[求大神] 天花滲水，食環屋宇都做晒色水都搵唔到，仲可以點做？

搵師傅做磅錶 <-- 咩黎, 可以測到野?

好少聽水管會放響自己單位天花石屎裡面, 做明喉掛響近天花高位就好常見,
行自己單位地板都常見
唔知你屋苑起樓咩設計

留意下滲水頻率 固定滴嘅大機會食水/沖廁水 冇固定嘅就排水設施 除非你住舊式公屋啲排水管走屋內 否則好多時滲水都係沖涼水

如果上層合作搵公證行驗最好 再唔係自己買啲色水同樓上浸浴缸+地台

利申以前做物管

你影下啲相睇下

色粉佢係試排水口。咁好大機會係樓上嘅上水位 漏水

樓上業主改過條食水管，仲藏左喺石屎入面，結果渗漏去哂我同事屋企個厠所天花，所以幾年來一直以為滲嘅係汚水囉。

舊式居屋，呢條係入屋食水喉。咁入法會唔會走天花？

你自己唔知自己條喉點走？

食環屋宇垃圾嚟
做嘢又慢又搵唔到源頭

屋企年頭樓上漏水都係咁，搞咗大半年話唔會再調查落去

應該禁講， 水喉行天花 係行明喉的，會有假天花，打開假天花就見到， 打直的牆身一般都係在石屎內既暗喉。
你最好影一影滴水d相睇下。大約都可以估到
利申：1x年新樓建築經驗

呢個位見到有水滴出黎，位於廚房角落位。
食水喉會係果度附近？

睇得唔太清，但大機會係樓上， 如果係天花板就9成9係樓上， 如果係直牆頂既角位 有低機會係你自己問題。
你呢個case 天花樓板 唔會有水喉。

咁D水係邊度黎，好有規律咁滴，日夜都有，應該係食水黎

Lm

樓上相同位置食水喉問題 機會極大。 你試左自己關水錶先，唔得就係樓上，但人地唔一定合作。。。。
日夜都有滴，9成9係來水喉問題

睇個樣好似係水喉漏水
樓上合作就叫樓上閂水掣半日睇下會唔會停滴或者滴慢咗

真係搵唔到就搵測量師行，可以claim返樓上

依家關左水錶，睇下聽日咩結果

已經關左水制12個鐘，今朝仲見到有水，份量同之前差唔多，肉眼辨別唔到有無少到。依家未開水制，但滴水位仲見到有水滴，似乎可以判斷唔關我食水事？

邊路係好明，可唔可以講多少少個程序
先搵公證行check咗係上邊責任，然後自己再做維修？跟住去邊度告佢
我都奶左野，個廳之前只係跌灰，依家開始滴水

當時廁所天花板滴水，搵上面業主佢又唔so我，之後我就搵咗公證行做檢測，公證行話最好可以上埋樓上個單位睇同做檢測，咁樣會準啲。

公證行幫我打電話俾樓上個業主，嗰陣時佢就開始驚，竟然好合作肯開門比公證行入去睇佢浴室嘅情況，公證行大約用咗一個月先出報告俾我，裏便就話係樓上業主責任同埋佢出埋損失評估，維修的話需要幾多錢。

我就將公證行份報告交比樓上業主，我要求佢賠償公證行出嘅評估報告的維修費嘅七成(因為我知道都冇可能百分之百claim足），我限佢14日內賠償俾我，同埋維修佢自己個單位，如果唔係我就會搵小額錢債。樓上業主就好合作，佢即刻搵人整個單位同埋俾錢我，咁件事就完成了，之後都冇再滴水。一定係佢維修完，你先至再維修自己個單位，因為佢一日唔維修一日都會滴水，你樓下點整都冇用。

嗰陣時我問公證行，假如樓上業主唔肯開門俾我有冇辦法。公證行話佢哋有儀器，佢哋都可以出到份報告，不過始終冇喺上面檢測咁準。


因為如果你要告樓上，一定要有份公證行出嘅報告係手，證明係樓上責任，先可以走去法庭告佢，只要你贏咗，樓上就有責任賠償你嘅損失。

實在太感謝你了！
今次係上面劏房爆唔知邊度水喉，個業主都知衰，叫左師傅上去整左水喉，暫時等睇下晝重有無滴水

不過就見到天花板好多灰甩曬，我估計樓上個仆街業主未必會搵師傅整我屋企
我諗我要學定你個方法，起碼影曬啲相做紀錄然後大佢叫佢整，唔整就公正行

如果佢已經維修咗佢個單位，你再搵公證行就冇用了，因為一定係仲滴緊水的時候搵公證行，公證行先出到報告話係樓上嘅責任。如果佢已經維修完，等如毀屍滅跡，你搵公證行去check已經check唔到證據