<若你信了我的大話 我就能聽見你的真話>

今日出左20正評加更~

不過要戴定頭盔，黎緊未必可以keep到一日兩篇，但至少會有一篇，希望大家繼續支持!

幾日live咗，雖然大多都係感情小故事不過樓主嘅心理描寫真係好正

有兩個設定問題想問下: 主角開能力睇到嘅畫面係當事人嘅主觀記憶定係客觀事實 同埋主角除咗幫人之外仲有冇正職呢

多謝你讚賞先

第一個問題- 主角係睇到當事人嘅主觀記憶。而我都唔怕講，衣個設定係會有佢嘅問題存在，好快主角會陸陸續續開始遇到d問題。

第二個問題-主角個正職係sales呀，最新衣兩篇講嘅就係佢嘅正職，而衣份工嘅好處就係夠自由，只要跑到數就隨時可以走左去。

黎緊故事雖然都繼續係由唔同嘅小故事組成，但由於主角故事嘅時間軸已經慢慢追到現在式，所以大家可以預見黎緊主軸故事都會開始步入高潮位

45. 性交轉運?(下)

原來當Ivan收到offer後立刻便告訴了Alice，而自此她對他的態度就突然產生了180度的變化。那時Alice已經被要求離開了公司，而當她聽到Ivan亦會辭職後，竟立刻主動約Ivan吃飯，然後去了看電影，在戲院裏他們更直接拖了手和打了不知多少個茄輪。

當晚仍仿似身在夢中的Ivan回到家後，Alice再認真地和他談了一段時間，因為冷靜下來便會發現二人其實需要面對很多難題。首先二人的關係現階段不可能公開，二來就算只是單純出街，Ivan又是否真的能不介意別人的目光? 和Jerry的經驗已經讓Alice明白這些問題對對方並不容易，而Ivan比起當時的Jerry更要面對多一個問題，就是他們二人之間年紀上的明顯差距。而且Alice現在亦不再像那時只是三十多歲的阿姨，而已經是四十多歲的阿嬸了。她希望二人開始前Ivan能想清楚。

不過那刻的Ivan當然甚麼也說不介意，事實上其實他心裏都知道這段關係不可能會永久，只是看看大家能互相陪伴大家多久罷了，不過嘴上當然不會這樣說。結果在得到Ivan的肯定後第二天Alice更主動挑撥Ivan再進一步。

Alice:「晚飯食飽了嗎?」

Ivan:「很飽呀。」

Alice:「咁仲想唔想食我呀?」

Ivan:「你嘅話飽死都想食啦~」

Alice:「咁仲等咩呀?比你食啦~」

望著這message，Ivan簡直不敢相信自己的眼睛，以為自己還身處在夢境。而當他一從夢境醒來當然是馬上上網訂酒店。

結果第二天，二人一起到了酒店。由於Ivan太久沒有造過愛，動作十分生硬，不過Alice似乎十分滿意這樣的Ivan，然後便像教小朋友般認真引導他進入自己。

「你試下入左黎先… 然後慢慢前後咁旭… 嗯.. 係喇… 嗯… 慢慢可以試下快D… Yes…」

望著自己朝思暮想，不知已在腦海中幻想過多少次對方苗條的胴體以及她那修長的雙腿，再想起那曾經高高在上頤指氣使的上司現正在自己跨下承歡發出陣陣銷魂的哼音，Ivan很快便來了感覺然後射了出來…

不過年輕便是本錢，Ivan後快又回復過來然後二人在酒店激戰了一整天，亦正式成為了大家的secret lover。

接著，Alice為了方便二人幽會，更直接包了酒店一個月，然後二人差不多每天都在酒店鬼混。

「唔怪得成日唔見你係公司啦…」這時我終於明白Ivan這段時間消失了的真正原因。

「咁做衣行本身就唔駛成日係公司架啦，而且都等緊離職咯，唔係仲幫公司跑數呀? 唔係真係個客係咁催我張quotation我今日都唔返黎呀…」Ivan帶著點不屑說道。

這刻我突然覺得Ivan有點變了，整個人都多了一份自信。

「咁又係… 咁你知唔知點解佢對你會突然完全唔同晒?」我問出另一個好奇的問題。

「嗯… 其實都係緣份黎嘅，或者真係要多謝個天啦。」

二人已經發生了最親密的關係，Alice慢慢亦把自己的過去都告訴了Ivan，包括丈夫和Jerry的往事。而原來Jerry之所以辭職，是他太太逼他的。之前他太太因前夫出軌，所以她就算和對方有了個女兒仍決定要與對方離婚。而當她和Jerry一齊後，之前的經歷加上Jerry討好的外型本身就讓她對這關係信心不足，再加上她知道了Jerry和Alice過去的一段情後更是常常胡思亂想，覺得二人整天在公司見面還在藕斷絲連 (當然這其實是事實)，慢慢更開始有點精神失常，天天疑神疑鬼和發瘋，最後更逼Jerry轉工。由於他們已經生了一個女兒，Jerry為了顧全大局，加上Alice對他亦越來越冷淡，逼不得已下他終於決定離開這間工作超過10年的公司。

對於Jerry辭職，國內的MD有很大反應，因為Jerry一向是她喜愛的員工之一，而且她知道以Jerry的個性，他離開一定是有其他人為因素而不是單純為了另謀高就。事實上她一直都有聽過Alice和Jerry在工事上的針鋒相對，不過見暫時始終無傷大雅二人又可以達至互相制衡的效果，所以他一直都沒怎樣理會。但由於他不知道二人真正的關係，亦不知道Jerry太太的問題，所以很直接地，她認為是Alice終於逼走了Jerry。

當然這只是一個導火線，事實上二人本身還有很多之前壓積已久的問題，所以大老闆亦開始百般刁難Alice (至少Alice自己是這樣認為)，Alice覺得對方對自己已經失去信任，再加上二人因一些資源和權力問題上的拗撓，於是憤而威脅要辭職。

