(不定期更新)淺談美國族群歷史
邦利拿BB
134 回覆
162 Like
4 Dislike
Lm
Lm
支持，lmlm 
支持
American studies major LM SUPPORT!!!
有讀咩史
Indiana Horse by Richard Wagamese IIRC
Push
媽say粗 （紅蕃話）
留名支持樓主
想了解唔同部落嘅歷史
有冇書推薦
有冇書推薦
有本叫first people
btw 今晚update
btw 今晚update
唔該ching
fyp嘅topic同印地安人有少少關係
想知多啲
fyp嘅topic同印地安人有少少關係
想知多啲
lm
唔好意思，因為呢排有啲忙所以無update到。
印第安人（中）
呢一節，我會講下印第安人嘅衰落。
首先，我會講下美國嘅印第安人最主要係因為咩原因衰落，咁原因為兩個嘅，就係疾病同美國嘅擴張。
首先其實美國嘅原住民同拉丁美洲嘅原住民遭遇唔同，佢哋係比人逼走多過係比人滅族，唔同拉丁美洲咁係比人征服。
首先因美國嘅印第安人嘅人口遠遠少過拉丁美洲印第安人嘅人口，美國嘅原住民只係一啲好鬆散嘅部落，人口又唔太多，唔似拉丁美洲好似瑪雅，阿茲特克同印加文明咁已經有一個好完善嘅社會，前者只係過緊部落打獵嘅生活，後者已經有政府體系，宗教寺廟，城市，有成千幾萬人口，係完完全全一個文明。
再者西班牙同英法嘅殖民方式唔同，西班牙人只係男丁過去，而英法係成家成家人咁移民過去。
所以呢美國嘅原住民係比白人係咁拓荒墾殖咁失去生存空間，所以美國而加係白人多數嘅國家，反而拉丁美洲係西班牙人征服大量人口，西班牙人同印第安人通婚，所以南美大多數係混血嘅mesiizo人口。
咁入正題先。
疾病
其實呢樣野大家讀歷史應該都好清楚，就係原住民係因為疾病而大量死亡，鬼佬嚟到美洲，帶來天花、霍亂呢啲虐疾，由於鬼佬免疫，但原住民就第一次感染無抵抗力，所以就算感冒都可以死好多人。因為呢個原因，所以原住民人口減退
患上天花嘅huron族人
呢啲疾病係令到印第安人少咗成一半甚至七成人口，所以原住民開始衰落。
美國嘅擴張
真正令原住民衰落係美國嘅獨立，而過程又分幾個階段。
獨立戰爭同親英嘅原住民
1775年，美國獨立戰爭爆發，呢場為時8年嘅戰爭又導致原住民內部嘅分裂，事源係有啲原住民例如mohawks係親英嘅，但係場戰爭爆發令到佢哋討論應該親美定親英好。而因為大陸軍係有襲擊啲原住民，同埋本身易洛魁人係同英軍friend，所以就有啲部落去咗英國嗰面，但係另一方面，因為有啲部落係同清教徒fd，甚至受洗咗，所以就去咗幫革命軍。
cherokee人同英軍對峙
易洛魁人同大陸軍開片
咁美國獨立成功後，有啲印第安人喺1812年戰爭都有幫英軍打美國嘅，有啲印第安人之後怕美國報復過咗去加拿大。
西進運動
真正令原住民衰落可以話係西進運動期閒嘅拓荒者。
首先iroquois同英人係結咗盟，所以英國係禁止啲人向appalachian mountains以西拓展，但美國獨立咗之後就開始拓荒。
其次美國喺1803年喺法國度買咗louisiana 一大片土地，所以開始西進。
昭昭天命
喺19世紀初，美國開始有一種思想叫manifest destiny，認為美國民族同制度良好，同埋要阻止歐洲喺北美嘅威脅，所以要有呢個天命向西拓展，西進運動因而開始。
由於白人持續向西殖民，所以大大威脅咗印第安人嘅生存空間。
喺1830年，時任美國總統Andrew Jackson甚至簽咗條《印第安遷徙法案》，比啲白人可以霸佔印第案嘅土地，好多印第安人失去土地，失去糧食，所以餓死。
Andrew Jackson
《印第安遷徙法案》
被迫遷徙嘅cherokee族，遷徙過程死咗6000人
西進運動期間，白人同印第安人成日有戰爭，白人憑住人口優勢，成日獲得勝利，印第安人嘅生存空間進一部減小。
描繪1862 印第安達科達起義嘅畫作
傷膝河大屠殺中嘅印第安人萬人坑，呢場屠殺死咗300個印第安人，美軍死咗25人
