[多字多圖][絕不爛尾] 英國歐聯決賽慘敗之旅

仲有段時間先入到球場
去左周圍行下

法院




市政中心



國家博物館


全部都無開

官方專用車


摩迪同迪巴拉好fd子

進場路線

好似係
不過我完全睇唔明

罪大滔天既人肉廣告牌





經過卡迪夫市場


無咩特別野賣
都係d好似假波衫之類既野

其實中間發生左少少唔開心既事
就係我行行下路
忽然覺得個膊頭濕濕地
原來比隻皇狗淋啤酒
點知佢淋唔中
純粹hi到少少
鬼佬日頭飲酒真係好撚麻煩
又可以扮醉搞事

續

DAY5 續

出番黎
仲未夠鐘入場
就係外圍轉個圈


護城河對面應該係最近球場既地方

呢度影相無分國界球隊
後面幫前面影相
可能我拎住部相機
同完一個影
下個又搵我影
如是者LOOP左幾個先走得


我地坐旅遊巴過黎
無辨法體會英國鐵路
雖然我都算係輕度鐵膠
但都唔會同個銀包作對
時間又差唔多
所以我都係選擇較平既一方

當我地準備入球場之際
保安竟然唔比我細佬入場
理由係佢揹住個背囊
其實個背囊就只係普通出街果D
但都係唔比入
痴撚線

好驚慌都周圍搵LOCKER
但點會搵得到
就算有都比人霸晒啦
唯有行入去附近酒店問埋比唔比寄存
答案都係好一致既否定

當時既心情都幾徬徨
心諗唔撚係呀
黎到最後一步撻Q

最後番火車站搵埋都無
再問差佬
原來FIFA係有個大型LOCKER車比球迷放行李
前提係要有波飛係手

好彩都只係一場虛驚
幾驚真係要成個袋丟左佢

放行李都一樣要排隊
好似有分皇狗同狙兩邊既行李車
唔洗打交

搞完一大輪又番番去大街入球場
越黎越多人

不過好似狙既聲勢係勁D既


我地係三號閘口

今次保安再無阻止

入到去都係要打個卡留個名



其實巴爾呢個手勢都幾核突
不過主場嘛

GATE3

因為我地買既係黃牛飛
所以波飛上面個名並唔係我地既名

曾經都有一段時間係驚入唔到
不過依然係一場虛驚
全程都電腦掃瞄
無人理你個名岩唔岩

26號樓梯


入到球場
望番出去

都真係幾多人排隊入場

千禧球場可以容納七萬四千五百人
係大球場既兩倍
係歐洲黎講並唔算係最大果幾座
不過始終都係可以舉辦歐聯決賽既場地
都有番咁上下級數

千辛萬苦經歷左七七四十九劫
終於黎到我自己個位

雖然係身處山頂位
但係正正踏住條中場線
成個球場盡在我眼底視線之內
第一次黎到歐洲睇波
就係呢場全年最頂級既賽事
我已經想喊出黎

因為恐襲關係
大窗已經關閉左
變到好似室內場咁

時間仲早
球場都有好多空位

右面係皇狗

而左手邊就係狙


我坐既位置既唔係皇狗區
亦都唔係狙區
係雜種區域
完全九唔搭八
雖然視野絕佳
但以氣氛黎講就唔算太好

我前面就坐左兩個支那人

佢地兩邊入波都會起身歡呼
正宗兩邊都唔係人
而且仲同恆大D狗仔一樣
成日無端端企起身
阻撚住晒

所以下次去睇既話
我會揀係淘汰賽主場既賽事

一諗到身處祖雲達斯球場納喊
真係精都出晒黎

等左陣
球員著住西裝入場


之後就出動疤最拿手的絕招
灑水

終於黎到開幕表演










一路以黎
歐聯都係有線電視獨家
望住個電視睇賽前表演
有都等於無

其實表演時間都幾長
但坐係電視機前面
我從來都唔會欣賞
每一年我都淨係諗住快撚D表演完啦

但係今日我唔想佢完
因為我真係好想係度留耐D
雖然我唔知乜水係度表演緊
但都幾有氣氛

表演完
球證入場


合照




如果
我可以再坐落D既話
就唔會係呢D蚊型既相

開波


續

DAY5 終

咁我就真係好正常同比香港更波更HIGH既心情去迎接呢場決實
所以
成場波係一張相都無既
係異地屌晒佢皇狗絕對比係香港屌恆大狗HIGH得多
不過
去到下半場已經靜撚晒唔洗叫



