[求大神] 天花滲水，食環屋宇都做晒色水都搵唔到，仲可以點做？

非常苦惱

食環果啲係用嚟拖時間的，冇乜用

同頭上夾錢搵公證行驗啦

公證行一般幾多錢？有無介紹？

$25000….全面滲水調查…我都有天花滲水

25000, 我只想搵到源頭解決咋wo

依家咁貴嗱？ 十年前左右幫襯過，好似千幾，唔記得我地夾千幾定加埋樓上畀千幾

樓主不如 Google 下問下價，話唔定唔同需要唔同價

其實2萬5都夠比一半成個浴室大執既錢
仲要樓上合作開門先有機會比你去調查
我係你就直接資助樓上單位裝修個廁所冇咁嬲，起碼比完錢一定解決到，唔洗貼錢受氣

依家係唔知邊個樓上要負責，D水係天花滲出黎，D水係邊個都CHECK 唔到，可以叫邊個夾，可唔可以叫屋苑管理出錢
唉，好困擾

求吓樓上快d 維修樓上冇心維修, 講乜都冇用, 唯一個能夠解決問題既人就係樓上果條友
樓上個態度配唔配合先? 同樓上仲有2句就走上去, 乘機睇下你漏水天花個位置, 樓上裝左d咩野, 估下佢咩野漏
最後就係叫佢快d 維修

真 我係樓上心諗
又影響唔到我 仲要我夾錢去證明自己錯
錯左仲要我比錢整
我配合黎做咩

佢地會做咩野測試嫁
做完出報告就自己告樓上？

你屋企滲水位置位於屋企邊個位置？
亦有機會係外牆／打斜角樓上單位慘水都有可能

色水好似得3-4成準，更要好多環境配合。
搵公証行出報告，聽講唔洗過萬

講真樓上係好配合，食環，屋宇，管理處上去睇都肯開門
問題係無證據證明D水係樓上，因為可能係樓上隔離，或者樓樓上
真係上帝先知

廚房角落，叫過管理處上黎睇，因為好近外牆，懷疑係外牆滲漏
但上網講外牆滲漏即係雨水，上星期大雨又真係有水，但呢兩日無雨都有水，咁又乜解究。定D牆入面會存水？

有無全能連登仔搵過公證行，唔太貴又有高科技可以睇穿牆
搵到源頭先有得CLAIM 責任

形容下漏水個情況黎聽下, 幫你估下
聽我講 搵漏水係一d 好煩瑣既事黎, 唔好心急, 要有個方向先知道點樣証明到樓上既咩位漏
首先廚房定廁所定咩房間漏? 有冇時漏, 時唔漏既情況?

係廚房位滴。本來滲水位就係廚房牆邊位，唔近窗，牆另一面就係隔離單位，D水滴下滴下，食環做濕度測試只係滴果忽有重濕度，再開少少就低濕度。
上星期幾日大雨，滴水位移左去廚房牆角位，一面係隔離單位，一面就係街。滴水情況嚴重好多，一日都半碗水。
叫過管理處上黎睇，懷疑係外牆滲漏，佢拎左D水驗，未有結果。
星期六日好似滴少左，我以為落雨先會滴，但呢兩日熱到仆街都有滴，真係唔明
D水眼見係清, 當然入面好多灰肉眼睇唔到

我搵過公證行，大約半年前搵，當時因為浴室天花漏水，樓上又唔係太配合，所以搵公證行去check，價錢$18,000 ，包括滲水調查及損壞評估。

其實只要搵到真兇，你可以向佢索償，當時我做完調查報告後證實係樓上漏水，樓上業主買咗保險，最後保險公司賠左$42,000俾我，$18,000係賠償返公證行費用，另外$24,000就係賠償我需要維修嘅費用

公證行係咪有足夠科技搵到源頭？我覺得我果位非常刁鑽

唔好排除有2個或以上既漏水源頭既可能性有時意外就係會同時發生

單位打斜漏既機會唔係冇, 但係大部分漏水都應該會首先影響到對正樓下個單位, 穿過埋幅間牆入到你屋企既話, 即係個漏水已經好嚴重 (i.e. 假設你係15B, 隔離屋係15C, 天花既漏水係黎自16C既話, 15C 應該會睇到比你更嚴重好多倍既情況, 除非15C 單位果個位裝晒入牆櫃封死晒/有野遮左睇唔到

聽你講睇黎個滴水似係唔停咁不間斷地滴(i.e. 不受單位用水習慣影響, 可以先試單位食水喉

如果冇停不斷滴既話, 試吓請樓上停吓單位食水供水, 停既方法係要關上單位水錶位置既果個食水總掣, 記住係單位出面果個, 唔係單位入面洗手盤底果個, 試8個鐘(1日先得半碗其實唔多水, 漏得唔多要試長d 時間) 關左掣之後, 請記得要請樓上試吓開一下單位水龍頭, 睇下仲有冇水到/放埋水喉入面最後一啖水

耐心等8個鐘, 睇下8個鐘後, 對比下8個鐘之前, 你天花既滴水有冇停止/少左

重點係睇變化, 如果做停水之前你天花已經冇滴, 可以唔洗試

佢哋係有一啲特別嘅儀器去幫助搵滲水源頭，一定有效過食環嘅滲水測試，但唔係保證一定搵到，假如佢想入某啲單位又入唔到，係會影響最後結果。

當時公證行未派人落嚟，我先俾咗啲相俾公證行睇，佢哋已經話九成九係樓上漏水，但你個case好似比較複雜，或者可以試吓打電話問咗佢哋有冇信心做先

巴打我屋企都試過，搞左成年樓上先願意搞

巴打有經驗，呢個方法可以試下
上網睇滴水不外乎食水，污水，排水，雨水
但D水無味，色水無反應，即係唔係污水同排水
如果係食水係咪會受用水習慣影響？即係半夜理論上滴最少？
真係好煩，做偵探咁，管理處又幫唔到手

你當時都係GOOGLE 逐間問價？