醫管局員工討論區 64

1. 唔建議您去 in 兒童醫院，因為嗰邊不論係 Admin 定係 Clinical 部門，人事都相當複雜。如果係 Admin 部門請人，個邊啲 Admin 老闆唔係癲嘅就廢嘅，去唔過。

2. School of General Nursing 即係 QE 嘅護士學校，嗰度嘅 EA I 會負責護士學生收讀各項護理課程嘅後勤工作，例如處理報名、學生嘅上課安排、上課嘅場地同訓練設備嘅安排、跟進學護喺邊間醫院同係邊啲病房實習等等。工作係繁複，但屬於 manageable 嗰種。

起碼要有兩年或以上 EOII 或 HAII 嘅工作經驗至可以 apply EOI 或 HAI

HA 嘅 Temp 位係有返工嗰日至有糧出，紅日同公衆假期冇錢收，冇任何一般 HA 員工所享有嘅福利例如免費睇醫生、約滿酬金等，仲有就係張 Temp 約一完，部門未必會 renew 您嘅 contract。要唔要呢個 offer，您自己諗啦

我都係聽番喺嗰邊 Admin 做的fd訴苦咁訴咋。

例如佢地個 GM(AS)，係出咗名嘅癲王之王，政策好睇佢心情，五時花六時變，搞到啲做細嘅 (講緊係 SHA 嗰一級嘅老闆們) 無所適從，連累埋啲下線嘅 HA、Clerk、EA、OpA等要日做夜做，但回報就唔成正比，仲隨時得個吉。

而上面提到嘅嗰班 Admin 嘅 SHA，其中有一兩個喺行內出咗名陰險狠毒，類似雍正皇朝面嘅八阿哥嗰一種，係邊啲部門就唔方便講喇，連佢地下面啲 HA II、Clerk I 甚至 EA I 都同流合污，將啲做得嘢嘅人陰走哂，剩番啲鞋油王同埋啲敢怒而不敢言嘅。您仲有冇興趣走嗰度做呀？

Ea1呢d小薯隨波逐流咋，邊有資格同流合污
咁講法Hkch係成個ha既濃縮版

我個fd話佢地真係同流合污呀，報酬就係有得升做 HA II。

又唔係成個 HA 都咁黑暗嘅，有部份啦。

原來有回報
咁吸引好難怪d ea1

如果以 Clinical 方面嚟講，HA 嘅原意係想集各家之大成，喺各個聯網抽調有經驗嘅兒科醫護專才到 HKCH 推進本地兒童醫學嘅創新同服務提升，但後來因為某啲原因，令HKCH 嘅醫護骨幹同發展方向都係由 QMH 嗰邊做主導。QM 啲人係出咗名又威又惡，喺嗰度做就好似喺惡人谷咁，要用盡方法委曲求存

係呀，無計

與其諗讀乜嘢，不如諗吓以下嘅就業選擇去衝擊 HA II:

1. 唔做 C III 轉行做 Admin 嘅 EA I。咁樣做的確冇咗唔少福利，但 Admin 老闆們請親 HA II 通常都會揀呢啲 rank: PS I、Clerk I、同埋 (我係認真嘅) Admin 嘅 EA I，因為做得呢啲 rank 嘅都有不同程度嘅監督員工經驗，而做 HA II 嘅其中一項主要工作，就係領導同監督下屬，而呢三個 rank 就正合乎老闆們嘅心水。

2. 如果唔想做 EA I，就唯有乖乖地原 grade 咁升，由 C III 升到 C II 最後升到 C I 就有啲機會上到 HA II。喺老闆同醫護嘅心目中，C III 同 C II 都只不過係一般文員，無乜領導同監督下屬嘅能力，要升人做 officer 同 manager 通常都只會考慮以上所講嘅三個 rank，另一方面會盡量 keep 住啲 C III 同 C II 做文員做到退休。不過要由 C III 升到 C I 都要有起碼7年或以上嘅文職經驗，一般人做到 C I 都已經心滿意足冇乜動力再想上喇。

Ea II使唔使著制服？

對客個啲要著綠色袍，back office唔使

除咗著文員嘅綠色袍之外，有啲 EA II 如果係喺 clinic 度做 Research Assistant 嘅話，就要著類似醫生著嘅白色袍

Apply 左ea 3
唔知有無機會見工呢

正常有手腳in完會請

要著袍個啲係咪入面著便服就ok

係呀