她本身以為大老闆在公司這動蕩時期不可能會讓自己離開而會讓步，誰知對方竟無動於衷，索性來個大亂再大治並任由自己辭職。因面子問題，Alice自然不可能再待在公司，加上公司最後寧願白送一個月糧也要她立即離開公司，這無疑更讓Alice感受到屈辱。她沒想過自己為公司付出了十多年的青春，跟大老闆工作了十年多的歲月，最後得到的結局竟然是這樣，她恨大老闆的無情亦恨公司的人情冷暖。

而碰巧在這段時間，Ivan告訴了她自己會辭職轉工。那一刻，Alice覺得Ivan給了自己很大的支持。因為在已經走了兩個manager的時間，每一位職員再離職對公司的打擊和影響都會十分之大，這刻只要公司再受打擊她便會感到心涼。而更重要是Alice覺得Ivan這刻選了站在自己這邊 支持自己，於是突然間一個moment，她對他有了感覺並為他打開了自己的心門，然後二人的關係才能一日千里。當然還有一個原因是她早已寂寞已久，Ivan的出現和陪伴無疑灌溉了她枯萎多時的心靈。

由於沒有再看見過Alice，所以我不知她被Ivan每天灌溉後產生了甚麼變化，不過在之後的日子我偶爾再碰見Ivan，卻能感受到他由初初的春風滿面意氣風發的樣子慢慢變成了人乾，看見他就彷佛見到一個累字一樣。


Ivan離職後，公司亦陷入了動蕩期，而再一次見Ivan己經是接近半年後的事，只是因太久沒見便約了他happy hour了解一下他的近況。想不到半年沒見，他竟像完全變了另一個人。他變得極有自信，又開始會裝扮自己，完全不再像從前的那個乖乖戇直男。初時我還在想是不是Alice的調教讓他有了這樣大的改變。誰知很快他便說

「我同Alice一齊一個月後其實就完左喇…」

對他們分開這結局我不會感到意外，因為這根本就不太可能是一段長久的關係，特別是本身一開始他就只是迷戀Alice的身型加上對方是他上司這重身份的一種吸引力。當得到了過後，這些感覺和迷戀必然慢慢淡化。再加上對方是一個老自己接近二十年的女人，清醒和厭倦的到來，絕對是可以預計，只是一個月確實較我預像中短了一點。當然，那一個月Ivan說他們也曾玩得十分瘋狂，可以由朝造到晚，甚至曾經玩到在Alice老公的床上…不過這些我便不在此詳述了。

簡單來說，到到後期Ivan覺得Alice有點chur，會常常問他在做甚麼，又希望他一有時間都能多點陪伴自己，而這些要求對於已漸漸對Alice肉體失去興趣的Ivan來說，自然是加快二人關係死亡的因素，所以一個月後他便提出想完結這段關係。

Alice也曾嘗試過挽留，不過正如之前所說她是一個強勢加自尊心極強的女人，所以在Ivan決絕地拒絕了兩次後，她亦再沒糾纏，然後二人便再沒有見面和聯絡。

雖然二人的故事已經完結，不過Ivan說其實過了一段時間後，他不時都會懷念和對方抵死纏綿的片段，而且每次回想起這件事，感覺都仍像發夢一樣很不真實。他相信就算多年後，搞上女上司這件事應該仍然會是他人生中最瘋狂的一件事。

其實除了這故事的震撼性外，這件事讓Ivan的轉變亦讓我有點意外。由他可以很自然地跟我分享這些經歷和感受已經可以看見他在性格上的轉變。以前乖巧贛直又帶點害羞的他怎可能這樣自然地分享這些事情? 但我最想說的是除了性格上的改變，他好像連運勢上也有很大的不同。

首先AO的工作已經讓他在事業和收入上提升了一個層次，而有趣的是當時為了以後方便和Alice幽會，Ivan竟在短短兩星期內便以自己所有積蓄買入了一個二百多尺的舊單位 (9成按揭) ，只是最後在還沒收樓時二人的關係便已經結束。

成為了自住人仕後，由於收入大增，他很快更成為了一名車巴。有樓有車，加上自信的重新建立，令本來做了多年毒男，單身已久的他，立時遇上了一個又一個的桃花，甚至多得讓他都有點應接不下。聽到這裏，我開始懷疑原來世界上或計真的有性交轉運這回事。

不過我又想，若沒有我一開始的探索和指導，他最後還會不會可以和Alice成功發展? 而若果不可以，那他接著的人生又會否變得完全不一樣? 我當然不可能知道答案，只是這件事卻讓我首次開始思考對於我這能力的應用。原來這用途可以知道這麼多有趣的故事，同時看似還能幫助別人。

我不喜歡無原無故入侵別人的思想侵犯別人的私隱。但若果是為了幫助別人，那似乎又不是不可接受。於是很快我便開始了這副業，幫人找尋真相，亦有了你們一直觀看一個又一個的故事。

那次後，我再見Ivan已經是在他的婚宴上。除了Alice外，差不多全部舊同事都有出席。聽他們說，Ivan之後藉樓價飆升賣了那二百多尺的單位後賺了百多萬，然後用這第一桶金投資，再買了他現在的第二和第三個物業。

望著一直露出幸福笑容的Ivan以及他身邊那可以媲美朱菌級數的新娘，再望一望身邊本應屬於Alice位置的空櫈，突然間我覺得Ivan欠Alice一句衷心的多謝。

不知道若Alice有來，看見現在這樣成功幸福的Ivan，她又會否為自己曾經的contribution而感到自豪?

(con't)
沒錯，我確實能讀心，但原來被我讀心的人所知的，卻也不一定就是事實，除非你能把與事情相關人仕的心全部都讀一次，不然你根本不可能確定這就是事實的全部。

從阿誠父親的口中，Joey是個為錢拋夫棄子的衰女人。但事實上Joey亦確實有她的為難之處。不是說她值得被原諒，但至少她並不是單單為了錢去做這決定，她也有她的苦衷。

突然間，我對自己這工作產生了懷疑。若果我告訴別人的原來並不真的是事實的全部，那我有些時候會不會其實是騙了人，甚至會害了人?

