老豆入醫院，插鼻胃喉搞到有吸入性肺炎

其實算係生死有命，定醫療事故

唔好諗咁多 祝早日康復！

神既考驗

冇人知
要睇下有冇紀錄，例如有冇抽過胃酸，有有照過X光等等。
如果真係做齊曬，咁真係冇計

其實我老豆都肺腺癌stage4，撐左兩年多，第二代標靶藥有哂抗藥性，又入唔到腦，搞到癌細胞都擴散哂，腦腫瘤都7,8粒。。。已經差唔多壓到腦幹

早兩個月停左食標靶藥兩個月，狀態就差到鬼咁。惡化得好差。

講句唔好聽，都想佢冇咁痛苦，早啲解脫

抱歉，我屋企都冇信仰背景

各種唔好彩嘅因素炒埋哂一齊，10月尾入前，已經係卧病在床，郁唔到，手腳都冇力，係屋企靠張醫療床，屋企人輪流照顧同喂食。

10月尾入院，仲有吞嚥能力，食到粥水，但後尾11月，由北區轉去威爾斯，威院個言語治療師去評估，話佢飲水都'俗'親，咁要佢插鼻胃喉，唔可以自己食野，咁加埋佢都有啲咳。。。

然後今日打過黎，講佢情況唔係咁好啦。。已經危急

點解你覺得係醫療事故？

都唔知講咩好。
祝褔你屋企人

未必係醫療事故
但確實有可能係hospital-associated
不過某程度上都冇計
見你話其實都stage4 情況又唔多樂觀
可以考慮下d palliative care
等佢舒服d

其實情況咁差 你自己都心裡有數
唯一希望就係去得舒服啲 唔洗再受苦

因為醫院方面唔會幫手喂食照顧，而簡用左鼻胃喉，話係減少佢有吸入性肺炎嘅風險，而又冇顧及到佢本身係咁咳，或者肺已經有事方面。

原本佢今日有安排電療，中午兩點鐘開始，咁我就入左醫院去探佢，12點50已經到，見到佢已經有咳，但冇力咳出黎，而護士講，因為佢氣'束'，咁就停左佢電療安排。

醫院評估過佢情況係危急，咁可以留耐啲陪住佢，我留到4點鐘先走

反到屋企5點多，醫生打過黎講，佢電療期間嘔左出黎，搞到有吸入性肺炎，我就話我留左係醫院好耐wo，佢都冇去電療，醫生先急住改口

我信邊個好

岩 由奇老人家/免疫力差人士
長期住院都唔多唔少感染其他野
但又無可避免

...

公院人手太緊張，搞到咁樣

我今日陪佢咁耐，一啲想嘔嘅狀況都冇，個口同嘴唇，乾燥到爆哂拆。我咪用棉棒濕小小水佢飲，又唔可以太多，怕''俗"親

最多係咳，咁因為係留院在腫瘤科，我唔通屌佢地話唔交畀內科睇佢個肺嘅發炎狀況咩？

會唔會 4-5點鐘有電療？

咁佢改口，講左咩？
咁都係嘔所以吸入性肺炎？定因為咩？

但問題係佢又入左院，我都想佢留係屋企照顧佢

嘔左出黎，搞到有吸入性肺炎
如果佢自己嘔 應該就唔係醫療事故啦?

白普理都有聯繫過，我地都有考慮，但佢個邊會用最重劑量止痛&麻醉，會差唔多不醒人事咁

問題就係醫生講大話囉，你都唔洗屈一個冇食到嘢嘅病人，又取消左今日電療嘅病人，喺電療期間嘔?

如果情況穩定左問下醫生可唔可以帶佢返屋企行埋最後段路？
插唔插鼻胃喉都有機會引起吸入性肺炎，吞嚥能力下降、食野落錯隔入左氣管都會引起肺炎。
點都好，我覺得花多啲時間陪屋企人係最重要。
加油！