又一好萊塢大導大力抨擊超級英雄電影，Ridley Scott認為這類電影「既無聊，又沒營養」

你唔食左飯先入餐廳咪覺得唔夠飽囉咩撚野邏輯

好撚好睇喎

1. 你完全冇回應過我論點，我話：「咁樣完全按市場需求去拍戲排片對行業發展唔健康喎」，你就話：「市場係咁㗎啦」

2. 「比心機做好自己」呢句真係人唔笑狗都吠
而家咪就係啲導演比足心機拍套好戲出嚟都唔夠Marvel流水式作業（唔否定Marvel導演冇比心機/唔想拍好戲）收得囉

而家市場就係唔reward有藝術價值/反思嘅戲，資方院方重要推波助瀾，你話長久落去重邊有人肯俾心機去拍戲

3. 認真答你點解要屌Marvel，答案同你想講嘅一樣，就係市場

基本上，覺得Marvel戲好好睇嘅觀眾去睇嗰班大導拍嘅片都只會覺得唔識欣賞、係悶片，所以奶Marvel fanboy嘅效益=0，反而有機會降低自己個tomatomater添

相反，你大大力屌Marvel戲係垃圾時，Marvel fanboy見到自己心愛嘅電影俾人踩到一文不值時，反而會想努力去反駁，去轉載佢嘅言論（例如樓主），bad publicity is publicity ，其實都係leverage緊Marvel嘅龐大fanbase去幫班大導宣傳新戲

Marvel fanboy以為自己喺度捍衛Marvel電影、喺度鞭啲「大導」屍，其實只係幫人做緊免費宣傳咋

Civil war 已經唔止係爽片啦
根本唔係做唔到，係唔做啫
劇本認真寫又係收得，hea寫又係收得
做咩要認真寫？
花多啲心力落多啲彩蛋，放多啲lgbt已經夠人有排j啦

劣幣驅逐良幣
步緊手機遊戲市場後塵
一堆速食game可以用最少時間賺最多嘅錢

我始終相信超級英雄漫畫咁耐歷史嘅野，以佢為基底係一定可以寫到好多好好嘅劇本出黎
做到爽度深度都有，兩樣野唔係二元
只係唔肯花心機唔肯冒風險啫

你都幾撚on9同好笑。
我成個post第一個回覆已經講緊
對爽片要求有營養，呢個重點已經重撚哂。
Mcu可以成功十年，唔係因為佢做得好有深度，好有營養。而係因為佢識得滿足市場口味。電影商唔係善堂，想要只係錢，唔係要教導觀眾咩野人生大道理。要怪marvel怕一式一樣片，不如問下主流觀眾點解睇左十年都仲肯比錢入場。


我後幾個post都已經講埋「花無百日好」，人會有審美疲勞。到主流觀眾群睇厭英雄電影時，電影主流自然會重新洗牌。ironman之前，英雄電影都唔係主流，唔通又係因為電影商同戲配合做到mcu成功？
海賊王當年又何嘗唔係紅極一時，結果每篇故事一式一樣而家咪又係縮左落去。

睇呢幾條友導演唔順眼單純，最憎呢種踩低別人抬高自己撚樣。有本事就自己拍套戲，好似當年ironman咁改變而家主流出黎。

其實係成個社會都趨向鐘意D 膚淺, 即食既野
遊戲界既手機game, 電影界既爆谷戲普及
其實冇絕對上既好唔好, 你覺得冇營養, 但事實呢D 戲賺到錢, 養活到電影業好多人
一味拍D高深既戲, 票房上面冇保障, 應該會打擊好多電影從業員既飯碗
反而而家咁樣, 你睇得爽, 人地又可以持續發展電影業

杯面已經係，簡單快捷入得口。
不過個合味道越食越細個屌佢老母。

其實好多人又鍾意睇佢又鍾意睇Marvel

依家又唔係一人一個月只可以睇一套戲，做大個餅唔係壞事

超級英雄只不過係包裝好d嘅特攝片，內容只係超人打怪獸，腦筍未生埋先會中意

真啊,畀呢啲垃圾戲霸曬啲埸.

又有大導演屌啦，Marvel點算好

你用字面理解公眾人物喺公眾場合講嘅嘢，個重點已經錯撚哂
班大導日屌夜屌Marvel，一唔係想教育觀眾去學欣賞電影，二唔係想Marvel改善佢嘅營養標籤

第一點上面pt 3講咗，唔重覆

跟住先係真正嘅重點
類型電影充斥一時根本唔係第一次發生，但有冇人屌過西部片is not cinema? 有冇人屌過黑幫片is destroying movie? 點解偏要屌Marvel

Marvel最特別唔係佢係superhero片，而係佢成個production model
1. 當連續劇拍，每部戲只係大主線嘅一part
2. 由選角、編劇、配樂到拍攝都係公式化（就嚟連揀導演都要符合lgbt+)
3. 為咗維持個hype所以一年出3、4部片（以前再賣座嘅系列都係幾年先出一部）
4. 行政主導，導演creative control下降，創作自由減少

1同2其實都冇乜嘢，好多franchise movies都想咁玩

但加埋3就有啲問題，因為其實開一套戲要同studio搶budget、同業界搶crew、同演員搶檔期，重有片場booking等等
你Marvel一年3、4部霸鳩哂d資源，好多其他project就批唔到，如果導演track record勁、本身有牙力都重勉強fight到budget去拍自己想拍嘅嘢，新導演就更加唔使講，除非你去拍Marvel（所以好多Marvel導演都係indie出身）

最最最最最大鑊都係4
喺Marvel電影入面，「導演」唔係一個創作者，只係一個執行者，負責執行Marvel Studio嘅vision，為成個故事線鋪路；你放好哂彩蛋、伏線，拍好哂俾人打飛機嘅場口，其他嘢其實鳩拍都冇問題

呢個模式先係Marvel公式化、零藝術價值嘅主因，同市場想要睇啲乜完全無關呀
西部片風潮、黑幫片風潮都有無數經典誕生
甚至超級英雄片當中都有Spider-Man 2, The Dark Knight
反而Marvel一直走唔出popcorn movie就係因為制度問題

過去都唔知有幾多個導演因為「creative differences」而被Marvel Studio踢走（Edgar Wright重要籌備咗Ant Man 8年）就係Marvel電影不斷挑戰「導演」嘅creative control
重點係Marvel電影嘅成功只會令其他想學Marvel嘅studio有更多理由去擠壓創作自由，只會慢慢令其他電影都更加公式化、更加zero risk taking、更加合家歡fan service
按呢個趨勢，可以預見今日，甚至十年內嘅荷里活會越嚟越難拍出Shawshank Redemption, Fight Club呢啲票房失利但後來封神嘅電影

所以到底係導演們踩低Marvel電影抬高自己，定係Marvel電影唔尊重「導演」呢個位在先呢？

Tl;dr 而家唔係屌你無營養，係屌你搞到全個餐牌都係得啲冇營養嘅食物呀

史泰龍/阿諾/Bruce Willis都係冇演技

但史泰龍寫劇本一流

佢地起碼都唔會令我出左戲，the rock條友真係一出現就會

Pain n gain做ON9仔 做得幾好

唔係淨係講內唔內涵既問題
係講故事千篇一律, copy&paste
犧牲左每套英雄片可以有既風格, 敍事
E家華納又學埋呢d野去搞dc

英雄電影來來去去都係果啲野
視乎果個英雄吸唔吸引到你入場
係無乜大道理架啦

係 睇果陣就正
睇完都係水過鴨背

Last duel係我今年入戲院睇過最好睇嘅戲