留名

鍾意樓豬啲心理描寫

多謝

希望大家得閒可以幫手推下等多d人會黎睇

47. 澳洲之旅(一)

去到澳洲，在搜查了一段時間後，我終於在一個郊區的山上找到那間孤兒院。那裏有著小橋流水，環境十分清幽。當我在遠處還沒有進入孤兒院，已經能聽得見一班小朋友們純真的笑聲。

在進入孤兒院說明來意後，也許見我是香港人，她們竟然亦找了一位叫Yanny的香港人和我溝通。沒想過這裏亦能遇見香港人，所以看見對方後我亦確實有點喜出望外，而且不知為甚麼我總覺得對方有點面熟，好像曾經在那裏見過她。

說明來意後，Yanny跟我說她其實來了這孤兒院也只是數年的時間，而那時Sarah (Joey的女兒)已經離開了孤兒院到市區就讀大學，畢業後亦留了在市區生活和工作。不過由於她間中會回來探望這裏的工作人員和朋友，所以Yanny才有機會認識她。而由於二人年紀相約，她們不知不覺間也成為了好朋友。

「原來Sarah父母有個咁嘅故事…咁我地係咪應該話比佢聽?」Yanny聽完我的來意後帶著點疑惑問道。

「其實我黎到衣度都係一種緣份，我覺得佢係有權知道真相… 至於想唔想見佢地，就等佢自己決定啦。事實上佢親生老豆同親生同阿哥到衣一刻其實都唔知有衣個女同妹嘅存在…

你可唔可以講一D關於佢嘅野我聽? 同埋我想影幾張佢由細到大嘅相比佢阿媽睇下， 咁都算對佢有過交待…」在啟程來這裏時我已經想過這問題，我覺得每個人都有知道真相的權利，而這可能是現在香港最欠缺的。

「相我要去資料室搵一搵以前D相簿，搵到我send比你呀~ 至於Sarah，嗯… 我覺得佢都算係一個開朗嘅女仔，而且好勤力，所以係衣度佢都係拎scholarship入大學架~ 佢讀完獸醫衣家係間動物醫院度做緊醫生。其實都好叻女~」Yanny由衷的讚賞Sarah。

「咁感情生活呢? 佢阿媽想知佢有無遇到好男仔，有無拍拖呀。」我順帶又問了Joey想知的問題。

「咁又好似無咩聽佢講過。以我所知佢衣家係單身，但以前嘅野我就唔知喇…」Yanny想了想後答道。

「I see… 不過知佢過得好，對佢阿媽黎講應該都已經係好好嘅消息啦。」

在得到一堆關於Sarah的資訊後，我和Yanny開始閒聊起其他話題。

「其實上年我都有返過香港，感覺都唔同左好多喇…」Yanny 帶著點唏噓說道。

「係呀，真係變得好快，不過唔係變好咁解… 你返去探親?」而大家都知這些改變是甚麼。

「係呀，探下父母，同埋主要係探岩岩出世嘅侄仔…」Yanny回憶著笑了一下，但感覺這笑容背後又有點哀傷。

「其實點解你會選擇拋低屋企一個人過黎澳洲嘅?」我好奇問道。

「因為咁對我愛嘅人先係最好…」Yanny苦笑了一下，但眼神卻又十分堅定。

「咁深奧嘅? 可唔可以講得詳細D呀?」這引起了我更多的好奇。

「太複雜喇，而且講你都唔會信，所以都係由佢啦。」可惜她並不願多說。

而這只會更激發起我的好奇心。我承認我之後的決定是有點過份和不像自己一貫作風，不過我並沒有後悔這樣做。因為在我略施小計後，出現在我腦海中的是一個熟悉的影子。

「你係李乘風個妹欣欣?」我終於知道為甚麼她給我的感覺這樣眼熟。

「…你識乘風哥哥?」她有點吃驚望著我，然後帶點激動問道。

「係呀，我同佢係大學一齊住過兩年。」

「其實聽到你叫Kenny我都有諗起過乘風哥哥個roommate，不過無諗過真係你! 點解你會突然知我係欣欣?」

「本身我都覺得你有D面熟，頭先突然醒起靈機一觸… 因為李乘風之前D相不時都會有你嘅存在。」

我不能告訴她我剛剛已經知道了她們之間的全部秘密，所以只能胡亂說了一個原因，不過嚴格來說其實這亦不算是一個謊話，因為李乘風以前確實很疼錫這個妹妹，所以不難在他的社交媒體找到她的影子。

「咁果陣乘風哥哥都有不時提起你嘅… 哼，我突然醒起果陣都係你帶壞佢架!」她想起了往事突然生起我的氣來。

「… 你應該知當日佢有幾咁傷心，想快D好返一定要有野distract佢… 而且我有再三問過佢，衣個係佢嘅選擇…」我為自己解釋道。

「你唔知因為你害到佢之後有幾慘! 唔係你教壞佢我都未必洗…. 唉，算啦，你咩都唔知嘅，唔可以怪你，而且都過左去喇… 咁你之後仲有無見過佢?」Yanny在激動過後後快又回復冷靜。

原本我應該完全聽不懂她在說甚麼，但現在當然是另一回事。原來李乘風自出娘胎便因風流的父親而身中一個古怪的詛咒，那便是每當他傷害一個女孩子的心時，他的賓周都會短2cm，相反若被人傷害，他的賓周則會長2cm。

現在我終於明白為甚麼當年李乘風會有著那樣的異稟。由於當年被中學老師和周紫盈傷害，所以他的小風那時比原本足足長了4cm。再加上之後我的循循善誘讓他除了在硬件上，軟件亦成為了頂級因而一躍成為了當年新的都市傳說。只是我沒想過在我成就了他的同時竟然亦是害了他…

原來的李乘風是一個很乖很專一的男人，所以基本上他並沒甚麼可能會傷害女性的心。但在他被我帶壞成為了player後，一切自然就不同了。而不久後隨著他傷害了一個又一個女孩子的心，小風亦一次又一次地變短，最後只能用慘不忍睹來形容。

