【Housewarming的禮儀】有冇人關心吓屋主嘅感受

成班friend輪住上嚟housewarming，咁熱鬧係開心嘅，同時感慨呢個年紀仲有咁多朋友係福份嚟
但有啲位就唔多舒服，究竟係自己太小心眼，定其實已經冇咩人care呢啲禮儀，究竟仲有冇人同我一樣諗法

1. 冇問屋主就自己帶人嚟
一班朋友上嚟，其中有個friend冇啦啦帶埋另一半嚟（冇玩開、冇見過）
之前計人數時又冇講過，就算唔問，係咪都應該早少少同屋主單聲呢？

2. 帶細路嚟又唔看顧好
比起帶唔識嘅人嚟...更加惡夢嘅係直接同屋主講會帶埋成班bb細路嚟！
明嘅，冇人湊仔要跟身，咁作為父母，係咪要孭返個責任唔好搞到人哋屋企污穢晒立立亂？
食嘢食到成地都係，跳梳化，全屋狂奔撞玻璃，窗簾都就快扯埋落嚟，再唔係阿爸阿媽就自行喺張梳化到換尿片.......

唉已經發生過好幾次，唔通同個friend講「喂唔歡迎細路仔啊，咪再帶佢上嚟」咁咩？

細路放工作平台

1都算, 2真係好討厭

之前都試過有朋友當正係自己屋企咁四圍亂坐亂玩, 搞依樣搞果樣, 父母就咩都唔理, 我真係想把鬼火兜把星落佢個仔度 依D真係冇下次

係啊...所以咪開不了口囉硬食

咁似係你d朋友劣質多過關d小朋友事

太好喇有人明白我
為咗保住間屋唯有幫佢做湊仔公，費事自己心痛，但就冇得同friend玩

冇錯...就係熟朋友先更加唔話得
入睡房跳上床玩又真係好過份參觀完就應該出返去，呢啲叫尊重

哈哈哈個心好想
但跌咗落街就gg

好慘

佢啲朋友係咪教個仔女
喺屋企咩都唔得，留返啲精力去人哋屋企發洩

約任何friend上自己屋企之前
都一定會問清楚幾多個人
表面就係要預人頭準備食物
實質係見到唔對路就扮忙改期

係咪上嚟第一句就話間屋咁細點住

朋友嘅話絕對歡迎啊
講緊嘅係，去人屋企係咪要有少少同理心，諗吓個屋主感受
定係覺得朋友就咩都唔使理

本身都係咁諗
但原來問清楚都冇用，會自動出現㗎！

細路真係好麻煩 特別係未識野4-10歲 亂咁搞

試過有friend 係梳化度食蝦、一雙灰甲腳試用按摩椅、同埋之遠痾尿痾到出晒界唔抺，仲要懶衞生琴蓋衝廁，成塊板都係尿

人地唔教仔咪你幫佢教

明白樓主感受
早個排冇晚市 啲fd上黎食飯 叫左4個朋友上黎 其中兩個係情侶 加兩個女仔
情侶好準時到左 仲問有冇野幫手 食完野就自動自覺幫手執野
另外兩個女仔奉旨遲到 遲成兩個鐘 黎到果時仲好開心咁話：我地去左行街呀！！
食完野就坐係到話你知我唔做家務架啦
一開頭一次半次我覺得過門都係客人 冇所謂啦
但上得黎多真係覺得 就算淨係上黎打邊爐 我都要買餸 都要洗洗切切 功夫都唔少
食完又要洗野幫下我手執下野都好啊 好攰架大佬仲要行街又唔叫我 你地開開心心行緊街果時我係街市一抽二能緊 買完仲要抽返屋企點解可以咁大安旨意

Sorry好似離左題
而家免得過都唔會叫人上屋企
搞到亂晒又要執