玩左幾日 目前推到老兵第二章中間
想俾d心得各位新買game 既巴打參考
首先奉勸大家如果以為好似L4D咁爽射走通關，就退左嗰game佢，呢隻真係無可能。
同埋新兵，老兵難度個gap係同西隧一樣咁寬，差別好大，可以話老兵先係呢隻game既原始難度，睇返佢補給分既獲得量嗰到講，新兵-50% ，老兵基礎，噩夢+50%
不過，雖然老兵係難， 但如果你肯開mic玩，絕對會好玩好多同易通關好多。因為過程中真係好需要溝通合作
試過入左一場，個外國場主係到等人，話自己卡關左五個鐘，所以一入黎就話加discord一齊傾一齊打，比佢嚇親
，雖然最後都入左，最後都發現唔開mic溝通打，真係好易輸，嗰日順勢同嗰場主一齊推到第一章尾 係爽既
至於溝通d咩：主要都係唔夠彈就要問人丟，特別係shortgun燒彈快，善用Q制，將d資訊Pin出黎俾隊友，大隻特感出現Pin出黎第一時間聚火到其實壓力係頂到，d烏鴉啊 寫住alarm notice既響門，俾特感綁住左，好多嘢都可以即時Pin\講俾隊伍
配卡同角色到，目前近戰坦同醫生既重要性比較高，近戰如果唔夠卡可以無，但一個肯執錢，幫回血買繃帶既醫生真係幾重要，有人做呢個角色，成程會舒服好多。
地圖設計到，我玩到第二章中間都發覺係重複左
但佢既腐蝕卡設計細又真係有效 同一張map有出迷霧同無出迷霧又真係2回事
另外有隻告密者既特感，要用手榴彈一嘢炸鳩死佢先唔會比佢叫到爆屍潮，唔好以為好似L4D咁用散彈直接秒到佢 佢一樣會叫
沼澤怪就真係一個on9嘢， 應付方法就係
冷靜，
唔好打到佢，你係可以0距離接觸佢都無事，佢之所以行黎行去 就係因為想搏你打佢，觸發佢追你。試過有場同frd入左資源屋，有隻沼澤怪行左去門口唔郁卡死我2個 要等佢行開我地先走到 笑到on99
希望weekend可以推埋落去