可惜當李乘風意識到根本問題時，一切已經恨錯難返… 亦因為這樣，他變得敏感，自卑，然後性情大變不想再和任何人接觸，而這時我才明白當年他為何不願再見到我…

不過就在他處於這個人生低谷時，一個人卻一直不離不棄一直陪伴著他，那個人就是正坐在我對面的Yanny。Yanny和李乘風其實並不是真正的兄妹而是自小一齊長大的鄰居，所以二人的感情就像親兄妹一樣。不過和真正兄妹不同的，是Yanny暗地裏其實一直都深愛著她的乘風哥哥。

察覺到李乘風的改變，想起李乘風母親當年的遺言，Yanny終於從當年的一封信中知道了李乘風的秘密。小風的長短當然不會有絲毫影響Yanny對李乘風的愛，所以那時為了拯救瀕臨崩潰的李乘風，她決定把自己隱藏了多年的感情全告訴了他並承諾無論李乘風變成怎樣她都會一直陪在他身邊。深受感動的李乘風被Yanny對自己的愛所打動而二人亦終於由兄妹變成了情侶。

和Yanny在一起後，李乘風漸漸回復過來。雖然沒可能像以前完全沒事一樣，但至少他能和其他人有回接觸，過回正常的生活。

不過Yanny知道李乘風其實一直都仍很介意小風的事，而她亦知道自己是有能力讓小風有回一點的長度。但那時比起小風，她知道李乘風更需要自己的陪伴，加上對方之前兩次慘痛的失戀經歷讓她亦不再信這個世界上有比自己更愛李乘風的人，所以那怕知道李乘風不開心，她都仍然選擇一直陪伴在對方身邊。直至兩年後一次街上的偶遇讓Yanny改變了想法。

這偶遇讓Yanny知道了原來之前大家一直以為對李乘風變心出軌的中學老師Miss Lui，當年是為了保護李乘風而作出了個人很大的犧性，而這犧性除了証明了Miss Lui同樣深愛李乘風外，亦讓知道了真相的人對她有了一份深深的歉疚和同情，於是Yanny毅然作出了一個重大的決定。

她首先把李乘風託付給Miss Lui，然後為了讓小風能有回部份長度好讓李乘風好過一點，她再裝作出軌狠狠地傷了李乘風的心，更為此來拋下了家人自己來到澳洲生活。可以說是她犧性了自己一生的幸福來換取了李乘風一生的幸福，而最後她亦成功了。

那時我亦不禁在想，若當天自己沒帶他去夜場，那麼他便不會變成player，亦不會有以後的悲劇發生，霎時間我對李乘風產生了點愧疚。

雖然當日我沒可能知道他原來身中這個奇怪的詛咒，更沒可能預想到他之後會有這樣的慘痛經歷，但那時確實是我改變了他的生活方式和價值觀，我不能說這件事與自己完全沒有關係。而且畢業後在他拒絕過我幾次後明明聽說他性情大變但我竟然都沒有怎樣去關心他…

至於正坐在我對面臉上彷彿散發著聖女光芒的女孩子，更是我間接讓她要承受現在的痛苦。看著她我心入面便有一陣難過和內疚的感覺…

「我畢業後初初都仲有約過佢幾次，不過之後突然間我點約佢佢都唔肯再出黎甚至連message都唔再覆我，所以慢慢就疏離左無再見過佢了… 佢其實係咪發生左咩事?」整理完自己的思緒後我裝作甚麼也不知道答道。

那時我是有點生氣對方多次拒絕我的邀約和不應機，覺得他不再重視我這個房友和”師傅”，之後還因此沒有出席對方的婚禮。現在則只能說聲抱歉和抱歉。

「佢有排係好唔開心推開晒身邊嘅人… 不過衣家無事架喇，你都唔好再嬲佢啦…」不得不說，她真的很愛李乘風，所以首先想起的亦只是希望我不要再生李乘風的氣。

「咁又無嬲嘅，係有D可惜啫，或者返返香港我後都會再嘗試搵返佢。」知道了事實真相的我當然不可能再嬲對方。而這刻我亦確實很想親眼看看他是否真的完全沒事一切安好。

「好呀，不過你唔好再教壞佢呀… 雖然我相信你衣家都無可能再可以教壞到佢~」知我不再生李乘風的氣，Yanny臉上亦露出了笑容。

「哈哈，小姐，其實我都從左良架喇，咁大個人咩都玩夠啦…」我帶著些少尷尬地為自己defense了一下。

「咁就好，正正經經搵個人拍拖結婚啦~ 係呢，咁你可唔可以講下乘風哥哥當年嘅野我聽下?」

明白她對李乘風如深海般的思念，我亦順著她意把自己當年和李乘風的一些趣事告訴了她，希望以此排解她的單思之苦。我能感覺到她在聽這些小往事時所露出的笑容，才是真正發自內心的笑容，只有這段時間，她才是之前李乘風口中一直所說那個天真活潑的欣欣。

唔知仲有無上一個故嘅讀者有睇衣個故呢
衣個澳洲之旅篇其實係有少少為上一個故嘅讀者而設
希望帶到d回憶比大家

俾你周到我爭幾篇先真係live添

不過而家真係live喇，期待主線嚟緊嘅發展

我P牌推唔起 但想同你講句加油

48. 澳洲之旅(二)

那晚，她因知道我是自己一個人來澳洲，所以主動提出和我一起吃晚飯。不過我想除了這個原因外，她心裏應該亦是有點寂寞並十分掛念著香港，所以看見我這個認識的香港人，自然多了一份親切懷念的感覺。當然，最主要的原因還是李乘風。因為和我在一起談論他，她就能感覺到自己好像和對方重新有回connection一樣。

