排球少年算唔算呢十年黎最屈機既作品

哩個真痴線
運動劇情基本 係場上先做到英雄
諗到咁樣表達英雄 真係好撚癲

之前睇過日本初中/高中個啲排球社數目
係依套漫畫開始連載後，一路增加緊

好多運動漫有時就係衰咗太離地，但係排球有時仲要比起現實嘅男排更加現實，更加唔漫畫

其實打到中後就覺得冇乜橋冇乜新意
不過後尾識收，個尾靚
如果唔係仆街武肺會更好

所以唔畫二年級 直接跳到去咗巴西 醒到

条善寺

舊教練：今天也來快樂地打球吧

動畫呢一幕畫得非常好，成功畫出個振奮動作係成個人由內而外，情不自禁咁由個心發出黎，整得出果隻少少唔協調唔順暢既幾格動畫，先係真功夫

Production I.G 係有料 佢整強風吹拂都好正

新世代既運動漫畫已經進步左好多，變化亦好大，完全唔可以用“相同，相近題材冇新意”黎總結

由舊世代注重展現人物，人物關系，運動精神，對決場面呢幾種大方向



進步到分析，分享競技樂趣，排球入面多次提出，點解要瘋狂練習？並唔單止為左贏，而係如果要競技，冇一定水準係唔會達成競技既條件，兩方都打得柒，或者一面倒既比賽，都唔會有樂趣，呢套作品非常強調競技既樂趣，亦都重點描寫競技既條件，而個選手，班角色，係咪天生就鍾意個運動，將來有冇打世界杯，輸或贏，係唔重要，重要係表達佢地有享受過競技既過程，不論程度高低，能達到競技既條件，同享受過呢種幸福，先係想表達既野，從而引導大眾，不妨認真對待下“部活”呢種可以話只流係興趣，嗜好，或者俾人夾硬拉入隊既工餘，課餘活動，而唔好因為唔重要所以hea，失落左果種激動人心既幸福



其次就係比以前既運動類作品，都更加細緻描述該項運動既一切，呢樣係近代既大趨勢，以前既運動類作品，好話唔好聽，係透過運動去表達故事，戴志偉唔係踢波，係打籃球都可以既，而呢套排球，係邊過故事，去表達排球，例如佢用左非常多既篇幅去描寫貓駒呢隊波，但佢並唔係淨係想描寫貓駒入面既角色，仲更加想表達貓駒既打法，排球係一項歷史變化非常之大既運動，越變越發展就越高強度同刺激，20年前既排球戰術邊有接應做主砲，自由人做接應set波，全跑位進攻唔跟進呢d野，甚至一開始排球既發球就真係只係開波而唔會咁你死我活重中之重，烏野就係代表左排球不斷變化，尋求從變化中既進化，而貓駒就代表排球既另一極，最基本既排球元素，攔網，接球，只要唔俾個波落地，就唔會輸，呢樣係排球不變既野，作者大幅描述貓駒，其實係講解緊排球呢件事，唔係講好規則，講好常規戰術，又講下奇怪戰術，就叫描寫好一項運動，而係將排球由規則，戰術，原理，現在流行既風格，一直唔會變既基礎，都透過故事寫哂出黎，故事入面咁多隊波，係講緊排球究竟係乜野，觀眾睇完，對排球既認識唔會只係排球既規則，點打咁簡單，係做到現實既準球迷，係了解到件事，球賽走向，可能享受觀賞既程度

本身對排球無感，因為呢套野鍾意左睇男排，今年奧運由頭睇到落尾
然後發現啲人打波真係好似漫畫咁，用腳、飛身、跑去對面場接波、殺人開波（落網一樣多）、假扣真傳等，睇得好爽

好熱血

毒到呢

呢下真係好正
最鐘意睇打白鳥

其中一個亮點將大王送去阿根廷

最緊要係改正番以前運動番既壞處，例如slam dunk 有時花道好煩膠，而黑子變超能力籃球

排球少年cut哂呢d位，每個角落都寫得好正，知佢地內心感受

唔係講笑 我認為之後個十年 都應該無運動番 動搖到排球少年係我心目中地位

比著我係日本
見依家熱度高即刻食住個勢加資源
睇下有冇機會谷到做代表性既運動

普通貨色
睇左幾集 成班人打波叫叫叫
叫完打個波大力d?

其實怪人快攻現實中極難做到
唔係超能力 但有啲脫離現實

冇賣腐但cp感好強
感覺古館係女人

桐人君～