老豆入醫院，插鼻胃喉搞到有吸入性肺炎

同佢插鼻喉餵奶，都可以嘔㗎，唔係咩？

有冇問清楚嘔係今日嘅事定係星期五電療期間？

雖然你爸爸要做電療係慘，但嘔係其中一個常見副作用wo

情況唔穩定點做電療

陪多啲屋企人啦

唔知有冇理解錯
佢冇用口食野，但有用胃喉落奶？

星期五個日，電療都取消左架，最後一日電療係星期四嘅事，而星期六同今日，我都入過醫院睇佢，問過負責佢嘅護士，係氣束，但冇嘔

用morphine同fentanyl即係加快送佢去死

插胃喉其實真係幫佢減低左吸入性肺炎既機會
因為條喉直接去到胃
而且係醫院 每隔幾個鐘/比奶之前都會試左啱唔啱位先
如果冇胃喉 比佢自己用口食 重打機會掉左啲食物落肺 搞到肺炎
如果你想 完全減少吸入性肺炎既機會 係完全啱唔係胃喉餵奶
營養液係中央靜脈導管比佢 但係咁樣又有其他感染既機會
所以多數情況 如果佢消化道冇事 都會用返胃喉比佢
如果佢電療緊會嘔 我諗醫生都會開啲止嘔藥比佢

聽日辦公時間再打上去問醫生。
今日係主診醫生定house man(實習醫生）覆你？
相信你聽日都有恩恤探病，花多啲時間陪爸爸

主要插胃喉既原因唔會係冇人幫手餵食
係佢吞嚥有問題先會咁做

得罪講句 醫生插喉前應該有提過相關風險？

因為已經有啲嘢，塞左細嘅氣管，醫生講哩幾日會係最critical，崖唔崖度呢，就係未知之數。。。

我理解啊，所以醫院取消左佢電療安排囉，原本要電兩星期，電左4日（到上星期四）就停左

所以都有同其他組織聯繫，東華三院在家安辭，老宅醫友之類個d

原本威院規定，單數床號病人，只可以單數日子入去探，而且限一星期兩日。每次一個鍾。

咁而家特例，可以每日都入去陪佢

理解，因為有言語治療師去判斷過佢情況，咁我都唯有相信醫院

重點係佢咳個方面，醫院冇處理，我都只能夠唉出聲

佢地個時嘅講法，係為左減少進食時有吸入性肺炎嘅發生，但而家就。。。

雖然用咗鼻胃喉食物可以直接落胃，
可以減少食物落氣管而引起嘅吸入性肺炎，
但係其實只要有細菌經口部入氣管都會引致吸入性肺炎，
加上用咗鼻胃喉之後咽喉肌肉冇點郁過吞野，機能差曬，
當口入面有細菌嘅口水/ 嘔吐物跌入氣管，就會容易肺炎

依家好多研究都發現鼻胃喉其實冇辦法減少肺炎嘅風險 不過佢嘅意義就係至少可以補充身體充足嘅營養，俾個身體康復，始終有吞咽困難濁到咁，都食唔到啲咩營養落肚

可以 search 下 comfort feeding 嘅概念，俾 palliative care 中嘅人仲可以感受返食野嘅感覺

其實末期肺癌仲有腦擴散 就算無做電療都可以嘔

你爸爸係內科病房定腫瘤科？
講真如果係本身內科病房，去咗做電療而中途無做到，之後番去內科病房
主診醫生未必即刻清楚佢有冇做到電療，要靠負責護士update，或者詳細睇番牌板
但有機會佢見到你爸爸情況緊急，好快通知咗你先，以為佢做咗電療

佢插完胃喉之後有冇餵過奶？如果有，咁伯伯一嘔其實都好大機會吸入性肺炎