「所以其實你一個人黎澳洲係為左李乘風?」飲了兩杯後，我問了一個我其實已經知道答案的問題。

「下? 真係咁明顯咩…」她略帶驚訝地望著我，但最後還是決定坦白。

「都幾架，一講起佢你嘅眼神同笑容都會唔同晒，同埋果陣你先會流露出你心底裏活潑可愛嘅一面，而且你之前又講過咁對你愛嘅人先係最好，所以一D都唔難估… 但點解呢? 咁你會痛苦一世架喎…」我裝作合理地分析著。

「因為如果只可以係佢嘅幸福同我嘅幸福之間揀一樣，我一定會揀前者。」她堅定地答道。

若果這件事只是單純讓愛，我會對她的說法嗤之以鼻。不過我知道她的犧性是為了能稍為醫好李乘風的”怪疾”，這又讓我明白她對李乘風的愛昰多麼的無私和偉大。

「咁玄嘅你講得… 講到你唔走佢就唔有幸福咁…」但表面上我還是要裝作甚麼都不知道亦聽不明白。

「Sorry，詳情我唔方便講太多，不過你講得岩嘅係，真係只有我走左佢先可以有真正嘅幸福…」Yanny帶著點難過說道。

「咁誇張? 咁佢知唔知你係為佢而走?」

「唔知… 應該話，我希望佢唔知…」因為太了解李乘風，所以她自己亦不太確定。

「其實自己重視嘅人突然無原無故咁消失，當事人係會好難受，甚至會帶住衣個問題同遺憾一世…」我有感而發說道。

「咁我係消失前係有留到原因比佢嘅，唔係佢唔會信…」Yanny略帶傷感地說道。

「雖然我唔知係咩原因，但以李乘風咁聰明，加上同你咁多年感情，你覺得真係呃到佢?」我提出了疑問。

「我其實都唔知，所以我頭先係話希望佢唔知… 好啦，唔好再講衣個話題，不如講下你? 我聽得出頭先你係有感而發喎~你有類似經歷?」Yanny不願再在這話題上糾纏。

「我? 確實我一直都有一個疑問，衣十幾年我每日都好努力咁去搵個答案，但都係搵唔到…」到我帶著點難過地說道。

「講黎聽下?」而這讓Yanny來了興趣。

「無mood喎…」不過我沒甚麼心情說出這個事。

「攪錯呀! 我講左咁多野你聽!」而這讓Yanny感到很不滿。

「飲多幾杯後可能有嘅~」我想醉意會讓我較容易把曉嵐的故事說出來。

「呃酒飲! 咦，sorry，我聽個電話先…」這時她的電話突然響起。

出於禮貌我並沒有故意聽她說甚麼，只是依稀聽到”靖哥哥”這三個字，而這名字卻又讓我想起他是Yanny回憶裏的其中一個人物。當年便是他協助Yanny來到澳洲讀書，而同時間他還有另一個身份-李乘風的中學死黨。

「咁親切嘅，男朋友呀?」在她收線後，雖然明知不是但我還是想取笑她問道。

「痴線，friend黎架咋，其實你可能都聽過佢個名。乘風哥哥果陣有無講過佢d中學同學你聽?」

「都有聽過下嘅，好似有個因為識降龍十八掌所以叫郭靖嘛?」我裝傻說道。

「低能! 佢叫郭靖係因為佢都好似郭靖咁戅直呀~」Yanny笑著說。

「哦~ 所以頭先係佢搵你?」

「係呀，佢話聽日會黎搵我咋嘛。」

「你同佢好熟架?」我露出一個意有所指的表情。

「係呀，佢幫左我好多，多到衣一世我都唔會還得清…」不過Yanny並沒有留意到。

「點解咁講?」我明知故問。

「車，點解我要講你聽啫? 反正你又咩都唔會同我講嘅…」調皮的她故作扁嘴說道。

「咁最多你講完我就講返我個故事你聽?」

「係咪真架?」她的雙眼立刻又有回神彩，八卦果然始終是女人的天性。

「當然係真!」其實我也是故意這樣好讓她能稍為從不好的情緒中回復過來開心笑多一點。

「當年我想離開香港果陣，係全靠靖哥哥幫我手搵資料同埋安排好晒所有野，我先可以咁快咁順利過到黎澳洲。 而且因為無地方住，佢仲說服左佢父母比我同佢地一齊住… 咁多年以黎佢一直都好照顧我比左好多支持我，對我黎講佢真係好似我一個親哥哥咁…」於是她把郭靖如何在澳洲這段時間照顧和幫助她的事告訴了我。

「嘩，就算你係李乘風個妹，佢都over晒朋友條界線喎… 通常一個男仔無緣無故對個女仔咁好，都不外乎兩個原因，一係佢鍾意你，一係就佢欠左你… 」

「我…無特別諗呀… 我淨係知我欠佢好多好多，多到都唔知點還好…」Yanny臉突然帶點紅說道。

我知道她是在說謊，一個男人能這樣為自己，怎可能感受不到對方對自己的感情。不過對於這種註定回應不了的感情，有時確實很難handle。接受又做不到，拒絕又覺得自己很過份擔心會傷害到對方。所以扮作不知道，希望對方有日會喜歡上第二個然後放棄自己可能是最佳的回應方法。只是Yanny這想法好像這麼多年後都仍然打不響，這讓我對這個郭靖亦產生了好奇心，很想知道他真正的想法，到底他是一個怎樣的人。

「嗯…既然大家都係香港人又都識李乘風，我聽日可唔可以都見下佢?」於是我提議道。

「可以呀，聽日佢黎到我介紹佢比你識呀~ 不過你聽日本身無plan?」Yanny爽快答應。

「無呀，本身都係諗住一場黎到求其閒逛下咋。」

「咁我一陣同佢講聲啦~ 好喇，我果part講完應該到你喇喎?」

「okok，我有口齒嘅~ 事原係我有一個小學同學叫張曉嵐…」

於是我用了三支白酒的時間把自己和曉嵐的故事全都告訴了她。

「到衣家我都唔明點解佢要突然之間走左去… 我好想搵佢問清楚，但我連再見到佢嘅機會都無…」說到最後，我對Yanny竟展露出難得脆弱的一面，甚至僕在枱上痛哭起來，多年內壓抑的情感像是缺堤一樣一發不可收拾。我也不記得對上一次為她而哭，已經是多少年前的事?