又為別人作假衣裳
望住呢個舞台
真係喊出黎

最近四次打入決賽
全部輸晒
都真係前為古人

場波上半場真係好好J
雖然早段失守
但M子射入世界波極速追和
果後氣勢真係一時無兩
基本上成個上半場都控制戰局
令我覺得呢場同國米對拜仁有D似
但下半場既脫腳
仲有古亞達度既紅牌
結果又一次敗走

但叫做經歷過入波時既狂歡
係歐洲拎個經驗
我認為
將來我還是有機會踏上這個舞台見證皇者既誕生

今年有哥斯達加盟
如果辛度唔走
買多個中場
我有信心出年可以買基輔既機票

而家
我地只能夠頭DUPDUP拎亞軍獎牌


呢個主舞台
係為皇家而設既
係現場睇
絕對係比起係電視機前面SAD十倍





呢種感覺並唔好受
而周圍既皇狗都好似想笑鳩你咁款

但我無好似其他人咁樣走左去
我自己覺得
山長水遠黎到
比咁貴張波飛
應該要睇到最後


真係好SAD

因為閉左天窗
D煙散唔到


右面皇狗大部份仲係度慶祝

左面班狙一早散晒


而我隻腳就因為之前係酒店碌左落床
而家鍾撚晒
唔想走


最後比保安趕
仲話十鎊收買我張波飛
你比一百鎊我都唔賣啦

比人趕狗就跛下跛下落左去看台下層


辛度的確係仲未去到馬些路既水平


伊斯高

皇馬無賣佢真係執到


最後出番去大街拎番個背囊



其實鬼佬除左會發酒顛
仲有D好WARM既
例如有個成個納比樣既意大利佬走過黎同我地攬攬
仲有個皇狗走過黎話尼維特同甘莫蘭尼斯IS GOOD

歐聯之夜係咁樣既結果下完結
同我預想既狂歡之夜係完全另一會事

係等旅遊巴番倫敦既時候
香港朋友話比我知倫敦出左事
又貨車撞人又斬人
而呢兩個地方
我前日先去完
呢期英國真係多災多難

四點半鐘番到維多利亞車站
光己天

等通宵巴士番酒店訓埋最後一覺
就要番香港了

DAY5 完

最後剩番果半日
出多一篇應該就可以完POST啦
咁樣又玩左成個月

我已經PLAN左年尾去鹿兒島
係呢段時間
應該可以出一篇關西之旅

DAY6 終

經過一晚歐聯之後
番到酒店已經四五點
再訓左一朝
十二點鐘CHECK OUT
就去左食係英國最後既一餐飯

前幾晚唔甘心食唔到FLAT IRON
所以今日去多次
不過去左另一間
今次揀左呢間近泰唔士河既
因為呢間係最近IMAX戲院既
食完就可以去睇戲

今日既行程好簡單
食飯
睇戲
完
我地坐夜晚2145班機
好似仲有半日時間
但其實交通已經去左三四個鐘
所以根本無其他野做到

不過相對地
可以好悠閒咁食呢個最後既午餐

星期日既早上
倫敦街頭人唔多
遊客居多
唔知同恐襲有無關係
我自己目測
就同平時無咩分別


可能係日頭
唔多人
唔洗等
大把位
FLAT IRON應該係做遊客生意既
成個場有一半係韓國妹
其他四成係台灣大陸
半成鬼佬
除左我地就聽唔到有廣東話
咁所以服務相對地好
個場仲幾多靚鬼仔


