仲有個心結未解，而一日未解開，佢一日都唔敢再同任何人行前一步…」

「咩心結?」Auntie好奇問道。

「佢好想知當年你同Uncle點解要離婚。」我直接說道。

「哦，原來係衣件事… 我真係唔知原來都過左咁多年佢仲為緊衣件事耿耿於懷…」Auntie有點意外又有點心煩地說。

「我都無諗過… 佢仲講到明如果衣件事解唔開，佢就唔會肯同我一齊呀…」我裝出一副楚楚可憐的樣子。

「衣個傻女… 唉… 天樂，你有無曾經試過做錯事?」Auntie嘆氣了一聲後突然問道。

「錯事? 我好似成日都做架喎… 睇下係咩錯事啦~」我有點難為情答道。

「係喎，Auntie唔醒起你以前都係出名反叛嘅學生添。諗返起其實都應該係你教壞曉嵐，攪到佢越大個越唔聽話…」Auntie回想起以前的事好像有點點生氣。

「但中學果段時間我肯定因為我所以佢過得開心左…」我為自己辯護了一下。

「咁都係嘅… 其實錯，人人都會犯，爭在係可唔可以被原諒啫。我唔知講左比你地知會唔會反而害左你地，不過你可以聽完Auntie個故仔後再自己決定點同曉嵐講。衣個故仔，其實我都從來無同人講過…」

於是接著的時間，我就陪Auntie回顧了一回她的前半生。



原來Auntie是在一個單親家庭長大，因為父親見異思遷，在Auntie很小的時候他便和Auntie母親離婚然後和另一個女人去了新加坡生活，所以Auntie一直都是和她母親相依為命，而父親則每半年左右都會回來看一看她。

很多人可能會因而憎恨自己父親，不過Auntie卻是例外。她並沒有生自己的父親氣，而只是單純覺得男人出軌，有第二個，玩女人是很正常的事，愛情從來就沒有天長地久。上到中學後，因寂寞很快她便經歷了自己的初戀，亦很快失去了自己的第一次。來來回回換過五六次畫，轉眼間便升上了大學。

在大學宿舍，她認識了她的前夫，亦即是曉嵐的爸爸。初時其實她對曉嵐爸爸並不是特別有感覺，不過反正想有人陪又對對方不反感便答應了成為對方的女朋友。誰知這一起，卻竟又無風無浪不自覺間便一直在一起再沒有分開。

到到大學畢業，Auntie因不慣回到家裏和母親以及母親的新歡同住，於是想自己租屋搬出來。但由於剛畢業人工不高，曉嵐爸爸又不想Auntie住的環境太細太惡劣，便索性用各自的積蓄再問父母借了部份首期和她一起買了個細單位開始了同居的生活。

從小養成的愛情觀，讓Auntie一直都覺得除非有小朋友，不然自己並不會結婚，因為她覺得這個承諾或是束縛根本就沒有任何意思。男人要出軌，無論結不結婚都一樣會出，而要分開的關係無論有沒有結婚亦一樣會離開。事實上在同居了一段時間後，她亦知道曉嵐爸爸出面其實一直有其他女人。

得到証實是因為有一次，曉嵐爸爸邀請了他的朋友上家開party。到到中後段，大家都飲飽食醉，而Auntie亦已躺在梳化上像睡著了一樣。由於曉嵐爸爸以為Auntie已經睡著了，加上自己又不算太清醒，於是竟和旁邊的兄弟談論起他自己出面的女人。只是他並沒發現當自己說得興高彩烈的時候，一滴眼淚卻俏俏從Auntie的眼角中流出。

不過縱使如此，Auntie從沒想過和曉嵐爸爸分手，因為她覺得世界上所有男人都是這樣，就算找第二個，結果其實都只會一樣。而且和對方一起了那麼久，早已經適應了一切，她不想再重新認識和適應另一個人，所以只要他還care自己，懂得回家，那她便覺沒有問題了。

她本來以為自己的人生很可能就這樣平平靜靜地渡過，不過在她們同居了大概兩年後，一個人的出現卻讓這一切出現了微妙的變化。

Live jor
好心急好想睇

好似仲差四個正評加更
唔知完前有無機會呢

差3個！

一睇突然就突破左40！
多謝大家支持

已經定好今日夜d出兩更
明天大結局！

支持