「衣十幾年辛苦你喇… 我起碼係自己嘅選擇，而且可以從其他途徑知道乘風哥哥嘅近況，但你就連佢係邊過得好唔好都唔知…」Yanny輕輕掃著我的後尾枕安慰說道。

「我真係好掛住佢… 點解佢可以咁狠心話扔低我就扔低架…. 你話我知點解呀? 我真係好後悔當日忍唔住酒後做錯事…」我哭訴著。

「其實聽完你嘅故仔，我覺得佢消失未必係因為同你發生左關係… 始終果晚係大家酒後亂性，而且以你地十幾年感情，無理由因為咁就粒聲唔出走左去...所以我相信應該係有其他事情發生左。」Yanny略皺著眉說道。

「真係? 不過就算係咁… 我都係永遠無機會知道真相…」她的推測刺激了我，我抬了起頭望著她說道。

「未必嘅，將來嘅野無人會知，仲要你仲咁後生…而且唔知點解我有個預感，你同佢將來有日會再次碰頭…」Yanny若有所思地說著。

「哈，雖然明知你只係安慰我，不過我又有D衝動想相信你… 多謝你呀…」

「真架，我唔係單純安慰你而係真係有種直覺，we will see…」Yanny一臉認真說道。

聽完Yanny的預言，我整個人舒服了很多，不知為何亦覺得我和曉嵐會有再相見的一日。而望著Yanny這個外表和內在一樣漂亮的女孩，我不得不慨嘆李乘風的幸運和世事的弄人。為甚麼要這樣糟塌一個那麼好的女孩子呢?

這刻我突然有個感覺，很希望自己能為她做一點事好讓她能好過一點。

49. 澳洲之旅(三)

第二天我見到了傳說中的郭靖，果然是和小說中的一樣純良和戅直。可惜這一世的郭靖雖然仍能遇上黃蓉，但自己卻又偏偏同時成了華箏…

把握著Yanny中途離開了的一段短時間，我襯機說了個謊預備讀郭靖的心。留在澳洲的時間不多，我想盡快認清郭靖對Yanny的真正想法。

「郭靖，我琴日聽完Yanny講你咁多年黎幫佢做嘅一切，真心覺得你好唔話得喎~」我一邊說一邊舉起了我的姆指。

「咁出外靠朋友嘛，佢又係乘風個妹，幫得到咪盡量幫囉~」郭靖帶點不好意思回應道。

「但你幫嘅都真係幾over一個朋友應該做嘅範圍喎… 最重要係你咁岩咁多年都仲係單身，不過大家都係男人，有D野唔會唔明嘅~」我故意這樣說道。

「哈哈，但我唔明你講緊咩喎…」他一臉傻氣說道。

「你係咪鍾意Yanny?」不知他真傻定扮懵，我直接問道。

「下? 喂，你唔好亂up呀…」他立即一臉慌張，環顧四周，然後在確定Yanny還沒回來才鬆了一口氣說道。而這段時間已經足夠我讀取了他的所思所想。

「唔駛扮喇，我都話大家都係男人，有D野唔會唔明咯~ 觀察左一段時間再加上知你之前為佢所做嘅一切，我就知你鍾意佢鍾意到係無得救果種… 就正如佢都係無可救藥咁鍾意左李乘風一樣…」

「你…識讀心架?」他一臉驚訝問道。

「哈哈，係你地太易比人睇穿啫~ 但你咁唔辛苦咩?」

「辛苦? 點解辛苦呀?」郭靖一副不明所意的樣子。

「你鍾意嘅人唔鍾意你，你無得同佢一齊囉。」

「一個人辛唔辛苦其實係睇你自己expectation係咩架啫。係，由中學開始一直我都好鍾意欣欣，但以前嘅我見到佢嘅機會唔多。到到我屋企要移民過黎澳洲，我更加以為衣世都無咩機會可以再見到佢，果陣其實先係最絕望同痛苦… 點知過左段時間後有日佢搵我話想黎澳洲讀書同生活，之後我同佢做左好朋友，仲成日可以見到佢，你話比起以前，我衣家係咪幸福好多?咁點解會辛苦?」他理所當然般地說道。

「咁你又講得幾有道理喎…」

看見他一邊說著一邊露出開心滿足的笑容，加上剛剛已經讀完了他的心，我知他說的都是真心說話。

是的，也許不能和Yanny成為情侶，他不能去到幸福的最高鋒，但比起以前連見面也沒有甚麼機會，現在的他又確實比從前幸福得多。有時一個人開心幸福與否，的確是和個人的欲望掛鉤，只要你知足就自然會常樂。只是人的欲望總是無窮無盡，得一又會想二，要做到這境界又談何容易? 霎時間我又想，若果當天我也能像郭靖一樣滿足於和曉嵐做朋友的現狀而沒有被自己的欲望支配，也許我便不用承受這十多年失去了她的痛苦…

郭靖和Yanny其實本質上都是同一類人，他們都是那種只要一旦喜歡上一個人，那便不論發生甚麼都會一直喜歡到底。要他們自然地喜歡上另一個人，基本上是不切實際。若果他們互相喜歡上的是彼此，那他們必定是世界其中最幸福的一對。可惜上天又怎會容許這樣美好的事情發生? 它為他們安排的第三人讓他們二人註定在感情上都不可能得到圓滿。

也許Amy其實跟他們亦是同一類人，不過她遇上的是一個仆家，而Yanny和郭靖遇上的卻是一個專一但卻偏偏不會愛上自己的人。你會說到底是誰比較不幸?

只是現在貌似郭靖並不知道Yanny其實一直都知道他喜歡自己，而Yanny對郭靖亦有她自己的心結因而裝作甚麼也不知道，二人的關係因而維持在一個奇妙的平衡點。但若我們說的是一輩子的友誼，這種平衡對他們二人是不是最好?又會不會有一天因這平衡被打破而失衡?

