Bowtie保險有無人用過？

家族病史，其實唔講佢地點知

你知唔知咩叫自願醫療保

要供樓 諗住買200萬危疾 買唔買番bowtie

傻鳩

佢意思係自願靈活醫保同意外保既入院賠償，呢part係重覆咗，只用得著意外時去睇跌打或脊醫

同老母51歲買左份Cigna top up自願醫保 5萬墊底
諗住搭多份bowtie 標準plan 同埋老母公母醫療
應該夠做
不過老母最多做多十年八年就退休

Bowtie 冇免找數 呢樣好重要

打搞下 如果經broker買bupa 同經自己買有冇咩分別？ 個broker講到到時會幫我跟曬咁

我自己同仔仔都係bowtie

冇分別，係多個人幫你跟，同價的

睇你鍾唔鍾意有個人幫你了，唔鍾意俾人知道個人資料就上網買，唔介意又想有多個渠道幫手就揾broker

收到 感謝秒速解答

唔使客氣

Bupa Claim錢極極極極極極手緊
從來未聽過有一間保險公司係可以煩到咁
如果你睇網絡醫生仲麻煩, 有d明明話係, 但去到先知已經唔網絡醫生

限死用港怡

想問下如果我只有公司醫保，靈活被外再+pink定港怡好？一開始俾港怡個體檢吸引到（有得揀做割痔瘡手術，私家做好似安全啲），但pink日後個保障好似好好多………

坐低諗一諗自己既需要，幾多歲，身體健唔健康，有冇家庭負擔，真係病左會有咩開支，咩病係你病唔起，負擔到咩程度既保費。

買保險其中一個盲點就係覺得有一個保險好過另一個。事實係每個人既需要同負擔能力都唔同，冇人比你更清楚你應該買咩保險。同埋香港保險市場競爭好激烈，唔會有coverage差唔多但保費差好遠既情況出現。

請問大家有無人有聽過藍十字？
比較完高端自願醫保，覺得藍十字個plan 都幾平均
但唔知藍十字一般服務/claim 錢流程評價係點

高端自願醫保，我未望Bowtie Pink

另外幾間我每份都有d擔心嘅地方唔知點揀好。

FWD 尊衛你（25000自付費）- 保額8m 每年，45m終身，無細項限額。有次級病房，日間手術現金、額外住院現金。但年度保額怕醫療通漲唔知第時夠唔夠用，另外入院前後門診有上限 （1 / 6 次）

AIA尊裕 （25000自付費）- 保額10m每年，50m終身，無細項限額。住院定義要求連續不少於連續6小時，有人話AIA理賠好嚴格，特別咩係醫療所需定義,會影響賠幾多。但plan 內容比較多其他額外coverage，例如次級病房，日間手術現金，營養師門診，etc，保費老左之後係幾間黎講最貴。

藍十字尊悅 （20000自付費）-保額10m每年，48m終身，無細項限額。住院定義要求連續不少於連續6小時，價錢同FWD差唔多，平AIA少少，但coverage好似比FWD多，例如入院前門診上限2次，手術後90日所有門診，免費身體檢查。

Cigna 靈活優越（25000自付費）-保額30m每年，終身無上限。包入院手術前30日手術後90日所有門診，同埋特別有講包質子治療，伽瑪力，數碼導航刀。但細項每年度有保障日數上限，病房、主診醫生巡房、膳食費180日；深切治療25日。

bupa 非凡智選（40000自付費）-保額25m每年，終身無上限。包入院手術前30日手術後90日所有門診。差唔多保費情況下需要較高自付費（例如bupa $40,000 自付費plan,保費相當於AIA $25,000 自付費plan)。投保前未知已有病症要等4年先全數配償（另外幾間最多保單生效後31日）。另外呢個post 好多人都話bupa理賠體驗麻麻。


入院前後門診次數
年度保額
理賠經驗

大家認為重要程度係點? 呢幾間係呢幾分面個分別大家認為邊樣重要d可以分到高低？