老豆入醫院，插鼻胃喉搞到有吸入性肺炎

癲狗樓主

插曬鼻胃喉其實好辛苦 外人難聽d講句 俾佢走啦
但作為親人一定唔捨得 大家都明既

應該係醫療事故 支持你一定傾家蕩產都要告醫院

撐住

樓主 建議你立即轉養和
d醫生好好多 希望仲黎得切

文件上寫梗係做齊啦 唔通話抽到pH9照餵咩

公立全撚部都係垃圾，聯合班濕9直頭連搵個位輸血都搵好耐，btw，樓主頂住，有咩事都要去攞返份醫療報告

就算冇食野 都可以嘔
好簡單一個例子
腸胃炎嘔到冇野嘔都可以嘔黃膽水
有冇食野同有冇得嘔冇關係
同埋醫生係危急既時候應該都唔會追究病人幾時嘔令佢有肺炎
只會想處理左肺炎先
咁當然都應該同家屬解釋情況
但希望你唔好因為佢一時解釋錯左就覺得有醫療事故
遲啲再同醫生了解下啦

岩呀。
就算唔齊，好大機會事後都會寫返落去。
但記錄係判斷有冇失誤最簡單的標準

所以點解咁多人係咪都照張chest，出事果陣大家有得講。Xray就好難造假。
但呢d practice就唔係best practice，純粹係保障大家

其實佢講錯野都係有問題架啦。
有d醫生都係好"吞雞”比人問兩野都會口疾疾。
但佢最後個解釋係乜野？

香港不嬲都係defensive medicine

樓主標題黨就話插鼻喉搞到有吸入性肺炎係好唔公道。

插胃喉係盡量避免吸入性肺炎，並唔係導致有吸入性肺炎，除非喺餵奶前冇確認胃喉位置，導致啲奶餵錯隔，例如去咗氣管。

確認胃喉位置係靠驗抽出胃內容物既pH值，夠低pH先至算係啱位。

胃喉作用係將奶直接輸入到胃，避免有吞嚥困難既病人唔覺意落錯隔而導致吸入性肺炎既出現。

嘔吐物落錯隔都係會導致吸入性肺炎。樓主陪得老豆一陣，覺得老豆唔濁，但佢老豆呢幾日住院有冇嘔過？樓主真係覺得自己既assessment專業過言語治療師咩？

利申，唔係做公立

樓主家人有病難受我明白
但係搵醫護人員出氣，你屋企人就會好啲咩？

醫院：任個醫療情況都一定有風險

醫院要維持一個肺癌stage 4病人嘅生命應該都唔簡單
相信有好多情況要靠醫護stablize先生存到呢刻
眼見病人咳同suffer就話醫院無處理乜無處理物
又亂諗嘢甚至指控醫療失誤/虛假陳述
其實對醫護係好唔公道

其實大家都講得啱，琴日真係自己太絕望，周圍搵人搵嘢黎blame。自己情緒出問題，要同大家講聲對唔住


過左一日之後，都已經冷靜左，唔會再搵嘢去賴，接受左老豆病情加劇，同醫院都採取左佢地最好嘅治療方式。

老豆入左院一個月，都一直信任醫院同醫生，加埋唯有自己心裡支持我老豆，希望佢撑到落去。病房護士都一直好照顧我屋企，每日打過去煩都好有耐性同我地溝通。（除左病房醫生成日太忙，冇咩聯絡時間）

今日再入去探左老豆，已經吸緊氧，講緊係最高濃度，肺方面開左抗生素食，而佢有出現咳多左嘅狀況，係佢肺部對細菌出現排斥反應，係好事。

而家都真係要盡量陪我老豆。見得一日少一日架啦。。有時心底想講嘅嘢，反而係日常好普通嘅事，係病房對住佢個陣，反而講唔到出口，自己都想喊，只能夠摸下佢手腳，幫佢按摩下