拓荒者大量屠殺水牛，令到印第安人失去賴以維生嘅糧食
總結而言，疾病同西進運動令美國原住民衰落，白人移民用人口優勢趕走原住民，下一part係最後一part講原住民，就會講下美國政府後來點嘗試保護原住民嘅權益同埋同埋補償啲原住民。仲會講下近代原住民受到咩歧視同美國人點樣關注原住民嘅權益
印第安人（中）
呢一節，我會講下印第安人嘅衰落。
首先，我會講下美國嘅印第安人最主要係因為咩原因衰落，咁原因為兩個嘅，就係疾病同美國嘅擴張。
首先其實美國嘅原住民同拉丁美洲嘅原住民遭遇唔同，佢哋係比人逼走多過係比人滅族，唔同拉丁美洲咁係比人征服。
首先因美國嘅印第安人嘅人口遠遠少過拉丁美洲印第安人嘅人口，美國嘅原住民只係一啲好鬆散嘅部落，人口又唔太多，唔似拉丁美洲好似瑪雅，阿茲特克同印加文明咁已經有一個好完善嘅社會，前者只係過緊部落打獵嘅生活，後者已經有政府體系，宗教寺廟，城市，有成千幾萬人口，係完完全全一個文明。
再者西班牙同英法嘅殖民方式唔同，西班牙人只係男丁過去，而英法係成家成家人咁移民過去。
所以呢美國嘅原住民係比白人係咁拓荒墾殖咁失去生存空間，所以美國而加係白人多數嘅國家，反而拉丁美洲係西班牙人征服大量人口，西班牙人同印第安人通婚，所以南美大多數係混血嘅mesiizo人口。
咁入正題先。
疾病
其實呢樣野大家讀歷史應該都好清楚，就係原住民係因為疾病而大量死亡，鬼佬嚟到美洲，帶來天花、霍亂呢啲虐疾，由於鬼佬免疫，但原住民就第一次感染無抵抗力，所以就算感冒都可以死好多人。因為呢個原因，所以原住民人口減退
患上天花嘅huron族人
呢啲疾病係令到印第安人少咗成一半甚至七成人口，所以原住民開始衰落。
美國嘅擴張
真正令原住民衰落係美國嘅獨立，而過程又分幾個階段。
獨立戰爭同親英嘅原住民
1775年，美國獨立戰爭爆發，呢場為時8年嘅戰爭又導致原住民內部嘅分裂，事源係有啲原住民例如mohawks係親英嘅，但係場戰爭爆發令到佢哋討論應該親美定親英好。而因為大陸軍係有襲擊啲原住民，同埋本身易洛魁人係同英軍friend，所以就有啲部落去咗英國嗰面，但係另一方面，因為有啲部落係同清教徒fd，甚至受洗咗，所以就去咗幫革命軍。
cherokee人同英軍對峙
易洛魁人同大陸軍開片
咁美國獨立成功後，有啲印第安人喺1812年戰爭都有幫英軍打美國嘅，有啲印第安人之後怕美國報復過咗去加拿大。
西進運動
真正令原住民衰落可以話係西進運動期閒嘅拓荒者。
首先iroquois同英人係結咗盟，所以英國係禁止啲人向appalachian mountains以西拓展，但美國獨立咗之後就開始拓荒。
其次美國喺1803年喺法國度買咗louisiana 一大片土地，所以開始西進。
昭昭天命
喺19世紀初，美國開始有一種思想叫manifest destiny，認為美國民族同制度良好，同埋要阻止歐洲喺北美嘅威脅，所以要有呢個天命向西拓展，西進運動因而開始。
由於白人持續向西殖民，所以大大威脅咗印第安人嘅生存空間。
喺1830年，時任美國總統Andrew Jackson甚至簽咗條《印第安遷徙法案》，比啲白人可以霸佔印第案嘅土地，好多印第安人失去土地，失去糧食，所以餓死。
Andrew Jackson
《印第安遷徙法案》
被迫遷徙嘅cherokee族，遷徙過程死咗6000人
西進運動期間，白人同印第安人成日有戰爭，白人憑住人口優勢，成日獲得勝利，印第安人嘅生存空間進一部減小。
描繪1862 印第安達科達起義嘅畫作
傷膝河大屠殺中嘅印第安人萬人坑，呢場屠殺死咗300個印第安人，美軍死咗25人
拓荒者大量屠殺水牛，令到印第安人失去賴以維生嘅糧食
總結而言，疾病同西進運動令美國原住民衰落，白人移民用人口優勢趕走原住民，下一part係最後一part講原住民，就會講下美國政府後來點嘗試保護原住民嘅權益同埋同埋補償啲原住民。仲會講下近代原住民受到咩歧視同美國人點樣關注原住民嘅權益
唔好意思呢排忙而家先得閒update
推
唔止白人 仲有阿拉伯人
g持繼續