「其實郭靖對你果種關心，都幾明顯唔只朋友咁簡單喎…」接著襯郭靖離開了講電話的時間，我又跟Yanny說。

「喂呀… 唔好再講衣個話題啦，我真係好驚破壞左大家嘅關係呀…」Yanny不想討論這方面的話題。

「我明你嘅擔心，但你有無嘗試了解過郭靖最想要嘅係咩? 就算佢係鍾意你，其實都未必係想同你一齊。反而頭先我留意到你下意識想拒絕佢對你嘅好，可能咁先係最傷佢嘅心…」好管閒事的我已決定要介入他們。

「因為我已經欠左佢好多，我真係唔想再欠落去喇。我希望有日佢可以死心然後同一個值得佢對佢好嘅女仔一齊…」Yanny說出了她心入面的想法。

「所以我頭先先問，你有無嘗試過了解郭靖? 知唔知咩先係佢最想要? Yanny，如果你真係想同佢做一世好朋友，想佢真正咁開心，有D野一味逃避係唔work架… 你敢唔敢同我玩個遊戲?」 突然間一個想法在我腦海生成。

「咩遊戲?」

「一齊聽下郭靖真正嘅心聲。」

「下? 點聽?」

「一陣你扮離開左，然後我會乘機問佢一D問題，但同一時間，我會同你保持電話通話，等你可以聽得見佢講咩。」

「傻架你? 咁咪即係呃佢? 點解要咁做? 而且佢識你有幾耐? 你點知佢講嘅係真定假?」Yanny不讚成我這提議。

「郭靖邊識講大話架? 我只係想你聽下佢心入面嘅真正諗法，事後我會話你聽點解我會知佢講嘅係真定假… 事實上其實你同李乘風之後嘅故仔我都知得好清楚，包括詛咒嘅事…」為了盡快說服Yanny，我拋出了這個秘密。

「你…點會知架?」Yanny 驚訝地問道。

「玩完我就會講你知…」

一牽涉到李乘風，Yanny就會變得異常緊張六神無主，而為了知道答案，她只好無奈地答應和我玩這個遊戲。而事實上為了解開她們之間的心結，我自己其實亦下了一個重大的決定。

唔緊要呀，間中留下言講下感覺我都已經好開心架喇

難道係分享人內心想法搞到大病同失去能力三個月嘅時候??

唔好意思 想問下阿誠係邊個

睇落去就知

第七章生母之謎想查下阿媽係咪仲在生果個男人

係阿成定阿誠

係喎！ sorry我錯，應該阿成先岩
多謝糾正正文改返先

50. 澳洲之旅(四)

「咦，欣欣呢?」郭靖回來後看不見Yanny所以問道。

「佢話要去一去買D野，晏少少先join返我地喎。」而實情是Yanny正躲在某處透過電話正偷聽著我們的對話。

「哦…」他無表情應了一聲便坐回原位。

「係呢，咁返返去頭先嘅話題，其實你係幾時開始鍾意Yanny?」我把握機會繼續追問。

「點解你咁有興趣呀… 」而他明顯並不太想談及這話題。

「難得撞到香港人仲要原來係朋友嘅朋友，所以都想知道你地嘅故仔嘛! 講我聽啦~」知他是個好人我哀求道。

「嗯… 確實幾時我都唔記得喇。淨係記得中學果陣我地不時都會去乘風屋企打機，而果陣欣欣因為鍾意痴住乘風，所以我地每次都會見到佢。

果陣嘅欣欣好可愛活潑架，每次見到佢笑我都會比佢傳染有種好開心嘅感覺，而同一時間佢又好細心同善解人意。我記得有一次因為屋企人嘈完交我心情唔好，係乘風屋企都係悶悶不樂，但可能因為為平時我份人本身都比較木獨，所以無乜人留意到，唯獨欣欣發現我有唔妥，之後佢除左專登主動請我食佢嘅珍藏朱古力外，又主動同我傾偈同係咁引我笑… 之後，見到佢嘅笑容就係我人生一直最大嘅動力…」郭靖一邊回憶一邊笑著說。

「咁雖然我唔係識左Yanny無耐，但我都承認佢係一個好特別嘅女仔。不過你應該知佢一直其實都只係鍾意佢個乘風哥哥?」

「我當然知道啦，每次見到佢我嘅注意力都會放晒係佢到，又點會留意唔到佢對乘風係點呢?」

「但就算係咁你都選擇仍然一直係咁鍾意佢…」

「其實由第一日開始我就知我同佢係無可能架喇，不過正如頭先所講，控制好自己expectation咪得囉。我最想嘅只係希望佢可以一直保持住佢果個天真活潑嘅笑容，但點知個天偏偏就要佢受咁嘅苦… 我好嬲自己唔係李乘風，唔可以令佢真正咁開心快樂，不過就算只得幾輕微嘅作用都好，只要可以令佢稍為開心我都會盡力去做… 只係另一方面，有時我會感受到佢其實唔想接受我對佢嘅好…」

「咁你知唔知點解佢唔想接受?」

「你覺得呢? 我有諗過…唔知佢係咪感覺到我鍾意佢所以唔想比錯覺同希望我?」郭靖帶著點困惑問道。

「你都識講佢係一個善解人意又細心嘅人，其實你咁多年黎對佢係點佢又點可能唔知? 只係佢覺得欠你已經太多，佢唔想再越欠越多啫…」我把Yanny的原話說了給他聽。

「其實感受到佢嘅態度，驚佢唔開心我都努力控制住自己唔敢再對佢咁好…不過如果佢真係咁諗，佢就真係太傻喇… 將心比己，佢自己都知乘風對佢唔會真係有愛情果種愛，但佢都一直仲係咁鍾意乘風對佢好好。

試諗下如果乘風想避開佢，唔比佢對自己好，咁佢又會唔會真係開心? 打從第一日我已經無諗過要同欣欣一齊，我奢求嘅就只係想佢開心快樂唔駛再受苦，而我就一直都係係自己應份嘅位置守護佢… 咁嘅奢求係咪都好過份?」郭靖說下說下聲音亦開始有點沙啞。

