[求大神] 天花滲水，食環屋宇都做晒色水都搵唔到，仲可以點做？

係的，上網搵滲水調查公證行就可以了

應該咁 籠統d 講係分供水系統漏定排水系統漏
如果排水系統漏就會受用水習慣影響(浴缸個去水漏咪沖涼果時漏多d, 唔沖果時咪唔漏)
而因為水係隨時谷住響個供水系統入面既, 所以如果供水管漏係會24小時均速咁不斷漏
你其實真係可以搵日響屋企睇下係唔係有時漏有時唔漏
半夜漏少d/唔漏就應該唔係食水管喇
你記得要得樓上個住戶表明同意某時段做停水你先好走去關人地水唔好無情情關左人水, 呢樣野你可以叫管理處代你問問樓上約
其實如果樓上真心有心處理既話, 要試要維修係有限時間既啫, 話晒都係一場鄰居啦, 加油

我專業既。 話比你聽 我肯定唔係隔離屋 , 一係你自己屋企，一係樓上單位。
兩個單位廚房隔幅石屎牆 要d水走到過黎佢單位應該浸曬。

我有個盆裝d 水，尋晚訓前突登倒晒，今朝個盆都有水，即係24小時均速漏，咁似係供水系統漏？
廚房角落天花位置係咪我自己單位供水系統，多過係人地. 巴打你建議關水，係咪應該試下我自己單位先？

可以用紅外線相機照照懷疑位置的外牆, 有某D管理公司工程部會有, 雖然多數要問內部借

如果你冇睇到佢有時唔滴既情況, 或者突然勁多水漏既話, 咁就似喇
你知唔知自己單位條水喉藏響邊? 新樓同公屋有d鍾意掛響單位既天花高位, 然後用假天花遮, 等你漏水果時推開假天花就睇到, 但應該唔會咁on居藏響天花石屎內, 如果真係咁不幸暗藏響石屎天花之內既話,咁就試自己啦

綜合其他巴打分分析, 廚房天花滴水, 均速, 半夜都滴, 無味
係咪好大可能係自己供水系統穿漏

係。 你可以首先關水錶一晚 第二朝睇下情況如何。

佢有個外判尊業測量公司，専門獨立報告，但未如公証行可以做呈堂文件

我見開果份公正行報告，有曬報告，律師信，要求賠償價錢 成set.
簡單黎講就係唔賠償個價就法庭見

ON9 公證行咪又係落色粉
你覺得有分別？
有時D色水格好耐至出現

用滲水辦外判嘅測試公司嘅報告交上法庭，法官要求公証行報告，而我係指出呢份係專業人士報告，比公証行更公証，後來對方知道理虧而願意庭外和解，由滲水辦至上庭，歷時兩年多

每年俾咁多管理費都幫唔到手？

如果色水都搵唔到，可能係外牆滲入又唔定，燈喉電梯槽又唔定，如果有相熟師傅睇吓會好啲，慳過搵公證行，滲水呢啲野好撚麻煩

經過上面幾位巴打意見, 我開始覺得關自己事
今晚同管理處傾下停一晚水, 睇下係咪真係自己範圍出事
如果係又要駛筆錢

管理處最多咪幫你同樓上同食環做協調
佢邊有權要樓上做啲咩
樓上賴皮除咗1823同自己搵公証行真係無計

再者管理費好多咩
講到好似住緊service apartment 咁

記得停左水之後開下自己屋企水龍頭仲有冇水到
開幾秒就得, 同埋開左記得要即刻關番個龍頭
有時d 掣唔係成日郁, 會壞

如果天花有生口 ,開黎望一望 通常睇上面會清楚好多，唔夠位的話可以攞電話影。

漏水唔一定係渠，食水管都有可能。我同事屋企天花滲水，幾年來一直同食環屋宇投訴，色水試水差唔多每年都做，後來天花搞到花曬式漏水，都完全搵唔到源頭，最後有個食環officer好心，建議搵埋水務局check，先至發現係樓上食水管問題，攪掂左就冇再出事。

賣左佢

你來水喉暗喉行天花？唔係嘅話邊可能關自己事

就算俾你搵到源頭都唔會有人肯整，拖到你2046，都係交火棒最實際

唔滴水嘅滲水 搵食環好難查 樓上肯配合嘅去五金舖搵師傅做磅錶可能快D

又唔係每個業主都咁閪嘅

單位食水管唔係行天花咩? 如果天花滴水, 會關樓上食水管事? (樓上食水管就放置係樓上天花, 隔到咁遠). 唔知你明唔明我疑問