MENU基本上就係種一種牛扒

諗都唔洗諗
叫多一份SPECIAL
今日既SPERICAL係BURGER
所以我地就叫左兩份牛扒一份漢堡
其實應該咁先係岩岩好
一份扒絕對唔夠食

一入黎就送既無味爆谷

唔係GOOD JOB牛扒

漢堡

成個場既重點
菜刀

跟餐既沙律


我自己都算易滿足
所以覺得D牛幾好食
同埋環境都幾好
最重要係唔貴

三十幾鎊都只係同香港扒房差唔多

離開時每人送一杯雪糕

絕對係係英國最好既一餐

最後一日
再影下D街景






雖然我唔鐘意呢個地方
但D建築物真係無得輸
可惜1224支鏡而家先出
去旅行果時無有得支KIT鏡去唔晒

滑鐵盧橋

雖然尋晚死左幾個
但警力無明顯既加強
完全感覺唔到發生過任何事

過左滑鐵盧橋
就係旅程既終點
BFI IMAX

佢起係個回旋處中間

我係戲痴
覺得睇英雄片要去IMAX睇
咁去到外國
當然要試下當地既IMAX係點樣
呢間係倫敦唯一一間IMAX

但去完發覺香港係仲好過佢
個場其實唔大

賣飛既COUNTER

我係上網買既
結果張飛係咁既撚樣

CHEAP到

仲有一件事
我成程英國就只係用HSBC張信用卡買過呢兩張飛
結果一番黎香港就話我張信用卡比人盜用去碌左杜拜幣
好彩既係銀行話佢過唔到數
換過張卡就無事
但明明已經係係官網買
外國真係好唔安全

佢TRAILER就投射係牆上面

DUNKIRK下星期就上
路蘭既戲真係每次都令人期待


高就真係幾高
但個位就真係差過香港好多
我對比鬼佬已經係細粒
但已經可以頂到前面張凳
有人過仲一定要起身先過到
突然覺得ISQUARE睇戲百九幾蚊都算係咁
不過係呢間IMAX睇附送3D眼鏡一對
唔會收番


之前見佢一日播得四場戲
都唔明點解咁少場
去到我就真正明白啦
我張飛寫住兩點半
但去到三點
套戲仲未做
中間做乜鳩?
播廣告
唔係播電影預告
真係賣廣告
賣足半粒鐘
真正係痴撚線
好似我預足時間
唔係我都唔知點撚樣趕飛機

做完廣告
戲院仲有個MC走出黎發UP風
問你期唔期待套戲
一大輪廢話
真心痴撚線

等到無晒癮終於肯開畫
咁套戲無中文字幕就一定
但我無預到佢連英文字幕都無
好彩呢套只係英雄電影
聽唔明就估得到個故仔做乜
雖然我聽唔明
但WONDER WOMAN真係

好! 撚! 正!

廿五鎊淨係J佢個樣都夠
呢套戲絕對係DC翻生之作
一個救全家

睇完戲就趕番酒店拎行李
呢個就係滑鐵盧站


成個機場咁款
呢D火車唔知去邊呢


由我睇完戲
番酒店
再出番機場呢段路
就用左兩個幾鐘
我完全無時間可以食夜晚
所以係空肚上飛機
好彩既係有兩餐正餐

話就話係夜晚走
但個天係完全未黑


飛機餐



係杜拜轉機

番香港LU

黎到呢到
一個星期既歐聯之旅就完結啦
呢個國家我諗將來都無咩需要再去
所以都算係一個唔錯既經驗
第一次沖去亞洲
第一次感受到比人歧視
歐洲同日本的確係好唔同
並唔係一個適合獨遊既地方

而今日更加唔開心既係
邦路斯竟然仲早過保方走
賣比米蘭我覺得都唔緊要
但係係呢個件代40M真係痴撚線
干爹曾經都講過
呢個年代買個二流中堅都要50M
我唔敢講話邦路斯係世界第一
但TOP3就一定有
祖記高層真係太仁慈
球員有離心隨時都可以解約FREE走賤賣
五年前施華個價就40M
呢五年黎香港樓價升左成倍都有
而羅馬賣既中堅個個都過30M
40M係呢個年代係乜都做唔到
我完全諗唔到咁樣係代表乜撚野

發完UP鬼
都多謝大家睇到呢個POST
遊記我會繼續寫既
不過應該會係日本居多
因為已經買左機票年尾去鹿兒島同出年年中去北陸
意大利
應該都要19年先去到
等我儲夠里數換兩張頭等就可以去主場睇歐聯了

多謝咁多位收睇