「咁我問你如果只要你開口講鍾意佢，佢就會同你一齊，你會唔會開口表白?」

「如果佢真係愛我我當然會。但如果明知佢唔係真係愛我而可能只係出於同情或者覺得虧欠，咁我唔會接受…」郭請想了一會後答道。

「點解? 你唔想同佢一齊咩?」

「作為朋友，我有信心可以衣一世都留係佢身邊。但如果牽涉到愛情或者另一種關係，仲要係明知佢心有所屬嘅情況下，我驚有日大家關係會被破壞，始終一拍拖大家對對方嘅感覺同要求都會唔同，而且一旦得到過，人就會越黎越貪心，我驚一齊左後，我有日反而接受唔到佢心入面愛嘅唔係我而係李乘風…

其實當日欣欣同乘風何嘗唔係咁? 如果無一齊，佢地應該可以做一世嘅好兄妹，但衣家就攪成咁…所以有時做人最忌有非份之想，去貪一d自己都知唔係屬於自己嘅野。我寧願安守衣家嘅位置，一直以朋友陪係佢身邊。

而且都明知對方唔係鍾意自己，咁格硬一齊黎做咩? 咪只會攪到大家唔開心?」

郭靖的說話讓我想起阿勇和阿武的故事，不過幸好他們最後仍能回到好兄弟的關係。而欣欣和乘風的例子，雖然當中其實涉及到一些郭靖不知道的因素，但整體來說他的憂慮亦是事實。想不到沒拍過拖性格又比較戅直的郭靖在這問題上竟然想得這樣透切。

「你無諗過話唔定一齊左後有日佢比你感動到真係鍾意左你?」我再最後的試探。

「我識左欣欣咁耐，了解左佢咁耐，我知衣件事係無可能發生。佢個心永遠都只會得一個人，所以先咁痛苦…」郭靖肯定地說道。

「嗯... 估唔到你都已經有咁透徹嘅領悟諗得咁深入喎，不過某程度上我係支持你。比起一時的愛情，我寧願要一世的友情。」

若早知結局會是這樣，我寧願和曉嵐做一輩子的好朋友。只是就像賭博一樣，人們總不能透視將來而只是希望自己能成為例外，又有多少人真的能完全控制自己不去賭那微乎其微的”可能性”?

「因為除左屋企人，欣欣就係我最重要嘅人，同佢嘅關係我當然已經考慮過好多唔同嘅野啦。對我黎講最重要就係唔好失去佢…」

「咁如果有機會比你同佢講你嘅心底話，你最想同佢講咩? 又或者咁講，如果佢覺得對你有虧欠，你覺得佢對你最好嘅償還會係咩?」

「我會想話比佢知我從來都無非份之想要做佢男朋友，所以唔好諗咁多，只要好好接受我對佢嘅好咁就夠。其實我一直覺得世界上可以最理解我嘅應該就係佢。只要佢幻想自己係李乘風，我係佢，咁佢應該就會明白我想要D咩…

無論點，其實我都唔會鍾意到第二個架喇。所以對我最好嘅報答，就係大家一世嘅友誼，比我以朋友嘅身份對佢好，一直陪伴佢左右。只要佢可以開心快樂，而當中又有少部份係因為我嘅contribution，咁我就心滿意足架喇。」

「你真係一個絕世好人，我欣賞你! 我相信你地可以架， 衣杯我敬你嘅~」

對郭靖這個人我是衷心讚賞，因為我感覺到他內心那種善良和純粹。事實上我亦很希望他能得到他想要的那種幸福，所以我才要花這些功夫去讓Yanny了解對方的心意。雖然愛情不能勉強，但一世的友情她應該是絕對還得起，而這亦應該能解開她自己的心結，真真正正舒舒服服地和郭靖相處。



「聽完有咩感想呀?」這晚郭靖走後，我和Yanny繼續走了一段路。

「佢真係好傻…」Yanny回了一句。

「係呀，同你一樣囉~ 佢都講到出口，以為你係世界上可以最了解佢嘅人。」

「佢都講到咁，我仲點會唔明呀? 我明架喇，亦為努力去做，因為衣個係報答佢，亦係令佢開心嘅最好方法。」

「講到好似係你受委屈咁… 不過咁就好，不枉我花費左一輪功夫~」看見她終想通，我亦替他們感到高興。

「多謝你囉~ 咁你可以解開返我嘅疑團未呢? 我都照足你做同你玩完個遊戲啦。」 事情解決後，Yanny當然不會忘記我還欠她甚麼。

「放心啦，我會講，等你聽完你就會明白我其實為左你地到底付出左d咩架喇…」

「咁誇張?」

「無誇張，為左幫你，我黎緊會講過好大嘅秘密你聽，衣個秘密我從來都無同任何人講過，所以你都一定唔可以同其他人講，唔係我會好麻煩架…」

「聽完你咁講我會驚架喎…」

「真係驚你衣家可以選擇唔聽架~」

「唔得! 咁你快D講啦~」

「其實之所以肯講你聽，除左因為幫你，另一個原因係因為你都經歷過一D匪夷所思嘅野，所以接受能力會高D… 不過你聽完後可能會驚左我架喎… 你真係想聽?」

「唔好再賣關子快D講啦… 我一定要知道點解你會知道乘風哥哥嘅秘密呀…」Yanny開始有點不耐煩。

「嗯…不過反正我聽日都走咯，你驚我都無所謂啦。你... 有無聽過林家謙首時光倒流一句話?」

「有呀，我間中都有聽下香港d歌。但有咩關係?」

「情願你有讀心的超能力，能發現我的心計提早阻止~」我緩緩唱出。

「雖然幾好聽，不過… why?」Yanny微微皺起了眉頭。

「因為我真係有讀心的超能力。」我平靜地說道。

查Sarah個job搞掂咗喇？

未返香港所以嚴格黎講佢未交差呀