(不定期更新)淺談美國族群歷史

邦利拿BB · 2021-12-04T02:55:57+08:00

美國係一個多元族群嘅社會，喺一個咁多族群嘅國家，族群衝突就一定，但係美國嘅族群關係唔係剩係可以用白人同非白人咁二元討論，所以我想開個post，同大家9up下美國嘅族群史印第安人 (上) 咁我喺呢節就會講下美國呢遍大地最先嘅住民，印第安人嘅歷史。呢節會講到獨立戰爭前。電影風中奇緣就係講寶嘉康蒂姐係酋長個女點同英國佬和好。咩係印第安人？首先，我哋唔可以淨係將印第安人同白人嘅關係講成壓逼者同受害者咁簡單，白人固然喺殖民過程有洗劫佢地，但中間亦有合作，印第安人甚至會洗劫反白人轉頭，兩者嘅關係係十分之複雜嘅。第一，印第安人唔係一個族群嘅名稱嚟，呢個只係其他人對美洲原住民嘅總稱。點嚟就大家都好清楚，咁我就唔講。而印第安人其實係族群同部落林立，佢地成日會打生打死。所以佢地成日會搵英國佬法國佬幫拖啦。咁啲歐洲佬因為係新大陸同啲鄰國爭地盤啦，仲有啲原住民勇悍同識地形，成日打到班白人onon99咁，所以佢地都好樂意同印第安人合作，仲教佢地點樣用槍添。就好似英國人會同易落魁人 (Iroquois)合作，法包就會同阿岡昆(Algonquian)合作。此外，有啲印第安人因為打仗流離失所，同埋比其他部落洗劫，所以好願意信天主教或者基督教以換取幫助同埋白人嘅保護。所以喺初期，大約17-18世紀兩個印第安同白人仲算係有合作關係嘅。 <img src="https://upload.wikimedia.org/wikipedia/commons/thumb/a/aa/Early_Localization_Native_Americans_USA.jpg/2560px-Early_Localization_Native_Americans_USA.jpg" data-thumbnail-src="https://i.lih.kg/thumbnail?u=https%3A%2F%2Fupload.wikimedia.org%2Fwikipedia%2Fcommons%2Fthumb%2Fa%2Faa%2FEarly_Localization_Native_Americans_USA.jpg%2F2560px-Early_Localization_Native_Americans_USA.jpg&h=80136767&s={SIZE}" /> 早期部落林立喺呢幅描繪英法七年戰爭嘅畫，你都可以見到印第安士兵嘅蹤影英國為咗同易洛魁人聯盟，1710年邀請咗四個酋長去倫敦同安妮女王會面，呢幾幅畫就係由倫敦嘅畫家畫嘅。第二啦，印第安人其實成日捉啲白人做俘虜啦，尤其捉英國人，所以白人有時都忌三分。咁捉嘅原因有兩個啦。首先因為嗰陣英國成日同法國西班牙開拖啦，所以印第安人會捉啲英人去比法國人西班牙人嚟換取物資金錢啦。而第二個原因就係因為長年部落打仗同埋感染歐洲人惹嚟嘅病，所以人口下降，所以佢哋成日會捉啲白人女人同細路補充人手，佢哋會叫白人女人幫手湊細路，細路就會融入印第安社會，所以當時會有啲白人著到紅蕃咁，講印第安話。所以唔係得白人恰印第安人，印第安人都會恰返轉頭嘅。而點解捉英國人多，因為英國當時淨係尊注歐洲戰場，擺咗好少兵喺北美，同埋英國移民好多係國內比人蝦嘅清教徒，軍隊唔幫拖，所以咪比印第安人搞。 Mary Rowlandson 一家比印第安人綁架咗，後期先比人贖返，佢返英國寫咗呢段經歷做書，仲大賣。著名電影大地英豪就係講述一個比印第安酋長養大嘅白人嘅經歷咁呢節就講咗美國建國前呢片大陸印第安人同白人嘅關係，下節就會講點解印第安人喺美國建國後會越嚟越受壓逼，以及後來美國政府點設法報償佢地，希望大家支持下呢個post