小弟係梅花間竹咁去九州&北海道, 大約9年前第一次去日本就係去北九州, 感覺所有野都好新鮮好正, 拉麵好好食, 行門司港好舒服, 睇紅葉浸溫泉, 果陣係朋友帶我周圍去玩, 已經有好好既初體驗
幾年後, 6月夏天去北海道富良野睇花, 雖然花未完全滿開, 但一大片花田真係好靚, 7/8月黎應該 perfect, 札幌又有祭典, 條街氣氛好正, 函館夜景, 登別地獄谷 etc, 雖然去北海道係轉折少少, 但真係完全值回票價
跟住好似前年試下獨遊鹿兒島, 去左睇櫻島火山, 浸下霧島溫泉, 落左去指宿, 周圍逛下公園水族館, 品嘗黑毛牛同黑毛豬, 享受下me time 好寫意
到2020年頭武肺爆發之際, 掙扎過去唔去多次日本好, 結果冇令自己後悔, 去左北海道+旭川睇雪祭, 咁大個仔第一次見落雪同埋體會阿寒湖一片白茫茫冰天雪地既感覺真係有今生冇來世
所以最後都係揀唔落北海道定九州好