問下大家肛裂點好番

冇得搞，係一世嘅。就算埋咗口，你有一日痾硬屎時都會爆開

我試過。
飲多d 水
食火龍果
如果係治癒中， 想去大便就盡量去左先，唔好忍到返屋企先去。 積壓太耐，會太硬。
睇醫生，醫生會叫你買隻藥沖水飲，軟便的
去大便時，唔好太用力。
開頭大便見血都唔駛咁擔心，放鬆d ，唔好整傷個傷口。

重要係睇左醫生先。

痔瘡

換男朋友

認真 幫屋企裝返個日式電動廁所啦…

我同你一樣好過又裂開，不過我係成日好完又裂果隻，冇真正斷尾，呢半年幾既心得你可以參考下：

記得唔好食烚菜，就算食都要落油
最好就炒菜，夠多油，食南瓜都好work，整淋啲屎，水溶性纖維同淋野食好work

生果既話唔知你硬屎定淋屎，我蘋果/香蕉/番石榴對一般人通便，但我一食就便秘
有核既奇異果同火龍果我都唔食得，唔知點解啲核都可以刮到我屎忽唔舒服，同埋唔可以一次過屙清啲核，當剩低既核隔2,3日先屙返出黎，果一忽就會變硬屎

依家每日食一個橙同梨，橙唔好食核，梨都容易便秘，所以我有時會加水用攪拌機搞碎黎食

我每日咁樣食，喺唔喺屋企都咁食，唔知幫唔幫到你：
起身600ml水
扭腰整便意 搽cream屙屎 沖屎忽
再飲300ml水
早餐 麥皮+乳酪
飲300ml水
隔一個鐘食橙
飲900ml水
午餐 半碗菜+少少肉+一碗飯
飲乳果糖
隔一個鐘/返到屋企先食 梨
再飲1000ml水
晚飯 一碗菜+少少肉+一碗飯
再飲乳果糖
再飲多600ml水
臨瞓再飲200-300ml水

每日4L水左右，起身/飯前/飯後都一定要飲水，但唔好食飯時飲，會影響消化，要飯水分離

唔一定完全work，因為我有時做齊哂都有硬屎，但大部份時間都淋

但咁樣做有冇好轉？

你太剛烈

好幫得手其他人都淨係識得笑樓主，得你一個俾到個實質嘅方法岀黎幫佢人性光輝

飲多d水啦 咪再屙節瓜屎啦

買膳食纖維粉食(美達施)
食完之後啲大便會易屙好多

有，因為飲多左水，同埋我研左幾個月，發現每啖都有菜+肉+飯，啲屎係滑身啲淋啲
加埋乳果糖同狂飲水，再食2個通便生果，淋上加淋(自己要計返全日食左幾多纖維)

同時做埋我晏晝覆過你既野，基本上一兩個禮拜好快好返，最緊要係唔好扯到傷口，我一損就唔會烏低痞低上落樓梯

但因為有傷口，再淋既屎都會痛，我前幾日損多次果幾日(食左煎炸野同趕唔切搽cream)都係淋屎都痛，但已經唔係之前果隻裂開哂既痛，純粹係屎摩擦傷口既痛，頭2,3日痛啲，第2日痛過第一日，因為屎會撑開傷口，捱過呢幾日就好好多

提返你，屙屎/坐其他地方唔好吊腳，吊腳就要加張櫈，一吊腳屎忽窿就用緊力，自然扯到傷口

最緊要飲多啲水，食多啲有水溶性纖維既菜同生果，唔好食/食少啲粗纖維，食少啲難消化既野，戒哂煎炸同辣

不過我依家就算識得好返，但硬少少粗少少或者屙屎前唔搽cream就會損

之前係咁，無理一年多d，唔會自己好的，中醫都無用，搵西醫做個手術24小時出得院，2～3日乜事都無行山都得，唔好拖整完就乜事都無

收到風呢個係樓主

除左玩屎眼 仲有咩會搞到肛裂

係醫生建議你做定你自己要求做？

感覺都幾麻煩 係咪做手術會好啲？直接斷尾

唔知你直定曲，不過我當時應該係因為坐廁所打機坐親就成粒鐘造成

醫生建議，做完2，3日行山，屌啦星成個人好似重生咁，之前肛裂keep住會有少少發炎分泌，每一個鐘去廁所抹一次，做運動行山滑雪勁唔方便，做完完全無事，不過以後都食好多菜飲好多水唔坐廁所咁耐

醫生冇建議我做 我覆多幾次診睇下點先

撚太粗